السلام عليكم ورجمة الله بركاته
بداية احب ابدء كلامى بالصلاه والسلام على اشرف الخلق محمد صلى الله عليه وسلم
وبما اننا اتفقنا على ان نحب بعض فى الله وانتم اجمل صحبه وربنا يجعلنا دائما صحبه مجتمعين على فعل الخير
الفكره يا قمرات اننا نفيد بعض بالمعلومات ونستفيد من بعض ونفيد غيرنا ان شاء الله
يا رب الفكره تنول اعجابكم ونكملها مع بعض على خير

شوفا بقى بما انى بدور اليومين على اقمشه للستائر وبعد استشاره ام فرى القمر
رحت الوكاله لقيت الحاجات اذواقها عاديه
رحت قصر بيان لقيت بعض اقماش الوكاله وب3 اضعاف السعر بس لقيت عندهم موديالت تحفه بجد والمتر 75 جم
امبارح بقى رحت محل اسمه الدار فى مصطفى النحاس بجد جميييييل جدا وعنده كل الموديلات وطبعا فى فصال فى الشراء وكمان تفصيل حلو جدا
بس برضه لسه ما استقرتش
انا بديت اهو باول حاجه والتجارب تتوالى

يا بنات احنا هنتكلم على كل حاجه
اللبس
الاكل
كل ما يخص البيت والاسره

حلو الموضوع اوى يا نوشا

يلا بأة استقرى على محل ستاير حلو علشان لما اجى اجيب الستاير اكون عارفة المحل علطول

فى كمان محل انا اكتشفته فى الهرم اسمه فانجو عنده تشكيلة ستاير روووووووووعة اشكالها حلوة أوى وجديدة

بصراحة انا رحت الوكالة بس حاجاتها فعلا عادية مش زى الحاجات الشيك اللى بشوفها فى النت خالص

انا كمان عندى سؤال

البوتاجاز البلت ان عاوزة اعرف حد جربه ولا لأ وكمان فى بوتاجاز شفته بيبقى كله زجاج مفيش عيون زى البوتاجازات العادية برضه حد جربه ولا لأ

اهلا يا ام جورى يا قمر منوره انا شفت محل فانجو بس مدخلتوش هعدى عليه وبصراحه مش هقدر افيدك فى البوتاجازات بس هسألك يا قمر

بالنسبة للبس

بصراحة انا دوخت على لبس محجبات شيك ومش بلاقيه بسهولة بصراحة مش عارفة هما مستقصدينا ليه

فى فى جراند مول المعادى محل بصراحة مش فاكرة اسمه هو فى الدور الاول ادام البنك فى حاجات شيك

وكمان رحت العباءة الفريدة فرع كايرو مول كان فيه حاجات مش أد كدة بس جبت تونيك تل كدة والله شبه قمصان النوم شوية بس اعمل ايه لو كنت رجعت من غير لبس كان جوزى خنقنى لانى بلف كتيييييييييييييييييييييير ومش بيعجبنى حاجة

ومن يومين صاحبتى اتصلت بيا وقالتلى انها جابت تونيك وطلع واسع جدا عليها بعتتهولى وهو شيك أوى بصراحة
جايباه من تكبير اللى فى مصر الجديدة كان ب160 جنيه
لونه موف وكأن تحته قميص مقلم ابيض فى موف بس هو مش قميص هو لازق فى التونيك

للى بيجهز شقة جديدة

الاسبوع اللى فات رحت السلاب مول اللى فتح جديد فى المعادى

اتفرجت على بورسلين

وفى هناك نوع صينى ب115

وفى كليوباترا برضه بيبدأ من 105 بس انا بصراحة عجبنى الكليوباترا وقلت اشجع

صناعة بلدى

وجبت المتر ب113 وكان فى خصم 15%

مفكرتيش تروحى الشناوى عنده حاجات حلوه بلوزات وتوينزات حلوه جربى تبصى عليه

فين الشناوى ده

وبعدين حاجاته روشة وشيك ومحترمة 3 فى1

بالنسبة للمراتب

انا جايبة للولاد يانسن سوست وقطن وفايبر

حلوة جدااااا ووقت ماجبتها كانت ب550 دلوقتى ب800 جنيه

وكمان عندهم ممكن يفصلوا حسب المقاس بس دى بتكون اغلى شوية

وأخت جوزى جابت هابيتات بتشكر فيها أوى