طبعا اولا بنشكر جومانا على التوبيك الجميل اللى جمعنا هنا
و جزاها الله كل خير
و ادعولها ربنا يرزقها بالحمل عن قريب
قولو امين



((((((( ونقلاً عن جومانة )))))))

تم الجزء الاول بنجاح ساحق
والجزء التانى انتهى برضة بنجاح ساحق
والتالت نفس القصة
و الجزء الرابع والخامس والسادس والسابع والتامن والتاسع والعاشر كمان
احنا الحمد لله دلوقتى ف الجزء18بتاعنا طبعا لكل اللى كانوا متابعين معانا احنا كنا عاملين موضوع حلو اوى ومجمعين فية كل بنات المنصورةالحلوين
وموضوعنا من البداية للى كانوا مش متابعين
خاص بكل حاجة عن المنصورة كوافيرات _ميك اب _لانجيرى _كل حاااااااجة
يعنى كل بنت بتكتب تجربتها او بتسأل عن حاجة معينة وكلنا بأذن الله هنرد عليها
وانا موجودة بالنسبة للاجابة على اى سؤال
وانا الحمد للة خلاص اتجوزت وهابقى متابعة معاكم بأذن الله من خلال تجربتى اية اللى استعملتة واية اللى اشتريتة وطلع مالوش لازمة
جومانة

انا اتجرأت وفتحت موضوع جديد يارب مكنش عملت حا جة متعجبكوش يابنات

يلا بقه تعالى ياطماطم انتى وكل البنات عايزة اكلم حد

طبعا اولا بنشكر جومانا على التوبيك الجميل اللى جمعنا هنا
و جزاها الله كل خير
و ادعولها ربنا يرزقها بالحمل عن قريب
قولو امين
ويارب اللى ماتخطبتش تتخطب
والمخطوبة تتجوز
والمتجوزة ربنا يرزقها بالحمل قريب
والحامل تولد وتقوم بالسلامة
اللهم آمين


((((((( ونقلاً عن جومانة )))))))

تم الجزء الاول بنجاح ساحق
والجزء التانى انتهى برضة بنجاح ساحق
والتالت نفس القصة
و الجزء الرابع والخامس والسادس والسابع والتامن والتاسع والعاشر كمان
احنا الحمد لله دلوقتى ف الجزءال 18بتاعنا طبعا لكل اللى كانوا متابعين معانا احنا كنا عاملين موضوع حلو اوى ومجمعين فية كل بنات المنصورةالحلوين
وموضوعنا من البداية للى كانوا مش متابعين
خاص بكل حاجة عن المنصورة كوافيرات _ميك اب _لانجيرى _كل حاااااااجة
يعنى كل بنت بتكتب تجربتها او بتسأل عن حاجة معينة وكلنا بأذن الله هنرد عليها
وانا موجودة بالنسبة للاجابة على اى سؤال
وانا الحمد للة خلاص اتجوزت وهابقى متابعة معاكم بأذن الله من خلال تجربتى اية اللى استعملتة واية اللى اشتريتة وطلع مالوش لازمة
جومانة

السلام عليكم
وحشتونى يا أحلى بنات
واهلا بالبنات الجداد معانا طماطم وقلب فاضى ودنيا
وربنا يتمم لك يا شهر زاد على خير وتتم خطوبتك بقى

يلا هسيبكوا كده هعمل شوية حاجات وراجعالكو تانى ان شاء الله

قلب فاضي
الله يبارك فيكي يا قمر
انا ليسانس آداب - دراسات يونانية ولاتينية

طماطم
هتتجوزي في العيد ولسسسسسسسسه بتسألي ؟؟؟؟؟؟؟؟؟
انا هحاول أقول لك على حد علمي لإني بادئة تجهيز من فترة كبيرة
بصي يا قمر انتي تجيبي طقمين حلل
تيفال واستانلس .. واحسن نوع فيهم زهران والحلة بتتباع بحلتها وهما 8 مقاسات في كل نوع
انتي هتجيبي احتياجك والمعقول انك تجيبي 4 حلل استالس واربعة تيفال بالمقاسات اللي تحبيها .. ولو عايزة تجيبي المونيوم تجيبي حلتين نوعهم مودرن ( ده اسم المصنع زي الاهرام وكده )
ونصييييييييييحة بلاش تجيبي طقم حلل استالس اللي بيكون في كرتونة على بعضه ده
والكاسات هتجيبي 5 او 6 اطقم ..
لو النيش صغير هيبقى 3 اطقم نيش و2 مطبخ ولو كبير 4 نيش و2 مطبخ ويكون منهم طقمين شكل بعض عشان لو جالك اكتر من 6 ضيوف مرة واحدة


