انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 4 1234 الأخيرالأخير
عرض النتائج 1 الى 10 من 34

رجعتلكم الحمد لله أنا وجود

(ركن الألعاب والترفيه - منتديات لكِ النسائية - الأرشيف)
...
  1. #1
    tm_2005's صورة
    tm_2005 غير متواجد النجم البرونزي
    تاريخ التسجيل
    Feb 2007
    الموقع
    مصر أم الدنيا
    الردود
    587
    الجنس
    أنثى

    heart2 رجعتلكم الحمد لله أنا وجود

    أنا بجد مش عارفه أقولكم أيه وحشتونى جداً جداً ، وربى لا يحرمنى منكم ومن مباركتكم الحلوة ودعواتكم الجميلة وأنا دعيتلكم كلكم وان شاء الله مش ناسية حد منكم خالص اللهم تقبل دعواتى ، وبجد انا عمرى محنسى انى من يوم متزوجت وانتسبت للمنتدى وانا دائماً كان ملجأى الوحيد انتم بعد الله سبحانة وتعالى وكنتم دائماً نعم العون والسند ربنا يخلينا لبعض يارب ويجمعنا يوم القيامة جميعاً تحت ظله ياارب العالمين.
    وأنا فرحت جداً لما دخلت ولقيت حبيبة قلبى الماسة الذهبية بتطمنكم على والظاهر كان فيه رقم خاطئ فى النمرة بس امبارح كلمتنى وسعدت جداً بسماع صوتها الله لا يحرمنى منها ولا منكم يارب وكل واحده هنتنى بقدوم جود أسعدتنى جداً والله يبارك فيها يارب ويدخل السرور عليها من حيث لا تدرى ويرزقها ما يشاء.


