رمضان كريم
كل عام و أنتم بخير و صحه و سعاده
أود ان أشكر الغاليه ماما الاء على موضوعها الرائع ملف للشواء
شكرا لك حبيبتى جزاكى الله خيرا
المشويات بأشكالها المتنوعه من لحوم و فراخ و أسماك طعمها جميل
صحيه و مفيده و يحبها الجميع و خاصه فى النزهات
أود مشاركه الحبيبه ماما الاء بعمل الكفته المشويه بدون شوايه على البوتاجاز او فى الفرن لكن بشكل و نكهه الشواء
الكفته المشويه
المقادير
نصف كيلو لحم مفروم
بصله صغيره مفريه
بقدونس مفروم
قطعه عيش مبلوله و معصوره
ملح / فلفل / جنزبيل
الطريقه
نخلط كل المقادير مع بعض جيدا و تترك فى التلاجه حوالى نصف ساعه
نبدأ فى تشكيل الكفته كأنها على اسياخ الشواء بهذه الطريقه
نحضر ملعقه خشبيه و ندهن يدها بقليل من الزيت و نضع جزء من الخليط
نضغط عليه بيدنا جيدا حول الملعقه ثم نسحبه برفق
نضعه فى صنيه مدهونه بقليل من السمن او الزيت و عندما يحمر و جه نقلبه على الوجه الاخر
نشعل قطعه من الفحم حتى تصبح جمره و نضعها على قطعه بصل و نضع عليها قليل من السمن او الزيت و نحكم الغطاء
حتى تتشرب الكفته كل الدخان المتصاعد من الفحم
تقدم ساخنه مع السلطات و المخللات
يمكن ايضا شوى الكفته فى الفرن
اتباع نفس الخطوات و وضعها فى صنيه و تدخل الفرن حتى تنضج
و نشعل فحمه و نضعها على بصل او على ورق الفويل و نحكم الغطاء
و تقدم ساخنه
و بالف هنا و شفا
يكون الطعم رائع و مثل الشواء على الفحم و كمان مجوفه من الداخل
أتمنى تكون عجبتكم و عجبت الحبيبه ماما الاء
ملحوظه لو الصور أختفت ستظهر يوم 17
لالالالالا تنسوا الدعاء لأولادى
الروابط المفضلة