السلام عليكم ورحمة الله وبركاته
كيف حالكم جميعا
وكيف اصبحتم
جمعه مباركه على الجميع
اللهم صلى على سيدنا محمد وعلى ال محمد كما صليت على ابراهيم وعلى ال ابراهيم
بنت بلادى حمدلله على السلامه
نورتينا
بنات الدويره ...معموره بيكم ماتنسوهاش
سلاماااااااااااااات

سلام عليكم

وعليكم السلام
باترسيا

اللهم صلي وسلم وبارك على نبينا محمد وعلي اله وصحبه اجمعين
السلام عليكم
كيف حالكم جميعا
بارك الله فيك مصراته وربي يعمر بيتك بالخير وبطاعة الله وبدكره
باقي البنات كيف حالكم وايش اخباركم
بنت بلادي الحمد لله علي السلامه عودا حميدا

هلا ببنت بلادى
ان شاء الله غيابك خير
مصراته ان شاء الله لمة خير وذكر
وطاعة لله سبحانه وتعالى
سلام لكل الحبيبات من بنات بلدى الحبيب

السلام عليكم
جنان
بيبي دوح
الله يبارك فيكن
على الدعوات الحلوه..ربى يقبل منا جميعا

السلام عليكم
مصراته
كيف حالك و بارك الله فيك على الدويره
بنت بلادي
الحمد لله علي السلامه
نورتي ياحبيبة

يابنات

شن اخبار ليبية مغتربة

طمنونا
لله يسر لها امرها ويقومها بالسلامه وتفرح يينياتها

السلام عليكم و رحمة الله و باركاته
اللهم صلي و سلم و بارك على سيدنا محمد صلى الله عليه و سلم
كيف حالكم ياعويلة و شن اخباركم كيف كانت جمعتكم اليوم ان شاء الله بخير و ملمومين اجمعين
بارك الله فيك اختي مصراته علي هالدويرة و اللمة و ان شاء الله ديمة ملمومين علي الخير يااارب و نسمع الاخبار الحلوة علي بعض
باتريسيا و عليك السلام و رحمة الله و باركاته كيف حالك و شن المطر قاعدة ترخ في الشرق و الا وقفت زي حالنا في طرابلس شدي حيلك في الدراسة و ردي بالك تشاغبي في الفصل لا انجي نضربك ههههههههههههههههههه

حنونة ادهورى مدامك فاضية
تو يجى الوع الوع ومعاش تفضى بكل
عيشى ايامك ياحبيبة
وتسلم ايديك على هالاكل وهالحلو اللى يجنن

ياربي نجيها اللي تذكرني اول اسم سلمها ياربي و الله عايشة حياتي بالطول و العرض و الحمد لله و اللي ربي كاتبه حني فيه
و الله يسلمك بس وين تطبيقك ما درتي شيء من وصفاتي ؟؟؟؟؟؟؟؟؟؟؟؟؟؟
ام المنذر كيف حالك و حال عويلتك ان شاء الله بخير و سلامة
ام منير اليوم مسجلة غياب و ام عبيد الله معليشي عذرها معاها لان جهازها عاطل و الفالحة اجازة
زعمة كيف حال منير و مبشر ان شاء الله تحسنوا يااارب
و تجويد شكلها نايمة في العسل الغزالة كيف حالك اليوم لا مسج عالياهو و لا الهوت ياااااااي تي في شن غاطسة
جنان كيف حالك ياعسل و شن اخبارك
ام هباش كيف حالك و بارك الله فيك يالغالية
ام طلحة كيف حالك و شن مطر في المانيا و الا شن الجو غطستي من جديد علينا
رواد كيف حالك و حال عويلتك ان شاء الله بخير
اروى تي وين غاطسة كيف حالك و حال وليدك و الزغنون شن مداير فيك
مغتربة زعمة شن صاير فيك ياااارب فرج عليها و استرها و اسعدها ببنويتاتها
باقي العويلة شن اخباركم

السلام عليكم ....كيف الحال جميعا اتمن ان تكونوا بخير... لكم وحشة جميعا بدون تخصيص ... سبب عدم دخولى عارفين طبعا ولدت بالعملية وانجبت ولد فى الشهر الثامن بعد دخول المستشفى لمدة شهر لان المشيمة نزلت عمق الرحم وصارلى نزيف ...وبعد ماارتحت اشتريت شقة وانتقلت ولم اشترك فى النت.ونسال فى مس ليبيا تقولى مادخلش المنتدى والايام هذى عند اهلى وكل يوم نمر عليكم باذن الله تعالى لان مس ليبيا بطرابلس ....كثرث عليكم سلامى للجميع