يا مرحبا ترحيبة البدو بالبرق
اللي لهم عامين مارحبوبه
رحب به اوسطهم ومن فرحته غرق
جفنه بدمع بلل اطراف ثوبه
البرق شرق وهو له صويحبن شرق
وبرق بصدره بارقن مادروبه
ياللي سرقت النوم والعافيه سرق
يازاد قلب اللي هواك وتروبه
تغيب ماهمك وانا الاحي الورق
ولا تخاف من الجفا والعقوبه
الوصل مرهم كبد ولا الجفا حرق
والصبر ينفظ في غيابك جيوبه
كسرت كل أبواب وصلك من الطرق
وغيرك طرق قلبي ولاني بصوبه
للي يريد الوصل يامكثر الطرق
لو وقفوا كل العرب في دروبه
وسلامتكم
لأ بن فطيس
الروابط المفضلة