تصدقو ان الاكل استوا واكلنا وانتم لسه محدش قال حتي السلام عليكم
علي كل حال انا مستنيه
هبدأ انا
واقولكم انا عندي تجربه مع الكيراتين رحت عملت شعري
في كوافير في شارع صاري ودفعت 3000 ريال طبعا
جوزي اداهملي بعد مشوار طويل من الاقناع ان شعري
هيبقي حاجه تانيه خالص وقد كان رحت ودفعت ورايحه
جايه عليهم اعدي بالكراتين 3 ايام وبعدين اروح يتغسل
وبعدين 3 ايام تاني وبعدين اروح اغسله والمهم مشيت
من عندهم شعري متسشور بعد الكيراتين وناعم كالحرير
واقولهم يا جماعه بعد ما اغسله هيفضل بالحلاوه دي
يقولولي طبعا وبيبقي احلي واحلي لو لفتيه طقيه
وفعلا اعدت بيه 8 ايام مش هاين عليه اغسله وخايفه من
الميه لحد ما جات اللحظه الحاسمه وغسلته ولفيت
شعري طقيه لقيته مش زي ما كان متسشور ومش زي
الاول قبل الكيراتين اتحسن فضل جميل اسبوعين باللف
لكن من غبر اللف مش نفس النتيجه وبعدين مره غسلته
بعد مسرحته لقيت شعري هاش ونشف رحت لغاه لما
فكيته كان كويس بس مش زي ما اتعودت فضلت علي
الحال ده اسبوعين تانين لازم يتلف اكتر من مره في اليوم
كل ما جوزي يخرج اجري الفه او يبقي هايش
وفي مره غسلته ولفيته كالعاده وبعد ما فكيته خير اللهم ما
اجعله خير شعري رجع زي زمان وراح الكيراتين تماما ولا
عدت عارفه اسيب شعري ولا نافع فيه لف
يعني الكيراتين ابو 3000 ريال اعد في شعري شهرين
بالعافيه
خدو بالكم وانتم مقبلين علي خطوة الكيراتين
علشان متخسروش الخساره الي خسرتها
علي فكره الكوافير اسمه بيرفكت في شارع صاري
والكيراتين اسمه جلوبال
وعلي فكره نازل دلوقتي نوع جديد اسمه كيور بس خلاص
فات الاوان
انمني تكونوا استفدتم
[CENTER]اتمني تردوه عليه وتحكولي انتم كمان
مصريات في جده
رد مع الاستدلال
ده انت منوراني وطمنتيني احنا المصريين هنا ملهمش سيره الا الي بيحصل في مصر وفي ناس لغت سفرها 
كتبت بواسطة نورم
الروابط المفضلة