اختي افنان ام عمر اذا بتقولي انتي زوجك من عنا واذا كان ساكن في الاردن اكيد جوزي بيعرفه
لانه جوزي درس في عمان وبيعرف معظم طلاب قلقيليه والفلسطينيه اللي كانوا معه
احكيلي اسم او عيله زوجك ورح اسال جوزي واذا بدك وديها على الرسائل الخاصه في المنتدى

السلام عليكم
انا البابا من فلسطين من عكا
بس ولامره رحت على فلسطين و البابا ولد و عاش بلبنان
يعني فلسطينيه بالاسم فقط
وكل المناطق الي حيكتوا عليها ولامره سمعت فيهم
كنت عم احاول الاقي حدا بعرفوا

صباح الخير يا حلوييييين

فنو ... انا اللي ساكنة بأبو نصير مش دندوش .. المرة الجاي بتخبرينا لانه عالطالعة و النازلة بنمر بشفا بدران يعني كإنها مدينة وحدة .. و الله خسارة ما كنا نعرف من قبل

عن جد شي بيقهر نكون كلنا بنفس البلد و ما حد يشوف حدا "بس أنا بشوف دندون" ..

السلام عليكم ورحمة الله وبركاته
أنا كمان من فلسطين من خان يونس ولكن مولودة وعايشة طول عمري في الامارات اَخر مره
زرت فيها فلسطين من عشرين سنه تقريبا كان عمري 13 سنه بس أنا مش كبيره كتير احسبوها
انتوا
بصراحه يا هنلي موضوعاتك بتعجبني خصوصا وصفاتك ،وكمان كل الاخوات في المنتدى
حبيتهم ، صحيح يمكن مشاركاتي قليلة لكن صار عندي ادمان على المنتدى ، في اليوم الواحد
بفتح الكمبيوتر 3-4 مرات ومن الصبح بدري أوصل الاولاد على المدرسة وبرجع أعمل كاسة الشاي و على الكمبيوتر ، وفجأة بلاقي الساعه صارت 11 وأنا لسه مش عارفة ايش بدي أطبخ
حكيت كتير صح!!!!!!!!!!! بس صراحه حبيتكم كلكم وحبيت المنتدى الرائع

اهلا و سهلا فيك يا ام عدنان و بكل اهل خان يونس

اقتراح:::: اطبخي اليوم مقلوبة نفسي كتير فيها

أهلين دندون تعلي بكره بطبخ لك مقلوبة لأنو اليوم عندي بوفيه مفتوح راح أطلع كل الأكل اللي في الثلاجة وكل واحد ياكل اللي بدو اياه
بس ما قلتيلي بتحبي المقلوبه بالباذنجان ولاّ بالقرنبيط

اللي بيطلع معك .. انا المقلوبة و بكل فخر باكلها بكل اشكالها : باذنجان، زهرة، بطاطا، بندورة، ملوخية .. ما في مشاكل الحمدلله

يا سلام عليكي يا دندون هنيّه ما شاء الله عليكي وما بتغلبي
بتعرفي انو أول أكله شفتها في المنتدى الأكله اللي من اختراعك الخضار السوتيه طبعتها و خبيت الورقه علشان لما أعمل عزيمه راح أعملها ، وأنا من يوم ما اندليت على هالمنتدى وأنا بطبخ منه ولمّا يسألوني عن الطريقة بقلهم هادي أكلة انترنتية و صار الكل بدو يعرف من أي موقع بجيب أكلاتي

صحتين و هنا على قلبك و قلب حبايبك ..
للامانة العلمية : مش انا اللي حاطة موضوع الخضار السوتيه .. في دندون تانية هي اسمها بالعربي و انا بالانجليزي ... لذا اقتضى التنويه