يلا مامات نكمل هون
والله يجعل هالتجمع خير علينا وعلى كتاكيتنا
الله يحميهم
للبحث في شبكة لكِ النسائية:
|
اهلا تمتومة
مبروك التجمع الجديد وان شاء الله يكون فاتحة خير علينا وعلى الكتاكيت
كيفك اليوم؟وكيفها ايوتة الامورة؟
هلا ام رهوفة
احنا بخير الحمدلله ماشي الحال
وآية بخير
صايرة بتفهم للطلعات ههههههه
اليوم الصبح طلعت مع جوزي اجيب سيارتي لانو تاركتها عند اهلي ولما فتنا البيت عملت مناحة بدها تتطلع ههههههه
انتي شو اخبارك وكيفها رهوفة اليوم
صحيح بالتجمع القديم انضمتلنا ام جديدة
ام نسيبة اسمها
ان شاء الله تفوت عالتجمع
مساء الخير ياحلوات
مبروك علينا التجمع الجديد
اشقتلكووو كتييييييييييير,وكنت بتابع اخباركوو
تاما الله يحميها ايه ماشاء الله بتجنن..وشكلو ابن اخوكي حاطط عينو عليها هههههههههههه
انا نفسي اروح العب رياضه او امشي بس جوزي مش راضي,استغلي الفرصه وروحي بما انو جوزك اللي بحكيلك وماتكسلي.
ساره كيفيك وكيف رهوفه .يلا ابدي في الرجيم عشان نزله الاردن..والله الواحد بحتار اكتر اشي باللبس.
ام نسيبه اهلا وسهلا فيكي,ان شاء الله تستفيدي منا.
ام سلمى ماشاء الله عليها سلمى الله يحميها.
باقي البنات يارب تكونو بخيير.....ابني مش مخليني اكمل سامحوني.
هاااااااااااااي
ياأحلى أمهات
كيفكم
أم حمودي وأيوتي
كيفك وكيفها أيوتي
والله الاطفال اول شي بيفهموا عليه الطلعات خخخخخخخخخخخ
سروره
كيفك ياعمري وكيفها رهوفه
لولا
كيفك وبتصدقي انا كل أسبوع بقول راح بلش ريجيم بس بضعف قدام الشوكلاته خخخخخخخخ
وبغير رايي وبرجع اكل شوكلاته وبقول خلاص هاي اخر حبه وراح بلش اليوم اللي بعدوا
وبتراجع خخخخخخخ
بس ان شاء الله اسبوع الجاي
أم نسيبه أهلا وسهلا فيكي
منوره التجمع
بنات مبارح جربت بسكويت فارليز للاطفال لراما وحبت طعموا كثييير
وكمان تقبلت انها تاكل بس بحس انوا وزنها من لما كانت عمرها اربع شهور ماتغير اخر مره وزنتها كانت بملابسها وكانوا عليها ملابس شتويه وزنها 5 كيلو بس وهلا هي عمرها سته أشهر
وانا بحس وزنها مش طبيعي
أخواتي حبيباتي وحشتوني
مبروك التجمع معلش غايبة عنكم من زمان بس ماما بعد ما مشيت من عندي دخلت المستشفى لأن السكر ارتفع جداً ودخلت العناية المركزة وأنا دلوقتي عندها في القاهرة هي الحمد لله أحسن دلوقتي بس لسة في المستشفى ادعولها ربنا يقومها بالسلامة
الدكتورة طمنتنا شوية وقالت انها لازم تاخد أنسولين من اليوم وطالع ربنا يشفيها يارب ويخليهالنا
السلام عليكن
كيفكم يا حلوات
وكيف البيبيات الى أكيد مجننكوا
مبروك عليكوا الديرة الجديدة ويارب يكون وشها حلو عليكو وعالبيبيهات يارب
هلا تمتومة كيفك حبيبتي وكيفها العسولة ايوتة معلش امبارح انشغلت شوي وما عرفت ارجع ادخل
الحمدلله انا ورهوفة بخير بس رجعت ترشح يا قلبي عليها الجو قلب مرة واحدة هون شو بدنا نعمل الله يشفيها ويهونها ليخلص هالشتا
الله يحميها ايوتة اكيد بدها تفهم بالطلعة هههههههههه بتحسي اول شي بيوعوا عليه الصغار الطلعات انا رهوفة لما تطلع بتنبسط ولو طولنا بالبيت اكتر من يوم او 2 بتبلش تزن وبتكون منكدة هههههه يعني بالاكراه الطلعات صارت
