بارك الله فيك عزيزتي اسيل وسالي على المداخله الحلوه والاهتمام الرائع منك
واشكرك على النصيحه القيمه وفعلا الحاجه لما اتكون معموله في البيت اكيد بتكون احسن
بس اهو حتى لما تجيك الحاجه لعندك خير وخير والبنت اللي قلت عليها صغيره وماشاء الله
تشتغل لوحدها في البيت يعني بنتي صاحبتها وتشكر فيها واجد واهو انجرب ونعمل
لها دعايه

السلام عليكم
ام العريس وين شارقة -----
اناشاء الله المانع خيرررررررر
وشنو اخر تطوراتك يام العريس

الله عليك اسيل وسالي ديمه منوره صفحتي
وسلمك نشاده والله شارقه في البني اللي مازال ما كمل
واهو قاعده نسأل من هنا وهنا على كل شي ونتصفح على النت
وندور في الموالح ربما نطيح في حاجه كويسه ومازال شاغلني
التسوق لم اخرج بعد كل يوم انقول اليوم وان شاء الله خير
وانتي ايش صار عندك امتى الجيه اكيد قريب,,,,, توصلي بالسلامه يارب

كتبت بواسطة زنوبيا مصطفي

السلام عليكم بنات ان شاء الله كويسين
انا الحمد لله اموري تمام بس هذه الايام مريضه شوي جسميا ونفسيا
الدوره بعد كبرت بدات تجيني صعبه تاثر فيا وامرض منها في حاله
مش قادره حتي نحكي مع احد الله يلطف امتى نفتكو منها وخلاص
من وانا بنت كنت ما نعرف المها بكل ما عمرها وجعتني لكن منذ سنتين
بدات تالم فيا لا ادري ما السبب او طبيعي هذا الشي

اشكرك عزيزتي ريحانة القدس على الدخول وعلى الزغاريد وصلن لعندي
والله يبارك فيك والعقبال عندكم

اهلا بيك ملكةالرومانسيه وشكرا على الاهتمام شفتي الحاجات اللي يهبلن
عجبتني الاخطبوطه لكن مش باين انها صدر دجاج كأنها بادنجان يا ريت نعرف
مكوناتها كان عرفتي عنها بالتفصل قوليلي وبارك الله فيك
الف سلامه عليك يا ام العريس بالراحه عليك كل شى يجى والله
بالنسبه للاخطبوطه هده زى ماقلتلك عندنا بطرابلس طالعه جديده ومكوناتها صدر دجاجه وجزر وفلفل حلو اخضر واحمر وبطاطا كلها مقطعه طوليا ومشوية بالفرن وطعمتها زى ماقالو ا خواتى تجنن
وربي يقدم اللى فيه الخير
اهلا بيك اسيل وسالي ان شاء الله ربي يلم شملك انتي واهلك وتتلاقو على خير
انا حجزت في صالة المونا ليزا جديده قرب فينيسيا والعرس مشترك حنه وزفه
انا مني الصاله والعشاء وهما الديكور والحلو صعب شوي المشترك لكن ان شاء الله خير
مرات التعاون كويس المهم الاتفاق ويستر الله

ا......

بارك الله فيك عزيزتي ملكة الرومانسيه وسلمك نشاده
وياريت نلقو وحده من خبيرات المقبلات تغامر وتعمل
لنا الاخطبوطه لان انحس انها تبي خبره وتزبيط وخاصه
المبدعات عندنا في المنتدي امثال ماما الاء الله يذكرها بالخير
التي اختفت ولا ادري عنها من مده لم اسمع عنها
وكذلك حنان ليبيا وزينب محمد تحياتي لهن جميعا