الانترنت على ما يبدو راح يكون سبب دماري لانه بيلهيني كتير في بعض الاوقات .. لحقت نفسي
بس له الادمان بيشدني بين فتره وفتره
سؤالي
حابه تبعدي شوي عن المحيط اللي انت فيه لو فتره من الزمن ؟

ااااااااااااااااااااااااااااااااااة والله نفسى نفسى ابعد شوى كتير
السؤال:
ممكن الزمن يقف ونقعد مع نفسنا ونعيد حسابتنا تانى ولا برضة هنقع فى نفس اخطائنا؟

الطبع غلب التطبع اجتني فرص كتيييييييير عشان اعيد حساباتي واغير بعض الامور بس
اه من طيبه القلب .. بس اكيد في ناس بتنتهز الفرص وبتتعلم من اخطاءها وبتصلح
سؤالي
لو حدا كسر لك غرض في البيت وكان غالي كتير شو بيكون موقفك ؟ ولو عرض عليكي ثمنه
تقبلي تاخديه ؟

بصى يا جوتشى انتى بتتكلمى عن حاجات لو حصلت لى دلوقتى موقفى هيختلف
بمعنى ياما وانا لسة كنت عروسة ناس كسرت وعيالها بهدلت لى الدنيا بس كنت بعدى .....
لكن الان تفكيرى اتغير وهو ان الحاجة القيمة مش بتتعوض ولا بيجى غيرها
اما اخد تعويض ولا لا دة راجع ليكى
السؤال:
لية بعد ما نتجوز ويجى يوم نتخانق مع ازواجنا او علاقتنا تسوء لية الدنيا كلها بتسود فى عينينا
طب ما احنا طول عمرنا كنا عايشين من غيرهم ؟اشمعنى دلوقتى لما بنزعل معاهم بنزعل من الدنيا؟

يمكن يامروه لاننا بجد بنبقي مش فاكرين حياتنا اللي كنا عايشنها قبل كده عايزين حياتنا اللي معاهم تستمر علي قد مانقدر...وفكره ان يكون عندي بيت انا كل حياته بتخلينا نتمسك بيه جدااا ونموت لوحسينا ان فيه مشكله ممكن تحرمني من بيتي ده....
سؤالي بقي
عمرك حسيتي انك بجد لوحدك في الدنيا زي ورقه شجر مرميه لوجدت نسمه هوى ممكن تتطيرك

محدش رد عليا ليه ؟؟
سؤلالي رخم ولا ايه؟؟انتي فييييييين يامروه؟؟؟

الطائر الساكن لالا سؤالك مش رخم ولا حاجه ...فعلا مرت عليا فتره كنت كده فعلا واضعف من كده كمان بس الحمد الله ربنا اعطانى القوه ورجعت وقفت على رجلى من تانى ...
لما بتشوفى نفسك فى المرايا ممكن تقولى لنفسك ايه ؟؟؟؟؟؟؟؟؟

high wave
سؤالك صعب لاني بقول لنفسي حاجات كتييييييييير اوى منها مثلا
امتي ناويه تتوبي عن زنوبك؟؟

الطائر الساكن بحاول الحمد لله فى كل وقت انى اتوب عن اى حاجه عملتها وربنا يقدرنى ...
لو شريط حياتك مر عليكى فى لحظه من اللحظات ايه اكتر مرحله هتوقفى عندها وتقولى يااااااااه دى احلى فترات حياتى ...

الفتره اللي كان عندي فيها 17سنه لان لحد الوقت ده كان والدي عايش وكان منورلي حياتي وكان اقربلي من نفسي ومن اي حد في الدنيا كان نفسي عمري يقف لحد هنا وميتحركش .........
عمرك حسيتي بالخيانه من اقرب الناس ليكي؟؟