    أما عن أخبارى فعجيبة وغريبة يا بنات أنا لحد يوم السبت بليل جوزى مجاش وكان بيكلمنى حلو جداً ويقولى انه مينفعش يدخل بيتنا وكده وطبعاً انتم عارفين المشاكل اللى بينه وبين بابايا وانا أبويا صعب شوية بس أبويا حعمل ايه المهم انى اتخانقت معاه وهو متخانقش معايا وقاللى حقك عليا وسامحينى وكنت فعلاً زعلانه منه وقلتله اعمل اللى يعجبك وفعلاً جه من الساعه 6 صباحاً تحت البيت ومرداش يطلع طبعاً ورنلى انزله ووالدى معجبوش طبعاً ومسكتليش وسمعت اللى سمعته بس سكت عشان ارضى ابويا وارضى جوزى وطبعاً كل ده عشان ارضى ربنا سبحانه وتعالى فى الأول وفى الآخر ، وطبعاً بابا قعد يزعق وزعق لماما عالسكة وهى ملهاش ذنب وقالها روحى معاها انا حروح بمزاجى اخدت شنطتى وماما وبوست بابا وقلتله متتاخرش عليا فى المستشفى عشان محدش غيرك حيأذن فى ودن جود ان شاء الله ويحنكها وطبعاً انا والدى صعب جداً يعنى لو هو عاوز جوزى يطلع ااقل حاجه كان قاله اتفضل انما ابويا قاللى هو عاوزنى انا اسلم عليه ابتلعت الموقف ودعيت ربنا ونزلت وقابلنى جوزى بابتسامة وقاله سامحينى وسلم بمنتهى الاحترام على امى ورحنا المستشفى كانت الساعه 8 قعدنى وقعد يطبطب عليا ويدعيلى ويطمنى ودخلت السيستر قاست الضغط وقالتلهم غيرولها وغيرلى هدومى بمساعده ماما وكان بيعملى كل حاجه بنفسه وجه بابا دخل الأوضه وسلم على جوزى كانهم اغراب اهلا ازيك ومد ايده زوجى كان ناوى يبوسة وهو بيسلم بس سلام بابا كان رسمى اوى فقاله ازيك يا عمى وانتهى الموقف ونادونى ادخل غرفه العمليات وكنت خايفه جداً ، بصراحه زوجى كان قايلى احجز جناح معزول فى المستشفى عشان الازعاج وكان اخواتى موجودين وامى وابويا ومرات اخويا وجوزى ولبست وكنت خايفه اوى من البنج ودخلت اوضه العمليات واخر حاجه زوجى باس راسى وقالى مستنيكى ، دخلت طبعاً وكنت خايفه وانتوا عارفين ان الدكتور صديق قديم اوى لبابا وهومولد امى طمنى وقعد يهزر معايا وانا بقرا قران وبدعى لكل اللى وصانى ادعى ومجرد شكة الأبره من دكتور البنج محستش غير وجوزى ماسك حاجه فى ايده انا مش شايفاها كويس وبيقولى جبتى لى بنوته زى القمر شبهك ولو تعرفوا عمل معايا ايه من يوم مولدت انا قعدت تلات ايام فى المستشفى الله أكبر عليه انا عارفه انه طيب وحنين لكن مكنتش متخيلة انه يشيلنى وياكلنى ويساعدنى ادخل الحمام وكنت ساعات بكون محرجه من الدم وينظفنى واثبتلى فعلاً انه مرضاشيجى مجرد المشاكل اللى بينه وبين والدى وانه لو يطول كان قعد جنبى وانا بجد دعيتله من قلبى ربنا يخليه ليا انا وجود ، وسبحان الله جود تشبهنى جداً جداً ومش واخده من باباها غير ودانه وقدم رجله ، ولقيته سعيد بيها اوى اوى ، طبعاً العملية مش مؤلمة للدرجه اللى تخيلتها بس طبعاً جرح فى البطن يعنى متعرفيش تقومى وتقعدى لوحدك وكمان القسطرة اللى بتركب اثناء العملية دى للمثانه وجعتنى لما اتشالت وحسيت انها لحد النهارده عملالى جرح فى القناه البولية ولكن الحمد لله الدكتور بكرة بيشيل الشاش والبلاستر لانى عمله تجميل مش غرز وبالنسبة لجود هى اتولدت كويسة الحمد لله ولكن تالت يوم حسيت ان لون وشها اصفر واخويا جه قالى نفس الكلام عرضتها على الطبيب قاللى انها عندها صفرا فسيولوجية اغلب الاطفال بتجيلهم وبتروح بالرضاعه الطبيعية والتعرض لضوء الشمس فى الصباح الباكر او قبل الغروب وكمان الضوء النيون"الأبيض" وهى بردانه شوية مناخيرها مسدوده بس بحطلها نقط للأنف ، وبرضعها طبيعى ولكنها بتشرق كتير وبخاف، أما بالنسبة ليا فحاسة بس انى متضايقه ومش مبسوطه انا زوجى روح لعمله بعد موصلنى هنا امبارح والمفروض انى اروح بيتى عالعيد ان شاء الله كل سنة وانتم طيبين وطبعاً سالت الدكتور انى متضايقه ومش مبسوطه وبحي احياناً ان البيبى ممكن تموت ، تشرق تتخنق، قالى معلش دى طبيعى ولكن افضل انك تروحى طبعاً انتوا عارفين ان بنت اخويا مريضه وبتعمل عمليه فى الجمجمه عملتها من يومين وراسها وارمة وحالها الله لا يوريكم طبعاً انا بسمع وهما بيحكوا وبتقطع وفى انتظار نتيجه العملية من تحسنن حالتها ووالدى قاعد فى المزرعه بتاعتنا مشغول جداً حتى جالى المستشفى مرتين فقط وكلامة مع جوزى كان قصير للغايه وأمى بصراحه بينى وبين اخويا اللى بنته فى المستشفى يعنى تجلس معايا تاكلنى وتهتم بالبيبى ونضافتها وتتركنى وتروح تشوف البنت وانا بجلس لوحدى فقالى الدكتور الاحسن روحى بيتك وافرحى مع زوجكك لان ظروف بنت اخويا حتسببلك كآبه وطبعاً انا منتظرة بس احلل ل جود الصفرا مرة كمان واطعمها واستلم شهاده ميلادها ادعولى لانى فعلاً حاسة بضيق شديد وآسفه انى طولت عليكم ولكن مليش غيركم يا بنات أدعولى والله لا يحرمنى منكم أبداً يااااااااااااااارب ولكل واحدة منكم منى قطهة شيكولاته احتفالاً بوصول حبيبتى جود وقبالكم جميعاً ياااااارب.
    الصور المرفقة الصور المرفقة  
    آخر مرة عدل بواسطة tm_2005 : 13-12-2007 في 07:54 PM

  2. #2
    ام الهنوف 2007's صورة
    ام الهنوف 2007 غير متواجد النجم الفضي
    تاريخ التسجيل
    Oct 2007
    الموقع
    بحضن امي
    الردود
    1,444
    الجنس
    امرأة
    الف الف مبروووووووووووووك يالغاليه تتربى بعزك انشاءالله

  3. #3
    حـ عين ـور's صورة
    حـ عين ـور غير متواجد النجم الفضي
    تاريخ التسجيل
    Oct 2006
    الموقع
    مملكة حبي
    الردود
    2,659
    الجنس
    امرأة
    يا حبيبة قلبي ,,, الحمد لله على سلامتك والحمد لله ربنا عوض صبرك .. مبروك لجود والشوكولاتة وصلتنا واكلناها ... مرة لذيذة ,,, رب ييسر أمرك وما تخافي الصفرا دايما بتجي للاطفال وبإذن الله تروح ...

