اما عن الرجيم والله خوش فكر
لان السمنة هم مو زين على ولاده
فأحسن شي انه اسع تحاولين تبتعدين عن الخبز والدهون
وتركزين مع الحليب والفاكهه واهم شي يكون العشى من وقت
وتحاولين اتشوفين اي ماكولات هي الي سبب لك السمنة ؟
وجبات متنوعه ومتفرقه احسن من وجبات قليله ودسمة ؟
شفتي عيني اصلح خبيرة تغذيه هههههههه

خايفه ومظلومه تسلمين حبيبتي عالترحيب
عراقيه بماليزيا شلونج حبيبتي الله يرزقج حفظ كتابه الكريم امين
ام مسره حبيبتي متعرفين اخبار مومو وتوته العاني يا مذيعتنه الغاليه

عيني عيني ام سيوف وين وسط ؟؟ 77 وتقولين وسط
حتى لو كنتي طويلة ؟؟
انا بعد ماصار وزني 70 وحامل ومتخبله وطولي مليح 160
يالله بنات البيت العراقي من اليوم مااكو حلويات ولامعجنات
بالاسبوع مرة كافي ....

هلا ام هنوده حلو اسلاميه وعربي بس الله يعينك
انا طالبة وحده اسمها زنوب راح تخبلني ,بس الطبخ العربي لم اتعلمين الاطفال ؟
واشقد ماجورة بدرس الاسلامي اعطيهم وعلميهم خارج المنهج بلكت ينصلحون

ام هنود شلون يصير طفل بينو تخلف عقلي ويه الاطفال ؟؟

حبايب القلب شلونكم
حبيت اسلم عليكم
بالجمله
هههههههههه
والله مشتاقتلكم

اتمنالكم جمعه مباركه
مع انها خلصت لان اجيت متأخره بس مو مشكله
المهم الامنيه الجميله توصل
بعدين من هلا ورايح
ما أريد اكتأب ولا تشاؤم ابدا ابدا

هذا بيت جديد ولاز نرسم على اوراقه البسمه والسعاده والتألق الدائم
ونودع ايام الضجر والزعل
بأحتساء فنجان حب الذات مع ملعقه من الامل بفجر جديد
وملعقه من التفاؤل عند النظر الى وجه طفل يضحك
ورشه من ابتسامة حين النظر الى مرءاة
هلموا يا اخوات نمزق صفحات اليأس والالم والجرح
ونضمدها بأستقبال غدا بتفاؤل وشغف ونطبب انفسنا
بذكر الله ونداوي جروحنا بلمسة حب لكل شيء حولنا
وداعا يا امس ومرحبا بغدِ


والى لقاء قريب اخواتي
في الحلقه القادمه
من برنامجكم
فجر جديد
استودعكم الله

هلا قموررة شاعره ماشاء الله
شلونك
اتعشيتي لو بعد انا والله شبعانه
هذا الي قلنا عليه لو كنت بنت كان اخذت راحتي
ومن مااريد اكل مااكل ومن اكون جوعانه اكل
ومو مثل اسع صاحو الاولاد نداء الجوع خخخخ
عبالك مجاعه بس ياكلون والله العظيم
الله يجعل ايامك وايامنا بسمه وصحة على طول

حبيبتي غسوقه
انا بخير والحمدلله
انا ما اتعشه
احسن

وانشالله الف صحه وهنا ع العشاء

نداااااااااااااااااااااءءءءءءءءءءءء عاجل
اريد اجي أكل معاكم
ياله قومي فتحيلي الباب
هههههههههههه

السلام عليكم اشو ماكو احد
ها غسوقه يعني مراضيه على وزني لا هاي وفوكاها اني ارضع
شلونك حبيبتي قمر ماشاء الله صاير ه شاعره
صارعدنه بالبيت مذيعه ومعلمه وشاعره ماشاء الله

هلا ام سيوف نسيتي انه بالبيت صار عدكم خبيرة تغذيه ورجيم
بعد اش اتريدون ... شلونكم على منع التجوال الله يحفظكم
دعواتكم اروح انام غدا خلفنا تصويت وانتخابات

السلام عليكم شلونكم حبايب
والله مشتاقتلكم كومه
والحمد لله سكاتي صحته صارت زينه وعنده مواعيد على 3-2 وعلى 20-2 وربكم يسهل وبالنسبه لابوه والله هالي كاعد يمي ديلوج من الالم بعيد الشر عنكم
والحمد لله على كل حال
واني اسفه تاخرت عليكم بس شويه كان عندي ظروف وربكم سهلها