السلام عليكم والله ماتنشبعش الهدرة معاكم مبصح وراونا فالاخبار في كتاب قينيس في الثرثرة ههههه
وفرحت كي حليت الركن الخامس هههههههههههه
سبقتكم هههههههههه
نتمنى مايغلقوهش هذه المرة

أخيرا راكي هناي يا أم بثينة , توحشتك بزاف.
لي عودة إذا قدرت من بعد, جيت برك نطل عليكم قبل ما يوصلو ضيافي.
يا الله السلام.

الله يبارك الركن الخامس .. راطيت بزااااااف

حبيت نسلم على الحنونات ما عنديش وقت نثرثر لأني مشغولة بعرسي بقالو أقل من شهر بإذن الله

ايه ام بثينة. هذه فرحة كبيرةاسيدى.............
لازم تجيبينا الباروك تاع الرجعة والمرة هادى ما نحبوش قيطون على شاطىء سيدنى, نحبو عرضة فى كاشى اوتيل 5 نجوم. ههههههه
انت كريمة و احنا نستاهلو. والا لا؟ هههههه
شوفتى الجزء الرابع, الناس كل تفركت عليك.
المهم, واش درت فيها فى هاد الغياب, كشما طيبتى و صنفتى ,جيبينا تصاور فى يدك باش نستفيدو.

مسرة,
ربى عينيك مع العرس, و رواحى طلى علينا ساعة ساعة.

كتبت بواسطة om bouthayna

السلام عليكم والله ماتنشبعش الهدرة معاكم مبصح وراونا فالاخبار في كتاب قينيس في الثرثرة ههههه
وفرحت كي حليت الركن الخامس هههههههههههه
سبقتكم هههههههههه
نتمنى مايغلقوهش هذه المرة

أولا مرحبا بيك
ثانيا يعطيك الصحة على الملتقى
وثالثا يا لالا الظاهر انت هي الثرثارة وسطنا , على هاديك الركن الرابع ماتنغلقش بلخف
ورابعا مانقدروش نصبرو عليك

كتبت بواسطة مسرّة

الله يبارك الركن الخامس .. راطيت بزااااااف

حبيت نسلم على الحنونات ما عنديش وقت نثرثر لأني مشغولة بعرسي بقالو أقل من شهر بإذن الله

الله يكون معاك ياختي , ربي يفرحك ويهنيك
والتوجاد للعرس ربي يعينك عليه وربي يباركلك ان شاء الله
وماديريش بحالي ماتعييش روحك بزاف , انا نهار التصديرة ديالي الحمدلله الي سترني الماكياج سينو كنت عيانة
ويما كانت دايما ما تخلينيش نخدم معاهم , بصح قلبي مايعطنيكش
بصح نصيحتي ليك على الأقل الأسبوع الأخير ريحي فيه
ربي يتمم بخير

السلام عليكم ورحمة الله وبركاته
اهلا بكل الاخوات وخاصة الاخت مسرة لانها اول مرة تدخل معنا الدردشة وربي يتم لك بخير ان شاء الله
ام بثينة اهلا بيك وتحشنا هدرتك و ضحتك .....ههههههه

صباح الخير على الجميع
واش حالكم واحوالكم ان شاء الله ديما لاباس ومبروك عليكم الطابق الخامس في بيت الجزايريات وان شاء الله تصير ناطحة سحاب
ام بثيته الحمد لله على السلامه
ومزيه الي جيتي قبل لا نغيب في العرس

معليش اخواتي منجمش ندخل ديماتعرفو كيما قلتلكم قبل بلي مشغوله في التحضيرات للعرس هذا الاسبوع
ومتزودوش في الهدره ياسر باش كي نجي نقدر نقرا كل الردود
مسره مبروك مسبقا وربي يتمملك على خير

ايا نخليكم في رعاية الله واعتنو بانفسكم

صباح الخير عليكم فرحت بزاف بهذا الملتقى ليجمع الاخوات الجزائريات ونشكر كثير اخت كوثر وام بثينة وام معاذ بزاف بزاف وارجوا ان يدوم هذا الملتقى و تحيا الجزائر

جيت نصبح عليكم قبل ما نروح نكمل شغالي و من بعد نولي إن شاء الله.