مبارك التجمع الجديد حبيايبى الحلويين
فيفو.................
ربنا يطمنا عنكم حبيبتى يلرب و ان شاء الله فرج ربنا قريب ان شاء الله ربنا ينصركم

شمس السما و بنت ابى .............ز
ربنا يشفى بناتكم الحلويين و يشفى بنتى نور ياااااارب
مش عهارفه الكحة معاها بقى لها اكتر من شهر و نص من تطعيم ال4 شهور اللى خدته و طبعا كانت قلبت معاها التهاب رئوى و بجد ربنا يستر لان الكحة اليومين دول زادت شويتين كده و ما فيش اى دوا ماثر معاها
بس عموما انا ان شاء الله هروح بكره مستشفى بجدة علشان اعمل سونار تانى و اتاكد انه فعلا ما فيش كيس حمل فى الرحم قبل اى خطوة
ادعوا لى يكون الموضوع بسيط يااااااااااااااااااااااااااااااااااااااارب و ما يكونش حمل عنقودى و لا حويصلى مع انى لما عملت التحاليل قالو النسب مظبوطة بس خايفة لما اعيدها تانى يطلع حاجة وحشة
ادعووووووووووووووووووووووووووووووووووووووووووووووو وووووووووووووووووووووووولى
ان شاء الله هروح بكره بعد العصر تقريبا و لما هرجع اطمنكم ان شاء الله

و بالنسبة لبنتى هكشف عليها هناك بالمرة علشان اشوف فى ايه تانى و ربنا يستر و ما يطلعش حاجة وحشة و نتحجز فى المستشفى تانى
عموما لو طمنتكم بكره يبقى ان شاء الله بسيطة
و لو ما دخلتش يبقى يااما اتحجزت انا او بنتى فى المستشفى و تدعوا لنا كتير و اذا كان فى هناك نت هطمنك بس تدعوا برضه ههههههههههههههههههههههههههه
اجبارى هههههههههههههههههههههههههههه

فروحة
ربنا معاكى ياقمر ويقدم لك اللى فية الخير ليكى ولبنتك
الف سلامة عليها الامورة
ان شاء الله نستناكى تطمنينا

شموسة
الف سلامة يا قمر على جوجو
ان شاء الله النهاردة تكون احسن

بالنسبة للصور
هههههههههههههه
والله اول ما قريت ردك ضحكت ... مهو اللى يتلسع من الشوربة ......
بس انا اللى اتلسعت والحمد لله
بصى الحمد لله الصور معظمها رجع تانى دا انا كنت هموت من الحسرة على الصور دى ...
انا فعلا نزلت الصور على اسطوانة

كويس انك عملتى الكيكة
بألف هنا
ماشاء الله اصلا ام مريم شارحة خطوة بخطوة
والنتيجة بتبقى جميلة
بس يارب تكونى صورتيها ومنسيتيش زيى

حنين امبارح يا حبيبة قلبى وقعت
من على السرير
كنت سايباها جمب ابوها ويادوب هو قام من مكانة يفتح الكمبيوتر ... هى تقريبا كانت عايزة تروح وراة ....
قلبت نفسها على بطنها وفضلت تزق برجليها لغاية ما وقعت من على السرير
انا جيت جرى على صوت الوقعة ..
يا حبيبة قلبى فضلت تعيط جامد قوى لغاية ما كنت حاسة انها مش عارفة تاخد نفسها

الحمد لله على كل حال
فضلت اهدى فيها وبعد عذاب سكتت شوية وبعدها رضعتها وقعدت شوية ونامت الحمد لله

مش عارفة امبارح كان يوم غريب ....

فاكرين صاحبتى اللى حكيت لكم عنها اللى كانت حامل وجالها تسمم حمل وهى فى التاسع والبيبى مات؟؟؟؟؟؟

امبارح عرفت ان اختها مفقودة ....
نزلت الدرس عادى زى كل يوم مع زميلتها ...
وبعد ما خلصت الدرس اتصلت بمامتها وقالت لها انها جاية فى الطريق ....
ولغاية دلوقتى مش لاقيينها لا هى ولا صاحبتها اللى كانت معاها ..وطبعا موبايلها هى وصاحبتها مقفولين ..
وسألوا فى المستشفيات والاقسام ... وفى كل مكان ممكن بتسأل فية .... ومفيش اثر ليهم
يارب يسترها عليهم يارب وميحصلهمش حاجة

