طلعت لحمة مفرومة ومش عارفة شو أعمل عليها غدا
كيرلي كيف طريقتك بالبطاطا البوريه

سمايل الله يكتب كل خير لزوجك ويثبته بشغله يارب.
دوامي صح للـ 5 بس مبارح كان عندي كتير شغل وخلصت على 6 ونزلت أستنى تاكسي مالقيت فقلت لزوجي حرجع على المكتب وبتمر تاخدني بس تخلص ووصل عندي على 7..
ولاااااااااا كرشي أبداً مو صغير بالعكس.. بس إنتِ اللي ماشاء الله ماعندك كرش وكسماتك حلوين.. غزل علني هاهاهاها

بتقلبي صنوبر وبتشيليه.. بنفس المقلاية قلبي اللحمة مع بصلة وتوم وبهارات وملح وبتتركيها..
بتسلقي بطاطا لحد ماتستوي.. بعدين قشريها واهرسيها مع زبدة وبيضة وشوية حليب وملح وبهارات وشوية بقسماط وجبنة موزاريلا.
بس تهرسيها منيح افردي طبقة بطاطا بالبايركس وحطي فوقها اللحمة المفرومة وبعدين كمان طبقة بطاطا مهروسة وابشري فوقها جبنة موزاريلا ودخليها الفرن تتحمر شوي لمدة 20 دقيقة بالكتير.. بس تسيح الجبنة حطي فوقها شوية بقسماط وحمريه من فوق بالشواية.. ممكن تزينيها ببقدونس أو تقديمها مع سلطة خضار ورز.. وصحتين
طيبةكتير أنا بحبها بس بعملها إلي بالفطر بدل اللحمة ولزوجي باللحمة.

نفس طريقتي بس بدون البيض والبقسماط.. أنا سألت لأنك ما بتاكلي اللحمة فقلت في عقلي كيف بتعملها؟
صحتين على قلبكم.. لولا اني عاملاها الاسبوع الماضي كنت عملتها اليوم
لسم ما قررت شو أعمل غدا لليوم وندوش صحيت وبدها تلعب
بطلت ترضى زي اول احطها حواليا وانتبه لشي تاني

ههههههههه ضحكت على كسماتها حلوين..هذا خطة لبس الفستان نجحت لأن الفستان بيخفي العيوب بينما البنطلون بيظهرها بالذات الزوايد اللي على الجنبين عيونك الحلوة يا قمر

طيب اعملي سباغيتي أو مخشي كوسا

نفسي في الكوسا من زمان بس ولا مرة رحنا نتسوق ولقينا كوسا كويسة..
يمكن أعمل فعلا سباغيتي او لازانيا

صباح الخير يا بنات.. كيف اصبحتوا؟؟

ام لمى ولمار: تسلمي يا روحي ..

كيفك انت والزغانين؟؟

ميمي: الف سلامة عليكي وعلى توتة..

مانو: الله يكتبلك اللي فيه الخير.. وان شاء الله يقبلوكي انت..

دينه: صحة وهنا ان شاء الله..

احاسيس: شو عم تحكي عن الكرش وانت ما صارلكيش والدة شهرين.. والا انا غلطانة؟؟

انا اخد لي 9 اشهر بعد ما ولدت سلام.. ورجعت زي قبل من غير ولا دايت ولا رياضة.. يعني ما تخافيش.. بدك شوية وقت مش اكتر..

كيرلي: افظع شي التشققات.. مع انه وانا حامل بمهيب ما صار شي.. فاطمنت وقلت لحالي شكله جلدي مرن وما بيتشقق بس بحملي بلوما طلعت الفرقية

دوامك من اي ساعة ببدا؟؟

سمايل: صباح الخير.. كيفك؟؟

انا لمن اعمل دجاج محشي.. بزيد الرزات وبطبخهم عادي وبقدم معه بس لبن او سلطة ملفوف وجزر..


الله يكتب اللي فيه الخير لزوجك..

اعملي معكرونة.. امبارح عملتها طلعت يمي يمي.. هوينة وسريعة..

فعلاً سمايل صارلي فترة مو لاقية كوسا منيحة للمحشي!!

لنا.. دوامي من 5-8.. إنت هلأ بتشتغلي؟

ايوا كيرلي.. بس دوامي من 07:30 لل-14:30

اكتر من هيك ما بقدر..