هلا أحاسيس صحتين وهنا اشاي

من الصبح لهلأ شاربة شاي بالميرامية ونسكافيه وشكلي باقوم اعمل نسكافيه تاني
شكلك ما انتبهت أنا بأقول نور المعضوضة مش ندى.. الحمد لله نور عندي ما بتعض أختها

كيرلي نور كمان حكيها عسل وفعلا الها مسميات غريبة خاصة بها
يعني حرامها العزيز اللي ما بتنام الا فيه بتسميه "إنسا" مش عارفة ليش هههههههههه
والمعلقة لما بدها اياها بتصير تقول "هاتن"
البس بتقولها "اييس"
وبتمد الكلمات بشكل مضحك ولذيذ
ان شاء الله تتعلم شي جديد هناك
نفسي تصير تمسك الورقة والقلم والالوان بدون ما تحطهم بتمها وتصير تلون
او تصبر على الكتب وتركز..من يوم ما انولدت مهاراتها الحركية كتير عالية بس ما بتركز في الكتب او الكرتون او هيك اشياء

شوفي الألعاب كتيرة..يعني في الحديقة بره حاطين يمكن 10 بسكليتات وسيارات أطفال في الجانب المبلط.. وفي الجانب الثاني اللي حشيش أخضر حاطين نطاطة وحاطين 3 من السحسيلات اللي بدرج وحاطين 3 او 4مراجيح برضه وحاطين 4 من الحصن او السيارات الهزازة عارفاهم اكيد وحاطين كمان كام لعبة مش عارفة اوصفهم يعني حلو..
وغرفة الاكتيفيتي الداخلية حاطين فيها بيت كبير زي اللي بتلاقيه في تويز ار اس وحاطين سحسيلتين وحاطين الحواجز المربعة اللي بتبقى فيها كرات كتيرة وطبعا الطاولات والكراسي للاطفال والمسجل بيفتحولهم أناشيد أطفال وفي المطبخ حاطين طاولات وكراسي ملونة وصغيرة للاطفال للاكل. وفيه غرفة فيها سراير للي بده ينام من الاطفال بس انا موصياهم ما ينيموا نور
عندهم زي صالون فيه تلفزيون كبير وكنب بيقعدوا الاطفال فيه لما بدهم يشغلولهم كرتون..
لسه ما شفت شو ألعاب تعليمية عندهم لاني أمس كنت مستعجلة عشان التطعيم واليوم مستعجلة عشان ندوش في البيت لحالها وهم كانو قالولنا انه الدراسة الرسمية بتبدأ الأسبوع الجاي فحأستنى لوقتها وأصير أسألهم شو أعطيتوهم اليوم وهكذا

اقترحولي شي أطبخه يكون سريع لاني بدي اكمل دراسة وما بدي اضيع الوقت
أمس عملت صينية كفتة بالطحينية وأول أمس كبسة دجاج وقبله فتة دجاج وقبله معكرونة بالصلصة..شو اقتراحاتكم؟

شيشن.. كيف صارت لولو الحين ؟ منظرها مرة يعور القلب حبيبتي

لحن .. نعييييييما ،،

سمايل .. عارفه مع ان احمدوه ماله في الضرب والعض بس مرات يعض اخته شرير ،، يعني انا كنت رايحه اصورها عشان الجواز ولما جيت اصحيها الا شفت في يدها عضه !
لما رجعت اسئله حمودي فيه أحد عض سمسوم ؟ الا هو جاي بكل صراحه ايه ماما انا عضيتها شوفي كيف .. الا يرجع يعضها مره ثانيه عشان يوريني ويقولي شوفي هي ماصاحت ماتعورها بس شوي

كيرلي .. انا الامس جبت بنطلونين مقاس اكبر من مقاسي طبعا ولما رجعت البيت الا البنطلونات ضييييييقه

سمايل ماعندي مقترحات في المطبخ ممكن تفيدك

سمايل .. كيف يعني مستعجله لانه ندوش لحالها ؟؟ ؟؟؟؟؟؟

ياااااااااي شو حلو... حضانة فارس مافيها هاي الأشياء ولا حتى مطبخ يطعموهم فيه.. بطعهموهم بنفس غرفة الألعاب! حتى انا استغربت انه مافي مكان معين للأكل..
وبنيموهم على فرشات مو أسرّة لأنه العدد كبير ومابتوسع الغرفة تخوت!!!
بس غرفة البيبيز حلوة وفيها أسرّة ورسومات معلقة على الحيط..
صراحة شفت كتييييير حضانات بتجنن وبتاخد العقل في الجميرا فريب شغلي بس جداً غالية يعني تخيلي بالتيرم الواحد 14 الف درهم بس شو فيها اكتفتيز بتجنننننن وبركة سباحة مخصصة للأطفال يعني مو غميقة..
هلأ بما إني بمؤسسة تعليمية بطلعلي خصم 50% على وحدة من حضانات المؤسسة وشفت الحضانة اشي خيالي.. حضانة بريطانية بتجنننننن بس ماقدرت أسجل ولادي فيها لأنه مابقبلوا عمر موسى.. لازم يكون الطفل كمل سنتين أو سنة ونص وماحبيت أحط موسى بحضانة وفارس بحضانة...

سمايل أطبخي مجدرة أسهل وأسرع اشي!

أحاسيس.. عاد انتِ نحييييييييفة وكمان طالعلك كروش؟

أحاسيس يسعدلي الصادق أنا..ههههههههههه بريء كتير هالحمودي
طيب انتي مو فرحانة أنه مقاسك زاد؟ ولا الزيادة بس في البطن؟
أصله يا ستي ندى كانت نايمة الصبح وصعبت علي أصحيها لأنها تعبانة من الابر والمشوار للحضانة 4 دقايق رايح و4 دقايق راجع فاتصلت بزوجي وسألته أتجرأ وأخلي ندى نايمة وأروح أوصل نور ولا آخذها معي فقالي جربي اليوم خليها وشوفي بس بالراحة ما تستعجلي علشان مع العجلة لا سمح الله ممكن اعمل حادث شي ومشكلة تكون لحالها فتركتها واستودعتها عند رب العالمين ورحت واجيت بسرعة..مش عارفة هذا صح ولا غلط بس حرام ورجليها مورمة أضل أشيلها ,احطها في كرسي السيارة وأرجع أشيلها وهكذا

وزني صار 58 مع شويه كرش

أكيييييييييد ياسمايل مبسوطة على الزيادة ،،

كيرلي الاسبوع الماضي عملت المجدرة بس الخيار مطروح إذا ما لقيت شي تاني ههههههههه
حضانة نور كلها رسومات عالحيطان من جوه ومن بره.. مش باقولك طلبوا في الاول 1000 درهم! يعني زي سعر دبي تقريبا وحتى عجبني الدبليوسي في الحمام صغير مخصص للاطفال
بس لاحظت لسه عدد الاطفال مو كتير يمكن لانها جديدة او يمكن لانه قالوا حتبدا رسمي الاسبوع الجاي مش عارفة هل على طول ولا الاسبوع الجاي رح يزيدوا ولو ما زادوا بيكون أحسن لي هههههههههههههههه