انا قريت كل الواجب واطمنت عليكم وعلى اخباركم وعلى اولادكم الله يحفظهم
يا بنات انا النت كان بيخذلني على طول كل ما ادخل واكتب رد واتعب في كتابته فجأة كل شي يروح وافقد الاتصال وتنسد نفسي واقوم من النت يعني هو سبب تقصيري معاكم في الردود يمكن تصدقوا ويمكن لا بس هو هذا اللي حصل معي
الان غيرنا النت على شركة ثانية المفروض انها احسن وان شالله تطلع احسن فعلا
انا زعلت لام تالين لانها اجهضت و اسال الله ان يعوضها بالحمل الثابت في القريب العاجل
فيفو.. وانا على طول مشتاقة لكم ولاخباركم وعلى عيني تقصيري معاكم بالرد بس احيانا بيكون غصب عني
ربنا يحفظ اولادك ويسهل لك حملك والولادة ويهون عليكي اعراض الوحم ... اللهم امين
ام يارا ... لو تعرفي في اليوم اللي نزلتي فيه صورة يارا ذات الشعر الاسود الحرير كتبت رد طوووووويل وكله طار في لحظة و تضايقت وخرجت من التجمع... اللهم يبارك لكم في انتقالكم لبلجيكا ويجعلها فاتحة خير عليكم و على ياريتا وان شاء الله تحبلي في القريب العاجل بيقولوا ان السفر يفك الكبسة ويحصل الحمل <<< على اعتبار كنتي مكبوسة في اسبانيا ههههههههههههههههههههه هذا كلام جدتي الله يرحمها
شموسة ... قلبي وعقلي معاكم والله انتي وام حنونة وام نودي يا رب يحفظكم يا رب ويحفظ اهاليكم وعوائلكم ويحفظ جميع اهل مصر وينصر المظلوم ويظهر الحق امين يا رب
ام حنين ... اذا كنت واحشاكي قيراط فانتي واحشاني اربعة وعشرين ونفسي اقفشك يوما ما على الياهو مسنجر ... ربنا يخليلك بناتك و يبقى بيتك على طول يزهو بيهم وبحلاوتهم وشقاوتهم ... اللهم يحفظكم ويحفظ اهل مصر جميعا ويعلي كلمة الاسلام فيها

اما عن اخباري انا وحسوني
احنه الحمدلله بخير
وحسوني كان عيد ميلاده في بيت اهلي في بغداد وخذت له صورة في الاستوديو ان شاء الله لما استلمها من المصور انزلها هنا
يا ريت يا بنات تتكرموا وتدعولي في صلاتكم بالحمل الثابت في القريب العاجل لاني عجزت من متابعة الطبيبة ومفيش اي سبب واضح يمنع الحمل
الله كريم
الاسبوع الجاي حاروح مرة ثانية لبغداد ازور اهلي وكمان عندي شوية معاملات واوراق لازم انجزها فلو غبت عنكم لا تقلقوا و تعذروني
يلا استودعكم الله الذي لا تضيع ودائعه

صباح الخير كيفكن و اخباركن ايه
الله يفك كرب اخواننا في مصر و يعم الأمن و الأمان و يحقن دماؤهم لا حول ولا قوة الا بالله العلي العظيم النفسية زفت من الي بيحصل و الي بنشوفو و كيف الارواح صارت ارخص ما يكون
ام الحسن منورة حبيبتي و وحشتينا و وحشتنا اخبارك و اخبار حسونة و تسلمي ياقمر و الله يسمع منك و يكون التغير فك و يصير حمل و يارب يا قادر يا كريم يرزقك بالحمل التابت السليم المعافى قريب يارب و يرزق كل مشتهية يارب
ام عبد الرحمن سلامتك حبيبتي الف سلامة الله يخفف عليك حملك و حمل ام نادين و كل الحوامل يارب
باقي الامهات كيفكن و اخباركن ايه طمنونا عنكم

Sent from my GT-N7100 using منتديات لكي mobile app

ازيكم يا بنات
فيفو
شفاك الله وعافاك
وربنا يتم شفا سلمى على خير
ايه اخبار ولادك؟
كان عبد الرحمن ايده مكسورة تقريباً من فترة صح ؟
اخبارها ايه دلوقت
واخواته اخبارهم ايه؟

ام يورو
ربنا ييسرلكم اموركم فى بلجيكا
ان شاء الله تتعودوا بسرعة
انت ليكِ حد فها صح ؟
واخبار يورو ايه فى الجو الجديد ؟

حنونة
الحمد لله غيرتوا النت
لما النت بيرخم بيبقى مشكلة
واخبار حسونى ايه ؟ان شاء الله بخير
وربنا يرزقك بالحمل التام والذرية الصالحة

