ازيك يا يمني
يوم جديد في عام جديد سعيد عليكي يارب

مفيش والله يا يويو هزقنى كالعاده وقالى انتى موسوسة وانا مش هشوفك الا بعد 6 شهور على اساس اللبن يعنى وبعدين انا قلتله انى كنت ف مكه من حوالى شهر وانا بطبعى شكاكة ونسيت اخد ديتول معايا تواليات اوتيلات مكه مش ع اد كده
مابيراعوش فيها النضافة

اسكتى ده حصل معانا موقف ف الاوتيل لقيت جوزى بيصحينى قالى اصحى ف حد فتح علينا الاوضة كنت هلكانة وندى مايمتناش طول الرحلة ولسه هنام جه قالى الخبر المفزع ده والله ماقدرت انا خالص وندى ف العمرة كانت لازقة فيا بشكل عجيب شلتها ف الطواف والسعى ايدى اتكسرت

ايه رأيكم ف اسم كنزى يا بنات بنت خالتى جابت نونة عاوزة تسميها كنزى

كتبت بواسطة ميويا1

ازيك يا يمني
يوم جديد في عام جديد سعيد عليكي يارب

انا كويسه يا قمر انتى الى عامله ايه ابتديتى تنامى ولا لسه

كتبت بواسطة ندى بنتى

كان زمااااااااااااان يا اختى لا بس شفت خبر ان سوق الدهب راكد وتحته اسعار الدهب بس اتصدمت ليه غالى كده انتو ف الخطوبة جبتو الدهب ع كام انا طبعا عجوزة كان ايامها بحاجة و60
يمكن 64 ولا حاجة

هههههههه انا جبت سلسله دهب ابيض بس هو جبهالى فى عيد ميلادى كان الجرام ب100 كانت دهب ايطالى ابيض مش مصرى الكلام ده ايام الخطوبه فكانت سلسله خفيفه 6 جرام وبالمصنعيه وصلت ل 700 جنيه تمنها ....بس فى خطوبتى انا جبت دبله ومحبس دهب سويسرى كان الجرام ب130 فى حين الدهب كان ب82 ج بس انا جايبه دبله بجد مفيش جواهرجى شافها الا ما خدها علشان يصمم زيها لانى نقتها من كتالوج وعمرى ماشفت حد لابسها هى مستطيله بس مش بالطريقه الموجوده فى المحلات معموله بطريقه تحفه وكمان المحبس مستطيل وعالى شويه بفصوص كحلى تحسى انه مربع بس بجد انا مشفتش حد لابس دبله وكحبس عجبونى اكتر من بتوعى وكل الناس بتعجبهم قوى ومشكلتى دى دايما انى مبحبش اى حاجه معروفه بحب دايما الجديد والى مش متداول واحب ابئى انا صاحبه الفكره الجديده اصل ماما كده كربون منى ورثت منها العاده الغريبه دى

كتبت بواسطة ندى بنتى

ايه رأيكم ف اسم كنزى يا بنات بنت خالتى جابت نونة عاوزة تسميها كنزى

كنزى اسم تحفه طبعا ربنا يخليهالها

لسه طبعا يا يمني مفيش نوم خالص
بليل النوم بيقي متقطع جدا لانهم اتنين فا كل شويه حد يصحي
و النهارده كان كمان مهرجان الرضاعه الجماعي
الحمد لله

الله يصبرك يا مى هو تعب بس لوقت معين ان شاء الله يعنى بعد 9 سنين كده وتريحى

لله يباركلك فى دهبك يا ستى وتلبسى الالماظ كمان انا شبكتى كانت لازوردى بس كانت تحفة برضو بس كانت كتيرة اوى يعنى السلسلة فيها تعريجات كده ومرة لبستها ف فرح اخو جوزى جابولى قطعة منها كانت خالتى جيبهالى من الرياض بحوالى 3500 ريال
وجبت من مصر خاتم فصوص ودبلة ايطالى ومحبس واسورة بس شكلهم يجنن كوعت فيهم الباشا 3000 جنيه ويوم ما رحنا ننقى الحاجات دى هو مكنش عامل حسابه غير ع دبلة ومحبس وخاتم بس انا دبسته ف اسورة وخاتم كان واقف وشه بيحمر ويصفر يا حرام
وجاب اخوه باقى المبلغ
وكل ما يفتكرلى الموضوع ده يقولى انا عمرى ما اتحطيت ف موقف محرج زى اليوم ده