اسفة لإزعاجكم بس طلبي هو النكهة اللي نلاقيها في سبرنغ رول المطعم ولما نسوية في البيت مايطلع زي المطعم
وبعد شفت الطرق اللي موجودة عندنا هنا مالقيت فيها مكونات الصيني

اللي عندها فكرة عن المكونات الاصلية للسبرنغ رول ومكان بيعها اذا امكن في السعودية 0-لأني احب الاكلة هذي بشكل
وسلامتكم000000

هلا اختي احمسي بصل مع كميه من الكروم ثم اضيفي لها جزر مبشور مع اضافه الملح والبهارات ثم اضيفي لها الصوص اللي مرسوم عليه وزه حمراء صراحه مو متذكره اسمه صقيني سر نكهه الصيني في الكروم والبصل الاخضر

السلام عليكم
من عيووني يا روان
هذه الطريقه اللي عندي طريقه وحده صينيه ولا بعد شفتها كيف تسويها وتراها تجننننننننننن
احسن سبرينج رول ذقته
المقادير
جزر- كرنب(تكون مبشوره مو بالبشاره اليدويه بالكهربائيه اللي تطلعه مثل الشعر وطويييل)- ونوع خضار والله ما اعرف اسمه بالعربي وهو على شكل خيوط زي النبته اول ما تنبت (ان وجد)
صدر دجاجه مقطعه شرائح رفيعه منقوع لساعتين او اكثر باربع ملاعق خل -2م ك زيت السمسم البني مو الابيض الشفاف -4م ك صويا صوص - 1 فص ثوم-شوي بشر الزنجبيل الطازج_ رشه فلفل اسود
2بيض مخفوق و مقلي (يحرك اثناء القلي بحيث يكون كانه قطع
الطريقه
تحضرين مقلاة كبيره وتحطي عليها مقدار نصف فنجال الشاي زيت وخليه يسخن مره على نار حاميه بعدين اضيفي ملعقه صغيره من مبشور الزنجبيل وفص ثوم لمدة 30 ثانيه لاضفاء نكهة بعدين اضيفي الدجاج المتبل لمدة دقيقة ونصف بعدين شيليه واضيفي الخضار وتحرك لمدة دقيقةثم يضاف عليها من4-5 م صويا صوص لمده دقيقه بعدين شيليها من على النار (مع ملاحظه النار تكون عاليه جدا ويحرك بصوره سريعه ولا تستوي الخضار
خذي الخضار وصفيها من المويه اللي فيها بوضعها بصفايه والضغط عليها باليد حت تنشف حتى ما ترطب العجينه
بعدين ضعي عليها الدجاج والبيض المقلي وملحيها وشوي فلفل اسود واحشيها
ولازم تشديها اثناء الحشو لا تكون رخوه حتى ما تفك معك اثناء القلي وامليها احسن
وسكريها بالبيض واقليها في زيت حااامي حتى ما تتشرب زيت
وبالعافيه
ولازم تقوليلي النتيجه

مشكورة ياماشة 000000 بس الظاهر فيه أشياء ثانية0
del مشكورة ياعزيزتي000 النبتة اللي تقصدين تسمى براعم الفاصوليا وهذي استخدمها أحيانا في الحشوة 00000 لكن مامرة نقعت الدجاج مثل ماقلت انشاء بجرب طريقتك وايضا بضيف البيض واشوف النتيجة
وتسلمون حبايبي على تعاونكم0

شوفي حبيبتي حطي مع الخلطه شوي من صوص الصويا
وهو يخلي النكه زي ماتبغين
جربي وقولي لي

اختي زيادة على الصوياصوص زيدي 1او2ملاعق كبار زيت السمسم وملعقة خل والاهم من هذا كله لا تنسين اول شيء تضعينه مع الخضار الملح الصيني مو كثير ربع ملعقة قهوى كافي وخبريني بعدين

بصراحة الجميع ما قصروا بس أنا بعطيك طريقة سهلة مرة و لذيذة وهي بالضبط مثل اللي في المطعم الصيني و أتوقع إني كتبتها مرة في المنتدى لوحدة بس ما يخالف
الطريقة هي جيبي كل الخضار الموجودة عندك ( بطاطس جزر فلفل رومي ملفوف)قطعيها صغار ما عدا الفلفل الرومي يقطع بشكل طولي ثم لازم يكون عندك الملح الصيني و الصويا صوص المرسوم عليها التنين لأنها الأصلية و التي تستخدم في المطاعم الصينبية
اقلي كل واحدة على حده بالزيت شوية غزير و أضيفي على الخضار وهوبالزيت الملح الصيني و الصويا و اخرجيه و هكذا مع كل واحد على حده و نشفيه من الزيت تماما ثم اخلطيها كلها من بعض و احشيها في السبرنغ رول ثم تقلى في زيت قليل

اشكر الجميع على تعاونهم الواحد صار يفشل يطلب شي0000 لولو عزيزتي من زمان عنك000 والصويا استخدمه 0
ام سارة بصراحة مامرة جربت زيت السمسم لأني النوعية اللي أشوفها بالبقلات استخدمه في اشياء ثانية فما أدري تنفع ولا لأ0انشاالله بجرب يوم واقولك0
سارونة00ايش تقصدين بالملح الصيني هو نفسه الاجينو موتو00وايش مكتوب على صوص الصويا اللي قلتيه وصناعته اذا امكن عشان اقدر اجيبه00واجرب طريقتك00وتسلمون كلكم والله يجزيكم بالخير

بالنسبة للملح الصيني نعم هو نفسه الأجيني موتو
أما الصويا التي ذكرتها لك فهي مكتوب على زجاجتها (دراغن صوص الصويا ) و إنتاج الولايات المتحدة الأمريكية
أتمنى أن تجربيها فهي لذيذة جدا و إنشاء الله قريبا تبشريني بالنتائج

مشكورة عزيزتي سارونة وبتوصلك الاخبار قريبااااااااااااااَ