ام حنين
الحمد لله ان الفطام عدى على خير

انا بقى طعمت جهاد واااااااااااه من تطعيم السنة و نص
كانت كويسة لغاية مانامت شوية وصحيت
صحيت رجلها واقفة وعمالة تعيط
دفيت شوية واديتها خافض
انا شايلاها على كدة مش راضية بحد
ده غير ان عندها برد ونفسها المسدودة من البرد والتطعيم
عايشة على الرضاعة بس

قريت ع النت انى اعملها مية دافية على رجلها

سلامة جوجو الف سلامة الله يخفف عليها و يشفيها يارب
يارا لسه ما طعمتها لانه كانت مريضة و حرارتها مرتفعة كل مرة يكون عندنا موعد التطعيم
فالطبيب ماجل التطعيم حتى تصير كويسة من غير زكام و لا حرارة لانه هنا
ما بيطعمو غير لما الطفل يكون كويس و ما معه شي و الحرارة ما ارتفعت اسبوع على الاقل

شموسة
الحمل ... الولادة ... الرضاعة ... .... كل دة حاجة
والفطام حاجة تانية خااااااااااااااااااااااااااااااااااااااااااااااااا ااااص
انا شفت ايام ما يعلم بيها الا ربنا
ودة مش لأن الفطام صعب
لأ .... لأن بنتى عنيدة جدا
هحاول فى الرد الجاى اقولك انا عملت اية فى الفطام

ام ياريتا
والله الفطام مكانش المشكلة ... المشكلة كانت فى حنين نفسها والله انا نفس الكلام دلوقتى مش عايزة اروح اطعم حنين علشان هى تعبانة
ان شاء الله لما اشوف انها كويسة هطعمها

فى بداية الامر خالص انا فطمت حنونتى علشان هى مش بتاكل خالص وكانت معتمدة على الرضاعة بصفة اساسية
فتوكلت على الله ونويت افطمها
طبعا كنت بدعى ربنا سبحانة وتعالى انة يساعدنى ويعيننى لأن بنتى من النوع العنييييييييييييد جدا ... ومبترضاش بالامر الواقع ‏‏بسهولة
انتهزت فرصة خطوبة اختى ورحت عند اهلى
وهناك عزمت النية وتوكلت على الله
لكن فوجئت بحنين تعبت وجالها دور برد جامد خلانى أأجل الموضوع شوية
واول ما ابتديت احس انها بقت كويسة الحمد لله نزلنا البلد عند اهل بابا (الريف المصرى ) حيث المساحات الواسعة والحيوانات والهواء النقى
والصراحة انا لما رحت هناك قبل كدة حنين احبت المكان جدا ... وكانت طول النهار بتلعب


طبعا انا كنت قبل الفطام بحوالى شهرين ابتديت اقلل لها الرضاعة لغاية ما وصلت لحوالى رضعتين او 3 طول النهار ورضعة قبل النوم ... كانت كل مشكلتى فى الليل .... مهما حاولت انى اقلل لها الرضاعة وهى نايمة مقدرتش ابدا
فموضوع الفطام التدريجى منفعش معاها خاااااااالص
جبت صبار وابتديت احط على صدرى .... وقبل ما ارضعها نبهتها ان دة كخ وحش ... واول ما ابتدت ترضع سابتنى وقعدت تعيط من مرارة الطعم
بعدها بشوية جت تطلب الصدر التانى (اللى مأخدتوش ) املا منها انة ميبقاش زى الاول
ولما لقتة نفس الطعم ابتدت تعيط واختى اخدتها بعيد عنى ... وفضلت تلعب طول النهار وبابا بليل نيمها ...
وقلت الحمد لله اول يوم عدى ... طبعا انا كنت على آخر يوم صدرى ابتدى يملى ويوجعنى
اتارى اول يوم دة مشكلتة مش فى النهار ... مشكلتة فى الليل .... وعلى رأى بابا ... الليل مجمع الويل
طبعا صحيت فى وسط الليل عايزة ترضع
عياااط وصراخ وخبط فيا لمدة ساعة ونص متواصلين بدون كلل ولا ملل ... وتشد فى هدومى علشان تطلع صدرى ... وانا اقولها كخ يا نونا طعمة وحش ...وفيييييييييين وفيييييييين لما نامت من كثرة البكاء
وعدى اول يوم
تانى يوم كانت عاملة اضراب عن الطعام علشان تخلينى اعدل عن قرارى ... بس كانت بتلعب مع الاطفال اللى من سنها ... وفرحانة بجو الريف .. وكانت كل شوية تيجى عايزة ترضع ... اقولها ... مم كخ فية يع يا نونا ... تبص لى شوية وتعيط شويتين وييجى اى حد ياخدها يلاعبها وتنسى ..
وبليل حصل نفس اللى حصل فى الليلة الاولى
وتالت يوم كانت ابتدت تستسلم للأمر الواقع .... بليل مقامتش تعيط كتير.... يعنى حوالى ساعة الا ربع كدة
وهكذا لغاية ما عدى اسبوع فضلت يوميا تصحى بليل تعيط فيما لا يقل عن نص ساعة الى ساعة (بس دة لأن بنتى عنيدة جدا )
ودلوقتى الحمد لله عدى حوالى 3 اسابيع ... وبتنام فى حضنى ومش بتطلب صدرى الا نادرا لما تكون بتعيط وعايزة جرعة حنان ...ههههههه



