السلام عليكم ورحمة الله وبركاته
طبعا هسه الساعة عندي بالوحدة ونص بالليل
وانتوا اللي نايمة بيكم واللي دتحلم واللي صوت شخيرها واصل لسابع جار
واللي كاعدة دتهرش لان ام سما دتكص بيها
واللي كاعدة تكصكص بعمتها بنص الليل
واني المكرودة كاعدة بوحدي ابني هالبيت طابوكة طابوكة
وبما انه انتو ميلحك عليكم شي لذلك قررت اجيب لكل وحدة بيت تكعد بيه بوحدها فااهمين يعني شنو يعني مااكو عمات هاي شغلة والشغلة الثانية حتى ماتضلن تسولفن وتكصكصن بالعالم وتخلصون المووضوع وينقفل بسرعة واني صرفت دم كلبي عليه
لك عيني جريدة هااي شنو هيجي بيت هم مينراد ادري كلتووها ادري داسمعكم ترة

وبما انه المكان مايكفي اعرض البيت كله بيه فقررت انو احط صورة غرفة من بيت كل وحدة منجن

نبدي بالعمدة ام مسرة


ام يوسف رقم واحد


ام يوسف رقم 2


ام مريم


ام سما


غسووقة


ام مرووة


الام العراقية مدري شحل بيها الدهر هي كالت بدت المدرسة يمكن هي راحت اداوم بدل جهالها


ام براء العوبة وراح تبقه فارغة اني اطربك ببيتها لحد ماترجع تلكي صاير سوك هرج

ولج وينج دادة تعاي شووفي حووسمت الى ان كلت بس وداعتج البيوت كلها مال حراام ههههه


اسو وركية هذولة اثنيناتهم ببيت اكعدهن بيه واقفل الباب حتى يكعدن يقرن وبس


ام سيف


رغوودة وراح احط بيه كل وسائل الترفيه حتى لاتجيها الحالة وتطبك عدها


ام رنا هي وبناتها وراح احط حديقة جبيرة تشمر بناتها بيها من تضوج منهم ومن يجيها خطار


يسر


فرقونة والعائلة


جماعة النصف الثاني من الكرة الارضية وعقوبة الهم لان مديدخلون كلهم راح اكعدهم ببيت واحد عراقية بماليزيا وام سلسبيل وام فطم ونظوورة طبعا الها الطابق الجوة والبقية كلهم بالطابق الثاني واللي مايعجبها ترة احولها بالمشتمل


هذا الاخير راح اخليه احتياط اخاف وحدة نسيتها حتى اللبيت يكون جاهز


وهذا للخطار تعرفون احنه بيوتنه ماتخله وناس طابة ناس طالعة تكولون علاوي الحلة



ااااخ ياابة انهد حيلي واعلنت افلاسي كعدت على بساط المرووة من وراكم طبعا كلكم حتسالون وين بيتي اني بقيت بالشاارع لان فلست حبيبات لذلك يوميه راح اكضيها يم وحدة بيكم
شوفوا ولجن هالبيت تضلون بيه فد عشر سنين ماينقفل الى ان اكوون نفسي من جديد واجمع اللي صرفته عليكم
هسه لو تكلبوني ماتلكون عندي فلس باجر شلون رااح اولي ماادري يمكن حاطلع من هسه امشي
صاارت ساعة ثنتين بله اشجان عليه كاتلتي يهوودي!!!

ولي مايعجبها بيتها تجي تختار واحد من هذني حوسمتها لخاطركم













هاي هي خلصت اني
شوفوا حبايب اللي تجي اول وحدة تجيب طلي ويااها حتى نذبحه افتهمتوا
يلا هسه اكوولكم تصبحوون على خير شكو عليكم نايمات رغد واشوفكم بااجر ورة ماارجع اذا مارجعت مطنكرة وطابكة عندي
سلالام

هاي جبتلك شلون طلي هرفي خخخخخخخخ


يرهم مال قوزي
وبما انه ظهري يوجعني اريد هذه الغرفة حتى اكظي بيها ساعة وافتح المي الحار لان زين للظهر


وعاشت ايدك
وبيوم انجهزلك غرفة المكتب للتعيين
وبعدها غرفة الزواج

هذا الاغنية من اجمل الاغاني اللي سمعتها

يا عراق يومك هاليوم يا عراق

شد حيلك گوم
ذولة أحنا رجال الغيرة
سگان الدنيا نديرة

بالذل ما نرضى بيوم شد حيلك يله وگوم

وحسين ودم العباس مانرضى بالذل ياناس

لو شفنا بگلبة عـداوة
الگون ويـانتلاوة
بالذل ما نرضى بيوم شد حيلك

يله وگـوم

لتگول لـو مهما يگون
معلية معليك شـلـون

أنت ابن الوطن الغالي
راسك دوم يظل عـالـي
بالذل ما نرضى بــيوم

شــد حيلـك يله وگـوم

خليك لو شفت الموت
لا تنطي للظالم صوت

أنتخب الي يحب شعبة
والظالم لا تنتخبة
لتظل دومك مظلوم
شد حيلك يله وگـوم

ياعراق

شفنا أحـنا اشگال
رجال واشباه رجال
جربناهم وعرفنـا
اليحبـنا من الميحبنا
بالذل مانرضى بيـوم

شـد حيلـك يله وگـوم

منريد هذا ولا ذاك
نريد بس اليهواك
اليتعب لعيون اهلـة

ينتخبة فرات ودجلـة
بالذل ما نرضـى

بيـوم شد حيلـك يله وگــــوم

مـو عيب غيرك نختار لو نار نريدك نـار

الي يخونك مو زلـمـة
ومـا راضـع من صــدر امــة
بالذل مانرضى بيــوم

شد حيلك يله وگــوم

وبفيـة انـام ويـاك
شدينـا حازم الـعاداك
نفوت بعينا
لحم بحبك ذبينا

بالذل ما نرضى بيوم شد حيلك يله وگـوم

يـا عراق ثابـت خليك
مـا عــاش اليـنـدك بيـك
بس ظل واگف على طولك

ولدك فدوة يروحولك
بالذل مانرضى

بــيـوم شد حيـلك يـله وگوم

........................

