بنات كنت عايزة اخد رايكو في حاجة
وان بقلب في الملفات القديمة لقيت ان من ضمن المحظورات عند بعض الناس ممنوع طلوع سلالم عالية بعد الارجاع وانا ماما ساكنة في الدور الخامس
مش عارفة اعمل ايه
انا حسال الدكتورة ان شاء الله يوم التلات بس عايزة اعرف رايكو برضه

الله يكرمك ياساره يارب ويجبر بخاطرك يا حبيبتى يارب وان شاء الله عمليه الترجيع تتم على خير وربنا يرزقك منها الذريه الصالحه يارب

بصى اطلعى السلم بالراحه جدا وكل 5 سلمات اعدى ريحى الله يكملك على خير يارب

كتبت بواسطة ريناد 2005

اه والله يا نوجا حملنا مجاش بالساهل وربنا العالم الواحد تعب قد ايه بس الحمد لله ربنا ادانا على قد تعبنا وكرمنا عقبال سارة وبسبس ام راغب ووارفة وشيماء وهبوشة وهوبا بتاعة التوت ورشا وكل مشتاقة يارب
الا قوليلى يا نوجا صحيح هى لاافرازات البيضا دى الى بتنزل دا حاجة عادية ولا اقول للدكتور عليها هى مش شفافة بيضا يا نوجا مش عارفة بقى دا عادى ولا ايه

أه يا رانيا عادي و كل مدى هتزيد زيادة و في الأخر تبقي سايحة و نايحة عى الأخر

بنات ادعو لام راغب انا كلمتها وواضح ان البويضات مش فى افضل حال بس الدكتور قالها انه حيحاول ينشطها ويحط عليها حاجات كده ويارب تنقسم ادعولها من كل قلبوكو الله يكرمها يارب

امال يا نوجا انتى حتنزلى امتى تحتفلى بتوتى

كتبت بواسطة مرات جوزها

بصى يا نوجا هى سالتنى البر يوت اخر مره جت امتى يارب ما اشوف وشها الابعد 9 شهور يارب يا حنان يامنان . قلتلها 3-6 فقالتلى فوتى اسبوع واحسبى من يوم 3-13 وكل يوم 13 ادخل شهر جديد

ايوة يا يمنى ده حساب الشهور لكن حساب الأسابيع بيختلف
و النبض بيظهر في السونار العاد ي من الأسبوع التامن و قبل كده بيبان بالمهبلي يعني إنتي إن شاء الله كمان أسبوعين يبان في السونار العادي

السلام عليكم يا بنات
حمدلله على سلامة وصولكم
مستنينكم من كم يوم
سارة ونوجا ويويو أزيكم
بكلمكم ع الطاير عشان زوجي حيروح يصلح جهاز الكمبيوتر
سلامي لكل البنات
رينو وبسبس وهوبا وشيمو وزووي وزوجة ماهر وسلامي للكل مع السلامة

ياااااااارب فرج هم اختنا ام راغب واجبر بخاطرها وارزقها بالذرية الصالحة السليمة المعافى في القريب العاجل ان شاء الله

اللهم اقض حاجتها وفك كربها وهمها ويسر امرها