الفطار

أدهم موزه ونص كوباية لبن
روكا نص موزه وببرونة لبن بس



الغدا رز وكوسه باللحمه المفرووومه


العشا لسه بس غالبا بيض مقلى

بين الوجبات بقسماط وعصير برتقال وخيار

لولا ايوه عارفه السلطه دى احنا كمان بنعملها مع الكشرى الاصفر دايما انا بحبها اوى ومبقتش اعرف اكله من غيرها بس انا مبحطش خيار طماطم وفلفل بس

انا كمان الكوراع دى عمرى مادخلتها ولا ادخلها بيتى اى حاجه من الحاجات جوزى يحب ياكلها عند مامته او عند جدتى هى اللى بتدلعه وتعمله الكوراع و المخ والطحال والحاجت الفظيعه دى

كتبت بواسطة $صبا$

اكلات جديده
اعلملي بروست بيتي مع صوص الثوم وبطاطس مقلي وسلطه وزوجك يجيب خبز من برا
لذيذ كثير البروست البيتي وانظف
ممكن صينية شاورمااااااااااا
لذيذه وفتاااااااااااااكه
بالبايركس طبقات دجاج صدور مقطع صغار وحموسه بثوم وبصل ومبهره والطبقه الثانيه بطاطس مقلي مقطعه مكعبات صغيره والثالثه هي الطرشي مقطع قطع صغيره ورشي على الوجه بقدونس او كزبره خضراء
وصبي عليها خليط(علبة قشطه زي التاج مثلا ولو تكون فريش الذ +3ملاعق كبيره جبنه سائله)وزعيها على الوش ههههه زي ماتقولون وحمريها بالفرن شوي بس وبالخبز
هو فعلا نمل من الارز واطباقه والمكرونات فانا احب اعمل صواني او حاجات تتاكل بخبز كتغيير
وممكن سمبوسه او بيتزا

فتاااكه فعلا صينية الشاورما دى هههههه جديده هجربها قريب واقولك النتيجه بس شكلها دسمه جدا
وقوليلى طريقة البروست البيتى

شكلكم راغين كتير بدليل انكم قفلتو تجمع وفتحو واحد جديد,كنت عند اخويا من امبارح خرجنا وروحنا بيتنا عنده أنا وماما والعيال بس ,جوزى مكنش معانا طبعا مهيص ومريح راسه مننا بس مش مشكله الحمدلله انبسطنا لان اخويا ماشاء الله عنده بنتين توام تلات سنين وولدخمس سنين فكانو مبسوطين اوى بعلى وكرمه,وطبعا ولادى النكد كانو كويسين فى الخروجه أول مارحنا عند بيت اخويا وصلة النكد اشتغلت عشان تغيير المكان وتغيير مكان النوم,وعلى النهارده كان عياط طول النهار غالبا عشان ضروسه لكن كرمه الحمدلله انبسطت مع ولاد اخويا,أى تغيير وخلاص الواحد كان طق من الروتين الحمدلله,هقرا الى فات ان شاء الله وراجعلكم

بجد وحشتووووووووووووووووووني جدااااااااااااااااا وشايفة ماشاء الله الملف نشيط ربنا يديمها علينا نعمة لان بجد بيفرق في نفسيتنا جداااااااااا.........يااااااااااااااارب تكونو كلكم بخير......

على ذكر قصة الزواج والخطوبة انا عايزة اقولكم ان اول مرة شوفت فيها زوجي ماكنتش طايقاه خخخخخخخخخ بجد والله قلت ايه اللي جاي مع باباه ومامته ده وفارق شعره على جنب هههه اصل زوجي سلفي وبيحاول يطبق السنة على قد مايقدر الحمدلله فمدتش نفسي فرصه اني اشوفه كويس وكنت على وشك اني ارفضه بس كلام الناس عليه وعلى اصله و اخلاقه وتربيته خلاني اديله فرصة تانية لما جه تاني مره بقى وكان لوحده سبحان الله اول ماشفته كأن ربنا نزل حبه في قلبي مرة واحدة وكنت محضرة اسألة قد كده اسألهاله بس ارتبكت وقتها ومعرفتش اتكلم خالص ههههه وطبعا وافقت عليه على طول وكل مافتكر اقول آآآآآآه لو كنت رفضته كنت حندم طول عمري لك الحمد ياربي كما ينبغي لجلال وجهك وعظيم سلطانك.وهو اكبر مني ب6 سنين.....واتخطبت في آخر سنه في الكلية وبعد خمس شهور كتبنا الكتاب وبعد سنة كان الزواج الحمدلله وبابا في الخطوبة كان بيقعد معانا وممنووووووووووع الخروج لوحدنا بس بعد كتب الكتاب كان بيسيبنا لوحدنا شوية الحمدلله وطبعا كنا بنخرج مع بعض لوحدنا بس مانتأخرش........

ايناس
الله شوقتيني للبزل اللي بتقولي عليه طب جبتيه منين من تويز آر اص ولا منين عشان ادور عليها.....

صبا
معقولة حتى بعد كتب الكتاب مابتشوفوش بعض!!!!!!!هو مش المفروض كده زوجك خلاص!!!!!!!!