يارب ما تكتبها على حد ابدا يارب .... احساس صعب جدا ....
ربنا يصبر قلبهم ...
انا كنت هروح لهم امبارح مع جوزى بس الصراحة اترددت ... مش عارفة هروح اقولهم اية ...او هما هيتقبلوا كلام فى وقت زى دة ولا لأ ..... وفى نفس الوقت عايزة اروح علشان ابقى جمبها ...
تفتكروا اروح ولا استنى شوية ؟؟؟؟

السلام عليكم
مشتاقة لكم وربي
كثيرررررررررررررررررراً
بس تعرفون اهلي كانوا عندي ومو كل يوم جايني
انبسطت معاهم كثيررررررررررررر
واليوم الصبح راحوا والحمد لله وصلوا لبغداد بسلامة
بس مااحكيلكم عن حزني وبكائي
فراقهم صعب
ومريومة اول مادخلنا البيت صارت تصرخ وتصيح وين جدو وين بيبي (جدتها)
يالله هونها علينا يالله وصبرنا
سلامي للجميييييييييييييع

فروحة
ربنا معك وان شاء الله تكونى اطمنتى

بنت ابى
الله يكون فى عونهم ويرجعهالهم بالسلامة
بلغوا البوليس ولا لأ
او الجيش يعنى عشان يكلف المباحث تدور
ربنا يسترها معاهم ومايكتبها على حد
هما ساكنين فين والدرس فين
انا من رأيى خليك على اتصال
مااعتقدش ان روحتك هتفيد لان دماغهم مشتتة
ربنا يرجعهالهم بالسلامة
والتورتة صورتها

ام مريم
وعليكم السلام
وحشتينا
انا ماعرفش ان اهلك جاينلك
حمدا الله على سلمنتهم فى رجوعهم
ومعلش صعب فراقهم بس هتعملى ايه
ربنا يصبرك

السلام عليكم
مبروووك التجمع الجديد و ان شاء الله ديما مجموعيين علي خير
سلامت البنوتات العسولات وان شاءالله مايشوفو شر
كيفكم يا بنات؟؟؟سامحوني مش حا اكتب اسماء عشان ما انسي حد
انا اهلي الحمدالله بخير .....انا تعبانه ونفسيتي سيئه علي الاخر
الاخبار جننتني الله يحفظهم وينصرهم عاجلا غير اجلا
نزوره كمان مش عارفه ايش فيه......يبكي يبكي ولما اجي ارضعه ياخذ شويه ويصير يبكيبالعافيه لما اقدر ارضعه؟؟؟؟مش فاهمه
لو استمر علي نفس الوضع يوم الاثنين حا مشي للدكتور ..و ان شاءالله خير

سلامي للجميييييييع

كيف حالكم
وحشتينا أم مريم ماشاء الله وناسه معا اهلك

كيف حال البنات يارب بخير

شموسه كيف الحال كيف حال جوجو

بنت أبي متشوف شر حنونه أنتبهي عليها

فرج الله على الجميع
شموسة احنا بخير الحمد لله ازاي جوجو

ام حنين غريبة والله ربنا يردهم لاهاليهم سالمين يارب
زمن صعب الي احنا فيه ولادنا معانا ونخاف عليهم فمابالك لوحدهم مفيش امان خالص
ربنا يطلعنا من دنيا على خير
سلامة حنين الف سلامة والله انا بعد مقرات كلامك اسمع سيرين وقعت من السرير
و مقلكيش العلو ازاي حاولت مخليهاش تنام لكن من الاول تعبانة .
ام تزوه وفيفو سهل الله الامور و الله اكبر على كل من طغى وتجبر
الدعاء الدعاء و التي كتبها الله حق لها ان تكون نسأله اللطف بنا
والله علامات قروب الساعة اللهم اخرجنا منها على خير.

ام مريم اشتقنا لك هذا حال الدنيا بناتك معاك الله يحميهم يارب
و سعي صدرك وخليها على الله ..

بنات ام ملوكة في حاجة لدعائكم تمر بظروف صعبة مع زوجها و طليقها
لاحول ولا قوة الا بالله,وكانت فترة غيابها تعبانة في المستشفى
وصتي اسلم عليكم ..

خوختي كيفك و كيفها ديمتنا الحلوة ان شاء الله احسن؟

الفرحة يسر الله امورك حبيبتي.