كتبت بواسطة
العربية المسلمة
السلام عليكم ورحمة الله وبركاته
كيفكن يابنات ان شاء الله كلكم بخير وبأفضل حال ، تيماء على سيرة البطاط اليوم طلعنا واتأخرنا لانه الخميس السوق يفتح للساعة ثمان فرصة للخروج فخرجنا نلف ندور حاجات عشان زواج اخي في اخر العام فمن وقت للثاني انزل اشتري اغراض لعروسته ، ورجعنا الساعة تسع المساء منهكين ياله عشيت البنات وناموا بكره مدارس ، ولا عاد لحقت اعمل بطاط ولا شيء بس نفسي والله فيه من امس اسمعي ايش رأيك انت سويلنا دست وبنجيك الان بامر على نوني وبنجيك على طووووووووول خخخخخخخخخخخ نعم تخيلي كده كلنا قريب نقدر نتجمع وندردش مع بعض ، اما على سيرة البخور والله تصدقي مش الا البخور حتى العطور هنا اني معظم الجالية من دول المغرب العربي ومايعرفوش هذه الأشياء الا من السعودية لو راحوا عمره فكلهم يتجننوا على بخورنا واني كمان جربت بخور من الأمارات ومن السعودية بس الصدق مش زي حق اليمن بالفعل واعرف ناس كثير يبيعوا للسعودية لانه مرغوب هناك ، نحنا في عدن كنا نشتري كل مره من بيت ولما كل مره تلاقي حجم القرص صغر ولا اتغير عرفه لما مره قررت عمتي تتعلم تسويه في البيت ومنه نشتري من العود الغالي ونعمل العطر اللي نشتيه وبالفعل راحت عند وحدة علمتها والان تسويلنا احسن بخور من وعادني في اليمن كانت تشتري كل الاغراض ونجلس نتعاون اني وزوجة اخو زوجي وندق العود وباقي الحاجات ونخلط العطر وهيه تعمله وتقسمه بيننا بالتساوي وحتى الان بعد ماسافرت حصتي توصلني ههههههههههههههه ، انتي داريه اني عمتي بتجي عندي على الصيف عارفه نفسي في ايش اطلبه منها بس حسك تضحكي علي هههههههههه نفسي في فوفل ملبس خخخخخخخخخخخخخ الا قوليلي تعرفي تسويه بالبيت ؟ اني كل المواد موجوده عندني في محل باكستاني يبيع كل شيء بس معرفش كيف اسويه وخايفه اجرب يقوم يخرب كل شيء ، تصدقي هذه الغربة تخلي الواحد الحاجات اللي عمره ماأكلهاش يخورها ههههههههههههههه الا قوليلي يانوني انتي مش خورانه حاجه من البلاد ولا بس اني وتيماء المفاجيع على الأكل هههههههههههههههههههههههههههههه تعرفوا محل البطريق حق الأيس كريم اللي في صنعاء ؟؟؟ أموووووووووووت عليه اول ماكنت اطلع صنعاء على طول لاهناك حتى في عز البرد والله زماااااان ، يابنااااااااااااااااات اللي في صنعاء بنكي وشروقة ونسيبة امانه لما تأكلوا ايس كريم البطريق اذكروني تمام ، شريفة كيف حالش ياختي عساك بخير وبعافيه ، اختي نور الصباح حيابش معانا في البيت اليمني عرفينا على نفسش انتي متزوجة ولا طالبة وعندش اطفال ولا لا ووووو يعني اي حاجه تحبي تضيفيها سنكون سعداء المهم نتعرف عليش وكوني تعالي كل يوم تمام ، المهم خلاص باروح اعمل لفه على المنتدى ونشوف ام اولادي لا معاها الغاز جديدة وباقولكم مع السلامة ولنا لقاء في الغد ان شاء الله .
الروابط المفضلة