ضحى السعلة و السخونة كتير خطيرة عالحامل انتبهي

لما كنت حامل بأنس صرت اسعل بالمراجعة قلت للدكتورة قالتلي عادي خلص مارح تفك لحتى تلدي

بآخر التامن طقت مية الراس و ولدت قيصرية و الله لطف بالولد ضل بالحضانة أسبوع و ألبي داب من البكه بس الحمد لله الله لطف فينا و سلمه

بعدين بالمراجعة قالتلي الدكتورة كان معك التهاب قصبات و جسمك من جوا نار و هي شافت سعلتي بغرفة الولادة قالتلي ليش ما قلتيلي إلتلها إلتلك آلتلي لأ ما إلتي

بعدين آلتلي مو هيك لازمك تقولي يعني لازم أول سعلة كتير أوية و عم استفرغ منها

شو رأيكن

بتروحي عند تحكم العضو ام انس وبتقرأي التفاصيل وبتعملي الحالة يمكن

ليش خير نشالله؟؟؟؟؟؟؟؟؟
ضحى ماتخافي وسلمي امرك لربك بين يوم ويوم فرج

هلا انا هيك صار معي بس الدكتور اعطاني دوا كتير قوي والمد لله طبت
مع اني ما بحب اروح عالدكاترة بس يومها رحت افحص وسمع كحتي وانجن والله

هلا بدي اسألك سمنة البقرة الحلوب كم سعرها عندكم

امتحانات ابني أسامة بتبدأ يوم الخميس الله يعينا بالصف الرابع

ضحى بدي اسألك زوجك من بيت مين؟؟؟

ما بعرف بسألك زوجي بس غالية و هي عليها الميدالية الذهبية

بدي اسألك ما عندكن السمنة البلدي اللي بيعملوها بالأرياف يعني الفلاح بيعملها

ما تحطي ببالك فطوم مشاكل الولاد والدراسة
سوسو اسامة ابنك الكبير ولا فيه اكبر منه ما شاء الله
انا ابني عبود كان ما شاء الله مافي اشطر منه ييجي حافظ دروسه من المدرسة
بس السنة ما بعرف شو صرله هالولد هو عين هو عشان تغيير المدرسة والله رايحة انجن

لا هلا عنا بس غالية كتير وطعمها تقيل كتير حتى لما بتحطيها عالطبخ

عنا سعرها هاي السمنة تخيلي 120 شيكل يعني الف و200 ليرة
يعني 30 دولار يا ضحى

اااخ يعني لسة القادم اعظم؟
هههه
اصلو اليوم نفسيتي تحطمت الصبح لدرجة صرت ابكي وبحرقة !!! يمكن تحكو مهبولة بس شوفو
مبارح كنت نايمة 4 ونص الفجر طيب ماجاني نوم وهيك المهممممم
فهد 6وعشرة بالزبط صحي يسرخ اااااااااااااااااااااااع انفزعت والبنت صحيت من صوتو رحت اجري مالك يا ماما
صار يستهبل
وازا شافني بدي اروح يرجع يجعر بطريقة مستفزة وخرم داني والله حضنته مالو ياحياتي يختي فهود شطور نام ماما حرام عليك الساعة 6 بدك تجلطني
مافي فايدة رحت نيمتو وسكرت عليه الباب صار يسرخ ويرمي الكباية تبعتو في الحيط وضل يسرخ ويخبط في سريره رحت لاقيت البيت بتزن رضعتها ماسكتت
جربت انام صرت ماببين زنها وسراخ وتخبيط فهود رحت اجري عليه مهسترة صوتو قتلني شوي كنت حعمل فيه اشي وبصير يخبط في السرير ويزقو والسرير يخبط خبط في الارض والحيط ويعمل صوت فظيع
والله كنت رايحة عليه بدي اخنقه يمكن تقولو ببالغ بس كان بيقهر
وفوز بتزن على هواه كما
بالاخررررر صارع قريب ال8 زي هيك ااااااااااااااااااااااخ صرت ابكي انا لو نومتي تنكدت لا تتخيلو شو بصصير فية بكون مؤهلة لارتكاب جريمة بكل معنى الكلمة هيك انا من الله يعني مو مبالغة بس هيك نفسيتي


نمت شوي صحيت فوز ترضع

نمت شوي صحي فهد يبكي وانا مالي خلق اشوفو طنشتو

وزي هيك

محلاني بس اليوم اشي روعة خايفة يصبحو بكرة هيك والله بنهبل