امبارح اتصلوا علي سنتر بوينت اعطوني كوبون ب 5 دنانير ههههههههه ربحته على النقط الي عندي عالبطاقة تاعتهم هي مبلع صغنون بالنسبة للاسعار هناك بس احسن منهم ههههههه انبسطت انه حكوا معي فيه هيك شي بالاردن؟؟
اهلا لولا كيفك وكيف سيفو والله انا بادية الي 3 اسابيع مخففة اكل كتير يعني مثلا كنت اكل رغيفين او 2 ونص هههههههه هلا وصلوا لرغيف وبدل صحنين من الرز صاروا صحن اصغر شوي الشوكولاتة مقطوعة عنها من وقتها ما اكلت الا حبتين وااااع (اكيد صعبة لانه كان اجباري عندي حبة او اكتر باليوم)
ولو بدي اعمل شي مقلي صرت اشويه بالفرن (همبرغر -بطاطا او نجتس)
يعني كتير شغلات غيرتها بس ضايل ينزل هالوزن لهلا مرات بكون 90 ومرات 89 بس مو ثابت الميزان يعني نزلت تقريبا كيلو او كيلو ونص ب 3 اسابيع الله يهونها يارب انا راضية لو انزل كل شهر 2 كيلو بيكون تمام ادعوووووولي
اهلا ام رمرومة كيفك وكيفها العسولة راما؟
لا تخافي من الوزن المهم انا بعرف الطفل الي بيرضع طبيعي بيكون وزنه اقل من الي بيرضع صناعي لانه بيعمل مجهود حتى يرضع اكتر من الببرونة
انتي طعميها كويس وان شاء الله وزنها بيزيد
رهوفة حبت الفارليز كتييييييير بس قطعته عنها لانه اول ما اكلته مسكينة صابها اسهال رهيب الله يعزكم وبعد ما طابت رجعت طعميتها منه قلت يمكن مو من البسكوت ورجع نفس الشي!!! انا بعطيها بسكوت ميلوبا فيه 7 حبوب وبيدوب بالحليب كتير زاكي ههههههه وافيد من الفارليز الله يحميها الكتكوتة يارب
سمسمة الف سلامة عليها والدتك وان شاء الله ما تشوف شر
الله يشفيها يارب ويخليلكم ياها طمنينا عنها وبوسيلنا الكتاكيت
اهلا ام ياسمينة الله يسمع منك يارب حبيبتي كيفها الامورة بوسيلنا ياها
من ناحية الجنان اكيييييييد ما بقي بيني الا برج واحد بمخي هههههههه اتوقع مو باقيله شي حتى يوقع
رهوفة الله يحميها صارت كل ما تشوفنا حطينا الاكل تصرخ علي وتزعبر حتى اطعميها من الي بناكل منه واحيانا بتكون شغلات ما رح تعرف تاكلها بحزن عليها هههههه
صرت اخلي وجبتها معنا واحطها عالكرسي واحنا نتغدى اطعميها
امبارح عملتلها بطاطا مع كوسا ودجاج مسلوق خلطتهم بخلاط الشوربة الحمدلله حبتهم واكلتهم شكله الجزر الي ما بخليها تحب الخضار
جرجرت كتير انا عالصبح هههههههه
من يوم الاحد ان شاء الله بيصير دوامي من ال8 لل2 ونص اخيييييرا بس ما بدي انبسط كتير لانه كلهم اسبوعين
باقي المامات الغايبين طمنونا عنكم
صباحكم فل
كيفكم يا مامات
انا عم بكتبلكم من العقبة ههههه
مبارح جوزي رجع عالبيت بحكيلي يلا جهزي الشنتة مشان ننزل وانا طبعا ما كزبت خبر هههههه
واجينا مبارح واليوم بالليل بنرجع ان شاء الله
الحمدلله كتير مبسوطين وآية كمان مبسوطة كتير
بس ارجع عالبيت بقرأ اللي فاتني ان شاء الله
بوساتي للكتاكيت
تمتومة حبيبتي انبسطوا غيروا جو ان شاء الله تنبسطوا يا قمر
بوسيلنا ايوتة
الروابط المفضلة