اللهم احفظ العراق والعراقيين يارب

من كلمات الشاعر ضياء الميالي

وغناء صلاح حسن ونصرت بدر

ام سماوي سلامتها لسما ربي يلبسها ثوب العافية
اما كلامكم عن العمات فالحمدلله ماشفت شي منه لان ماعشت وياها ولا يوم واحد
يعني من اروح بس خطار ويشلوني بالصلوات
ام مسرة هسة دروسك بالسياقة نظري لو عملي
يعني اللي اعرفه اول شي يعلموج الاشارات وقواعد الطريق وبعدها تطلعين برة تسوقين
لو نظامكم يختلف
موفقة انشالله
رسولة يارب تجين تبشرينة بالتعيين
سلااااااااااااااااااااامي للجميييييييييييييع

السلام عليكم ورحمة الله وبركاته

شلونكم عيوني اخباركم ان شاء الله دائما زينات والله يوفقكم ويرضيكم

عاشت ايدك رسولة يمه هم زين كملتي البيوت قبل رجوعي
عيني انا اريد فد بيتين تعرفين اربيل وصاير نزول السياحي يمي خخخخ

هلا ام مريومه مشتاقيلك
اعذروني لغيابي حبايب ان شاء الله بس اخلص هوسه الدوام ارجعلكم
بيت اهلي وخواتي والاقرباء الى اول البارحه طلعو اول يوم قضيتها نوم خخخخ
والبارحه ترتيبات وبدا دوام الاولاد وكلش تعبانه ومشغوله معاهم
بعد لوازم المدرسة لازم اشتري واكمل الملابس وعلى الله

حمودي الحمدلله انقبل بمدرسة اهليه تركيا بس اساسها انكليزي
ولازم اول سنة فقط يتعلم لغه يسمى تمهيد للمتوسطه وخطي واقع مجبر اخاك لا بطل هاي يومين دايخ

والبنات مدرستهم كوكتيل من اهل بغدا اكثر وباقي المحافظات والموصل واكراد والحمدلله مستواه لا باس
والانكليزي بيها من صف ثاني ابتدائي
وعلاوي ومحمود الحمدلله زينين وعلاوي اليوم اخذه للطبيب راح يهسترني كل يوم شغلة بيه عبالك عيوني ومامخلصة ودعواتكم له
هاي من نهاية رمضان كل كم يوم يعرج وماادري اشبيه عبالك نقص كالسيوم
والحين لازم اقوم سلامي للجميع اروح اكمل الغدا اولاد النص الاول بالطريق للبيت

السلام عليكم شلونهم الحلوات
تسلمون حبايبي سماوي اليوم احسن بس الطبيب كال 5 ايام يالله تفكها الصخونه وعلى الله

طبعا الحمد لله اليوم عمتي مااجتني بس خابرت الصبح باجر تجي حتى انثرلها الطريق ورود
كعدت الصبح غسلت هدوووووووم وبلشت غده لابونه يعني هو غده هو فطور اليه
وهسه اجيت اشوفكم
رسل مشكورة على البيوت راح نجمعلج جم فلس مصرف خطيه تكسرين الخاطر يالله ان شاء الله تجيني وتبشرينه بالتعيين والله ينطيج عمه حلوة حتى تنضمين لحزب العمات
ام رناوي حبي شلونج والله سمسمه اليوم احسن الحمد لله
ام محمد الحمد لله على السلامه والله ظل بالي يمج شبي علاوي ان شاء الله خير طمنينا يمعوده الله يساعدج على الاولاد والمدارس والخطااااااااااااار
ام مريومه شلونج وشلون مريومه شكد عمرها
ام مسرة داده وينج بشري دتتعلمين لو لا؟مسرة شلونها
ام نمنم شلونج اشو بس كاتبتلج كلمتين على قلادة نمنم ورايحه يمعوده خلي نشوفج
ام عبد الله ماكو ان شاء الله خير
ام العريس شلونج وصلتني هاي المعلومه من العصفورة اللاسلكية مالتي ههههههههههه الله يخليلج علاوي واوفي ويخليج الهم
رغوده وينج يمعوده كافي طباكات والله الحاله النفسيه تأثيرها كبير على الحمل
يسر شلونج حبي اخبار عمتج الحلوه البارحه اكيد ظليتي تفكرين بيها وحلمتي بيها هم

رسوله مشكوره حبيبتي على البيت والفرف شلونج وشلون الصحه ان شاء الله تحقيق الاماني
ام مريومه مشكوره على الاغنيه طبعا كلش حلوه شلونج حبيبتي
ام ديما شلونج ان شاء الله بخير
غسوقه شلونج الله يحفظلك الاولاد

هلا فرقونه شلونج حبيبتي اخبارج شنو ممداومه اليوم لو هسه رجعتي؟