دنيا
ربنا يخليكي يا جميل ويبارك فيكي

شهرزاد
ربنا يبارك فيكي يا قمر .. وربنا يتمملك خطوبتك على خير

هموسة
ازيك يا جميلة ؟ وحماكي عامل ايه دلوقتي ؟
ان شاء الله يكون احسن

اكمل لك بقى شوية يا طماطم ولو استفدتي مني بحاجة ادعيلي خطيبي ياخد تأجيل من الجيش


بالنسبة للسراير هتجيبي لكل سرير لحاف وبطانية
وهتجيبي مفرش سرير صيفي وواحد شتوي وزيهم لسراير الاطفال لو عاملة اوضة اطفال

وللسرير الكبير 12 طقم ملاية مطرز وسادة ومنقوش متنوعين يعني
ولسراير الاطفال من 4 ل 6 طقم بس انا شايفة اربعة معقول

وهتجيبي للسرير الكبير 2 كوفرتة وللسراير الصغيرة 2 كوفرتة قصاد بعض

ولو جايبة سفرة هتجيبي 2 مفرش للسفرة واحد غالي للمناسبات والعزايم وواحد عادي للاستخدام اليومي

وبالنسبة لطقم الصيني كل ما يكون الطبق خفيف كل ما يكون احلى
وهتجيبي طقم اركوبال فرنساوي
وللاستخدام اليومي هتجيبي طقم البيركس او طقم اركوبال انا عن نفسي جايبة طقم اركوبال اماراتي للاستخدام اليومي

وهتجيبي يا ستي شنطة معالق احسن نوع الالماني وده بيكون في حدود الف ونص .. وفيه بقى الماني مصري بيكون نفس الاشكال وسعره في حدود 600 كده

وهتجيبي معالق فرداني للاستخدام اليومي وشوك وسكاكين سفرة ومطبخ

هتجيبي للنيش طقم شاي او طقم شاي وجاتوه اللي يريحك .. وطقم كاكاو وطقم قهوة وطقم شربات وطقم مايه معاه الشفشق بتاعه وطقم خشاف

وللمطبخ حوالي 3 اطقم كوبايات شاي وطقمين مايه وهتجيبي شفشق مايه للسفرة وكمان طقم شربات وطقم قهوة وطقم خشاف وطقم جيلي وايس كريم

وكل ما افتكر حاجة هقول لك ولو انتي عندك اسئلة معينة قولي وفكريني

الله يسلمك يا شوشو انا الحمد لله كويسة انتى اللى عاملة ايه وحلوة العروض بتاعتك ربنا يوفقكو يارب
بالنسبة بقى لحمايا والله لسه تعبان اوى
انا نزلت المنصورة اول امبارح وزورته فى المستشفى
كنت ماسكة نفسى هناك باعجوبة من العياط لفيته تعبان خالص اكتر ماكنت اتصور
والله يا حبيبتى رجعت من هناك تعبانة من المنظر ولسه لحد دلوقتى
ربنا يشفيه يارب اصله طيب قوى وبحبه جدا وربنا
ادعوله ربنا يشفيه
معلش دوشتكو
ومتشكره قوى ع السؤال يا شوشو ربنا يخليكى ليا ويفرحك دايما

الشكر لله يا جميلة متقوليش كده

أسأل الله العظيم رب العرش العظيم أن يشفي حماكِ

أسأل الله العظيم رب العرش العظيم أن يشفي حماكِ

أسأل الله العظيم رب العرش العظيم أن يشفي حماكِ

وأنا الحمدلله بخير

طماطم بالنسبة للمفروشات

هتجيبي فوط تواليت وفوط مطبخ وفوط باحجام مختلفة والاعداد زي ما تحبي

وهتجيبي 2 بشكير وطقم برنس ولو حابة تستغني عن حاجة منهم براحتك

وتقريبا انا كده قولتلك على المفروشات كلها

لو ناقصة حاجة ياريت حد من البنات يفكرني ويفكرك