    الحمد لله على سلامتك ومبروك مرة تانية ..

  4. #4
    chowchow 81's صورة
    chowchow 81 غير متواجد النجم الفضي
    تاريخ التسجيل
    Aug 2007
    الموقع
    الكويت
    الردود
    2,994
    الجنس
    أنثى
    الحمد لله لى سلامتك وسلامة الأمورة جود وتتربى في عزكم يارب ،،، والله يشافي بنت أخوكي باذن الله ،،، طمنينا عليها وان شاء الله ما فيها الا العافية

  5. #5
    narjiss02 غير متواجد عضو نشيط
    تاريخ التسجيل
    Nov 2006
    الموقع
    امريكا
    الردود
    329
    الجنس
    أنثى
    ألللللللللللللللللللف مبررررررررررروك عليكي جود

  6. #6
    NoOoRtY's صورة
    NoOoRtY غير متواجد النجم الفضي
    تاريخ التسجيل
    Jul 2007
    الموقع
    الكويت احلى وطن
    الردود
    2,598
    الجنس
    امرأة
    الحمد الله على السلامه والف مبروووووووووووك الجود

  7. #7
    DR_LOLA's صورة
    DR_LOLA غير متواجد النجم الفضي
    تاريخ التسجيل
    Apr 2007
    الموقع
    cairo
    الردود
    4,218
    الجنس
    أنثى
    بسم الله ما شاء الله
    حمد الله على سلامتك يا حبيبه قلبى انتى وجود
    بجد كلامك جميل وان شاء الله ترجع المياه لمجاريها بين زوجك ووالدك اللهم امييين
    ويشفى بنت اخوكى ياررب
    كل سنه وانتى طيبه وياررب تربى فى عزكم وعقبال متجبيلها اخ يلعب معاها ان شاء الله اللهم امييين
    وميرسى على الشيكولاته ههههههه

  8. #8
    منارة الحياة's صورة
    منارة الحياة غير متواجد النجم الذهبي
    تاريخ التسجيل
    May 2007
    الموقع
    سورية وأعيش في فرنسا
    الردود
    8,687
    الجنس
    أنثى
    الف الف الف مبرووووووووووووووووووووووك
    والحمدلله على سلامتك يا ام جود
    بورك لك في الموهوبة وشكرت الواهب وبلغت اشدها ورزقتِ برها
    مشكووووورة على الشوكولا اللذيذة

  9. #9
    دندنة 88's صورة
    دندنة 88 غير متواجد النجم الفضي
    تاريخ التسجيل
    Nov 2007
    الموقع
    يسلم ترابك يا شــــــــام
    الردود
    1,806
    الجنس
    امرأة
    مبروووووووووووووك و الحمد لله عالسلامة

  10. #10
    emita's صورة
    emita غير متواجد النجم الفضي
    تاريخ التسجيل
    Apr 2007
    الموقع
    بيتي حبيبي مملكتي
    الردود
    3,697
    الجنس
    أنثى
    الف مليون مبروك يا حبيبتي
    انت افرحي بقدوم عروستك مع جوزك وابعدي عنك التفكير
    تتربى في عزكم انت وابوها الحنين ان شاء الله
    ربنا يهدي ابوك ويتصالحو هو وجوزك وترجع المياه لمجاريها ويصلح حالك ويشفي البنت عما قريب ان شاء

مواضيع مشابهه

  1. الردود: 22
    اخر موضوع: 30-05-2010, 12:40 AM
  2. الردود: 6
    اخر موضوع: 10-10-2009, 03:47 AM
  3. رجعتلكم ومعايا مريم الحمد لله ... تعالوا اقروا تجربتى فى الولادة
    بواسطة engmarwa2005 في الحمل والولادة و الرضاعة
    الردود: 28
    اخر موضوع: 02-04-2008, 08:04 PM
  4. الردود: 26
    اخر موضوع: 17-10-2007, 07:56 PM
  5. الردود: 8
    اخر موضوع: 23-09-2003, 12:48 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96