وباقى البنات يارب تكونوا بخير

اخبارنا
احنا الحمد لله بخير
بس الأوضاع محزنة زى مانتم عارفين وقافلة نفس الواحد عن كل حاجة
ربنا يفرج هم كل بلادنا
ويهدى الناس الفرحانة باللى بيموتوا وينتقم من اللى بيكذب ويفترى على خلق الله

اهلى ساكنين جنب رمسيس اللى كان فيه احداث الأمس
واخويا كان عندهم قبلها ولما تم فض الاعتصامات ماقدرش يروح بيته ومعاه مراته وبناته
نزل رمسيس امبارح واللى حكهولنا مالهوش دعوة باللى كان بيتقال فى الإعلام من كذب
ربنا ينتقم منهم ويجعلهم عبرة للناس لإنهم بيقوموا الناس على اللى زينا كدة
عمالين يتكلموا عن اقتحام للقسم اللى هناك والناس كانت قاعدة فى الميدان نفسه وهما اللى راحوا ضربوهم بالغاز
فراحت مجموعة عشان ماتخليهومش يتقدموا للميدان وكانوا بيضربوهم برصاص فتاك من جوة القسم
ولا نفر من اللى كان قدام القسم كان معاه سلاح واخويا كان معاهم
بعدها الجيش بعتلهم طيارة بقناص والرصاص نزل زى الرز عليهم واخويا فضل يلف على ماعرف يرجع البيت على الرغم من انه من المنطقة
بس لإن اللى عاملين لجان شعبية مسيحيين وفيهم بلطجية المنطقة وهو مش مختلط بيهم فلو شافوا ملتحى جاى عليهم ممكن يضربوه
راح بابا وقريبنا جابوه ..بس جه من ناحية لجنة ممكن يعرف ناس فيهم
انا كنت رايحة لأهلى وبعد فض الاعتصامات قعدت فى بيتى وتوالت الأحداث بعدها
وطبعاً زى كل مرة تم استدعاء جوزى يرجع وحدته وسافر النهاردة
ربنا يرجعه بالسلامة ومايطولش هناك ..الحمد لله انه مش من المجموعات القتالية

بس مش هنقول غير حسبنا الله ونعم الوكيل ع الناس اللى بتتحاصر فى المساجد والإعلام بيقول عليهم ارهابيين
وفى الآخر بيخرجوهم خروج آمن على سيارات الشرطة
عمرى ماشفت خروج آمن لذيذ كدة
يالا دوشتكم بأحوالنا
ربنا يفرج هم اللى فى سوريا ويهلك بشار وامثاله فى مصر
انا خوفاً على الناس مش عايزة مظاهرات لإن خلاص الإبادة بقت عينى عينك عادى
وان شاء الله كل اللى بيبارك اللى بيعملوه الجيش والشرطة يناله من بركاتهم

السلام عليكم
كيفكم يابنات ليه كده لا حس ولا خبر
اناقريت أخباركم بس ما أقدرش ارد على كل واحدة
بصراحة تعبانة هاليومين حساسية الصدر زايده عندي لدرجة أني باخد الڤنتولين بإنتضام عشان يساعد في ا

معليش الست سلمى بعثت الرد قبل ما اخلص 😊
المهم عشان يساعدني في التنفس
وباخد معاه انتي هيستامين تابلت اسأل الله ان يشفيني وجميع مرضى المسلمين

إخباري
عملت سكان الأسبوع اللي فات والحمد لله
البيبي كويس وفي خبر حلو قالولي البيبي ان شاء الله بنوته الحمد لله يارب تجئ كويسة وسليمة معفاة يارب
وأقوم انا بالسلامة دعواتكم معايا يابنات وعقبال كل مشتهية ياااااارب
ربي يرزق نسرين و كريمة وأماني وأم نادين وأم ساره انه ولي ذلك والقادر عليه
بنات ساعدوني بإقتراح أسماء للبنوته
لان زوجي الأسماء اللي قلتها ليه مش عجباه
لعل ألقى اسم حلو وعربي وعادي مش ضروري من الأسماء الغريبة لان زوجي رافضها
انا كده طمنتكم عليا وبعون الله لي عودة للرد عليكم ان شاء الله تعالى

أم جوجو
إحنا فاهمين اللي حاصل وربما ينتقم من الظلمة يارب

ام يارا و الجميع هذه صور سلمى في العيد

http://www.lakii.com/img/all/Aug13/MclM1a08240558.jpg

http://www.lakii.com/img/all/Aug13/oxylZ808240557.jpg

مش عارفه ليه طلعت على هيئة روابط

بنات دعواتكم لي بالشفاء انا امس مانمت الليل