السلام عليكم ورحمة الله وبركاته
جبتلكم طريقة اكله صينيه تجنن عجبتني وياليت تجربوها
المقادير:
صحن صدور دجاج
حبه بصله
حبيتين ثوم
قطعه زنجبيل
شوية زيت
ثلاث ملاعق قشطه
علبه زبادي
ملعقه ونص صلصة الصويا الحلوه
شوية ملح صيني
شوية ملح عادي
شوية بهارات الكاري
كاجو محمص
بصل اخضر مقطع مستطيلات
الطريقه:
تفرمين البصل والثوم والزنجبيل مع بعض وتحمرينها في الزيت الين تصير ذهبيه بعدين تقطعين الدجاج مربعات صغيره وتحطينها على البصل وتقلبين وتتركينها على النار الين تنشف موية الدجاج 0
تحطين في الخلاط جميع المقادير الباقيه ماعدا الكاجو والبصل الاخضر وتخلطينها وتصبينها عليها وتتركينها عشر دقايق وبعدين تطفين النار والدجاج يكون مستوي من قبل يعني مايحتاج بعد ماتطفين تحطين الكاجو والبصل الاخضر وتقدمينها مع الرز الصيني وبالهنا والعافيه0 انشالله يعجبكم
الروابط المفضلة