السلام عليكم ورحمة الله وبركاتة
اخباركم حبيباتى
ام عبد الرحمن الف سلامة عليها سلمى ان شاء الله تطمنى عليها وما تشوفى فيها شر
انا هدخل فى اخبارى على طول
انا امبارح رحت للدكتورة
قالتلى ان البيبى وزنة تقريبا كويس حوالى كيلو و400 جرام ... والمية حوالية كويسة
بس قالتلى ان الراس فوق .... قلتلها تاااااااااااانى
سألتنى انتى بنتك الاولى كانت الراس فوق بردة جاوبتها ايوة
استغربت جدا انى ولدت طبيعى وتقولى ازااااى تولدى طبيعى دا ممكن كانت راسها تتحشر فى الحوض ومتعرفيش تولدى والبنت تموت
الصراحة عقدتنى وخفت جدا مع انى ولدت حنين كدة بس مش عارفة لية خفت على اللى فى بطنى
مش كل مرة تسلم الجرة زى ما بيقولوا
وطلبت منى تحاليل هيموجلوبين وبول كامل وتحليل سكر وكمان تحليل كالسيوم
علشان تعرف وجع عظامى زااايد عندى اوى لية
لأنى قلت لها انى مش بعرف انام من كتر الوجع كل ما اتقلب اتوجع
وقالتلى احتمال كبير يبقى عندى انيميا ....
اعطتنى مسكن للآلام علشان وجع عظامى لغاية ما تشوف تنيجة التحاليل
وبالنسبة للتحجير قالتلى دة طبعا طلق مبكر .. . كتبتلى على اقراص آخد منها نص قرص 3 مرات بالاضافة للبوس المهبلى علشان يهدى الطلق ويعمل على تهدئة الانقباضات شوية
وكمان كتبت لى على حديد .... وكالسيوم
ولما سألتها انا مش المفروض اقطع الككالسيوم من اول السابع ... قالتلى انتى جسمك محتاجة هناخدة لأخر السابع وبعدين نقطعة
الصراحة انا طلعت من عندها نفسيتى تعباااانة ومش مرتاحة
وخايفة جدا البنوتة اللى جوة تفضل على وضعها لغاية الولادة
لأن الوجع اللى شفتة فى حنين خايفة اكررة تانى
الحمد لله والشكر لله على كل حال
الروابط المفضلة