الفطام مش سهل
انا شفت اياااااااااااااام
الحمد لله عدت
والله الامومة دى شيء صعب جدا
ربى يبارك لى فيكى يا امى
انا كل يوم بتأكد ان امى دى عظيمة جدا
انا من ولادة واحدة ( حمل وولادة ورضاعة وفطام )
وخلااااااااص بقول انا سلمت الراية
ماما بقى جابتنا 6 ماشاء الله يعنى عاشت اللى انا عشتة 6 مرات
فعلا صدق رسول الله صلى الله علية وسلم حين اوصى بالام ثلاث مرات
ربى يجازيكى خير يا امى على تحملك لينا فى كل لحظة من لحظات حياتك

السلام عليكم يا الغوالي كيفكن و أخباركن إيه
إيه الغياب الجماعي ده 
ام نونة الحمدلله مرحلة و عدت الله يعينا على قلع الحفاض هههههههه
و الحمدلله انك مكنتيش لوحدك و اهلك معاك يسعدوكي
و سلامتها الامورة الله يشفيها
و فعلا أمهاتنا مفيش زيهم و الا زمنهم غير زمنا لانه أمي الله يحفظها و يحميها جابتنا تسعة
أنا وحدة و الشيب طلع ههههههههه

السلام عليكم
وينكم ياحلوين ؟؟
كيفكم يابنات؟ وين هالغياب <<< عارفة انا اخر واحدة اتكلم علي الغياب
بس احيانا ادخل القي التجمع ماشاء الله مليان بالحبايب
المهم انا نفسي كثير اتكلم معاكم بس الوقت للاسف بيمر بسررررررعة والمشاغل ماتخلص سبحان الله
انا كان نفسي اسلم عليكم جميعا بس اعذروني ان شاء الله احاول ادخل مرة ثانية
لان دخلتي سريعة والله المطبخ عندي مقلوووووب وراحة ارتبه وانظفة
دعوااااااااااااتكم

بس تمنيت القي خبر علي ام ساره !!!
يارب تكون بخيروصحة وعافية

ماتنسوني من صالح الدعوات

سلامي للجميع
ام يارا
ام حنين
ام جهاد
ام مرمر وليلو
ام الحسن
ام ميرا
ام ساره
ام تالين
ام سعودي
واكيد الغائبات جميعا

السلام عليكم
منورين ام حنين وام دحومي وام يارا والجميييييييييييييييييييييع
حيت اخبركم ام ياسر بتسلم عليكم وتطلب ان تدعوا لها
لانه عندها التهاب حاد بالرئة لغاية انها لما تكح يطلع دم منها الله يشفيها
وهي قبل يومين دخلت التاسع
الله يسهل ولادتها
ويارب نطمن عن ام سارة
سلامي لام الحسن وام سعودي وام ميرا وام تالين وام جوجو والجميييييييييييييييييييييييع

ازيكم يا بنات
طبعا جوجو وريتنى يوم صعب ورجلها كانت واقفة وطول اليوم كنت شايلاها
ومش بترضى بحد غيرى يشيلها وبتسخن وبديها خافض
بس الحمد لله تانى يوم قدرت تمشى وتتحرك
و خربت بالضعف كمان
ماما واختى بيقولولى بتعوض اليوم اللى تعبت فيه

ام نونا
الف سلامة ع القمر
انا خفت أاجل التطعيم اكتر من كدة ماعرفش انه عادى
اجلته اسبوع عشان البرد ومناخيرها مسدودة
لما لقيتها اتحسنت شوية رحت طعمتها

وعلى فكرة اللى عملته نونا فى الفطام ده مش عند منها
لا انا اعرف ان اغلب الأطفال بيعملوا كدة
وطبيعى اللى متعود يصحى بالليل يرضع بيبقى صعب عليه يتعود
كتير بيقولوا الفطام بياخد اسبوع بسبب الرضاعة اللى فى النوم
وربنا يبارك فى امهاتنا ويجعلنا بارين بيهم

ام مرمر
ربنا يقومها بالسلامة ويشفيها ويعفوا عنها ام ياسر

فيفو
ربنا يكون فى عونك
وضعك متعب وصعب ربنا يهونها عليك
انا ماتخيلش نفسى مكانك
زوجة اخويا معاها اربع بنات ما شاء الله
اخر بنت لسة شهور طبعا بتشد شعرها منهم
بس الفرق بينها وبينك ان الفرق بين الأولى والتانية 3 سنين وبين التانية والتالتة اربع سنين
مع التانية تعبت اكتر عشان البنت الأولى لوحدها
بس مع التالتة والرابعة بتنام معاهم وتسيب التانيين يلعبوا مع بعض لإن سنهم مش صغير زى اولادك
ربنا يقويك ويهديلك اولادك

ام يارا
انا امبارح دخلت المنتدى لقيته فى صيانة
يمكن عشان كدة كان فيه غياب جماعى

اهلا ام جوجو
الف سلامة علي القمر والله اللقاحات دي متعبة للطفل والام في نفس الوقت
لكن تصدقي انا احنا خلاص خلصنا اللقاحات الان فاضل لنا اللي في اربع سنوات يعني لما بيدخل الطفل للروضة بس
وكانت اخر تطعيمة عندنا سنة وثلاث اشهر
اعتقد انا احنا بيدوهن وراء بعض لان كان فيه ع السنة وبعدين ع السنة وشهرين