دقدوقة
جربي الكوبايات اللي بالشاليمو اللي مش بتنزل الحليب الا بالشفط حتريحك جداااااا ان شاء الله انا لغاية دلوقتي بيحبوها جدااااااااااا يعني بديهم احيانا في الكوب العادي واحيانا فيها لان الكوب العادي لازم اوقف معاهم لغاية مايخلصوها عشان مايدلقوهاش اما دي ممكن اخليها معاهم ويخرجو بيها برة المطبخ....
وبالنسبة للعصائر بحاول ماديهمش الجاهز الا مضطرة بس عايزة اقولك على مشروب بعملهولهم لما مابيكونش عندي عصير في البيت وبيعجبهم قوي بضرب علبة زبادي في الخلاط مع شوية حليب وبحط معاهم اي حاجة تديها نكهة معلقة آيس كريم مثلا او شوكلاتاية او فاكهة او حتى عسل طبعا ممكن الحاجات اللي بضيفها دي مش صحية قوي بس بياخدو قصادها جرعة كالسيوم عالية واهو تغيير برضه......

لولا
انا بموووووووووووووت في الكوارع وجوزي مش بيحبها خاااااااالص وكمان مابعرفش اعملها فلما نفسي بتهف عليها باكلها عند ماما بس ماشاء الله عليكي انك بتعرفي تعمليها.......

نوودي
انا لسة بلبسهم الفانلات الداخلية بكباسين من تحت اريح كتير وخصوصا ان لجين بمنتهى البساطة تقلع البنطلون او الشورت بسوكويس ان صبا بتقول فيه لغاية 3 سنوات........

ريناد
سارة لسة قايلالي برضه انها بتكلمك وبتشكر فيكي خالص عارفة هو سبحان الله مجتش فرصة اني اقولكم وشكرا ياقمر على كلامك الرقيق........

قلوب خضراء
كويس انك ماشاء الله بدأتي تعلميهم الحمام ربنا يعينك ياجميل ومش عارفة اقولك ايه على زوقك كلامك الجميل عني وعن وسارة وعن بابا وماما كمان ربنا يخليكي ياجميل ومايحرمني منك ومن جميع الاخوات يااااااااااااارب......

حسنا
الف سلامة عليكي حبيبتي وفعلا والله كتر خير الاولاد وهم تعبانين وماشاء الله انك بتزرعي انا دورت قبل كده على شتلات هناك بس ملقتش ياااااااااااارب ابقى الاقي لان الاولاد اتبسطو عند حماتي قوي وهم بيسقو الزرع.......




يااااااااااااااارب ماكونش نسيت حد عشان بكتب في الرد ده من الصبح
صحيح بالنسبة للكورن فليكس كنت بديهولهم بس زوجي خوفني منه وقالي ان فيه اقوال انه مضر فبطلت اديهولهم هل فيه حد منكم سمع عنه حاجة؟؟؟؟؟؟

اكل اليوم

الافطار
طعمية+سندوتش جبنة صغير

الغداء
ارز+سمك+سلطة خضراء بقو بيحبوها قوي

العشاء
كبدة+زبادي

بين الوجبات
افوكادو-تفاحة-حليب-بسكوت وشوكلاته(مش قادرة اسيطر على الموضوع ده هنا قوي للاسف اهئ اهئ)-خيار

نووودي
الاكلات انتي عايزة طبق رئيسي ولا اي حاجة مقبلات او شوربة او كده؟؟؟؟؟؟؟؟

يامهات مفيش اخبار عن لوليتا!!!!!!!!!لو حد معاه رقمها ياريت يطمنا عليها.........

دقدوقة
كويس انكم اتبسطتم وتغيير الجو ده مهم جداااااااااا وخصوصا للي زي حالتنا هههههههه

اوشي
كل يوم والاولاد طيبين ويااااااااااااااااااارب دايما في سعادة والسنة الجاية ان شاء الله يكونو ريحوكي اكتر(ماوعدكيش يعني هههههه)

معلش مش عارفة اقدملك اي حاجة عشان الكمبيوتر اللي انا قاعدة عليه ده حالته صعبة شوية ومش عارفة اتصرف معاه ده حتى مش عايز يغير اللون اللي بكتب بيه هههه

على ذكر الجواز والخطوبه انا اتخطبت ست شهور وكتب الكتاب اربع شهور وبعد كده دخلت القفص,أنا قد جوزى بالضبط ويمكن عشان كده اختلافتنا كتير مش عارفه بس بحس انه صحيح بيكبر دماغه من حاجات كتير بس مبيكبرش دماغه من عصبيتى وبيحطها فى دماغه وحتى لو معبرش عن ضيقه ساعتها يقعد يفتكرهالى وعلى طول واخد فكره انى مجنونه وعصبيه ومش عاوز يغير الفكره ديه من دماغه مهما حاولت اهدى نفسي هوا مش بيشوف المحاولات ديه,انا برضه مكنتش موافقه عليه ومن غير أسباب واضحه يعنى يمكن السبب الوحيد الواضح بالانسبالى انى مر تحتش لباباه(وسبحان الله باباه هوا سبب مشاكل كتير بينا دلوقتى كان قلبى حاسس لأ أنا كنت متاكده بس محدش كان موافقنى على تفكيرى ده) بس ماما واخويا فضلو ورايا لحد ما أقنعونى,هوا شافنى وانا فى الشغل صدفه وعجبته وبعت واحده تكلمنى,أياااااام فكرتونى بالماضى,انا كنت بسأل ياعليا على حكاية الحب قبل الزواج بيفرق ولا لأ لانى محبتش جوزى قبل الجواز كان اعجاب بس وبعد الجواز حسيته كويس ومناسب لكن حب بقى ورمانسيات لأ فعشان كده كنت بسأل هل بتفرق ولا كله فى الآخر بصل قصدى عسل

امبارح الفطار:بيض وجبنه

الغدا رز وكفته وشيش طاوق مشوىين

العشا زبادى بالتفاح

بين والوجبات فطيره بالتمر,عصير فراوله بالبن(كله جاهز لانى كنت بره)