السلام عليكم أخواتي
هنا بنتي دلوقتي 4.5 شهور ونومها متعب جدااا طوووول النهار نايمة وطووول الليل صاحية وطبعا ماقدرش أنام و أسيبها صاحية لأنها بتكون عاوزة حد يلاعبها والا تعيييييط...أنا طبعا تعبانة من الحياه المقلوبة دي وكمان ورايا مسئولياتي ... بحاول أنيمها بالليل في نور خفيف أو أمنعها انها تنام بالنهار علشان تنام بالليل لكن مش بينفع أبدا . لو عاوزة تنام بتنام حتي لو في أسوأ الظروف ... هل فيه حل يجعلها تضبط نومها ولا أصبر حتي ينصلح حالها دون تدخل مني؟
كل من تجيبني تقول عاوزاني أدعيلها بايه و أنا أوعدها اني لما أشوف الرد سوف أدعو لها حتي ولولم أكتب هذا الدعاء
وجزاكم الله عني خيرا

بصى بنتك صغيرة اوى على تظبيط مواعيد النوم
بس ملا لما تنام العصر نيميها نص ساعة بس و بعدها حاولى تصحيها باى طريقة
شغلى تلفزيون بصوت عالى او اى طريقة تصحيها
و بعدين بالليل حميها و ادخلى الاوضة و اطفى النور
هتتشاقى شوية بس بعد كده هتتنام ان شاء الله
بس عموما برضو هى لسا صغيرة و على 6 شهور ان شاء الله هتتظبط لوحدها
لو افدتك ادعيلى ان ابنى يتكلم و اطمن عليه

انا برضو رأيي انها هتتظبط لوحدها، بنتي كانت كدة بالظبط، ربنا يهديهالك يارب.
ادعيلي اني ربنا يقومني بالسلامة ويديني الصحة والصبر اني اخد بالي من بناتي الاتنين ان شاء الله وما اقصرش في حق حد منهم، وكمان يبعد عني اهل جوزي.

الله يعينك بهالسن صعب تتحكمين بنوم الطفل

أن شاء الله الرابط هذا يفيدك

أجوبة لأكثر الأسئلة ترددا حول.. نوم الطفل متجدد (

السلام عليكم ورحمة الله وبركاته
هي 4 شهور ونص صح اعطيها شوي عصير البرتقال المخفف رح يخليها مصحصحة وشغلي القرآن بصوت شوي عالي ولاعبيها لمايجي الليل حميها وخليها تلعب في الموية رح تدوخ من التعب وتنام علىطول
الله يعينك
لاتنسي تدعيلنا الله يتقبل منا رمضان

ممكن ان شاء الله تضبطى نومه انك ماتنيميها بالنهاركتير ولو نامت ماتسيبيها كتير علشان مابنصدق ان الطفل ينام ونيسيبه علشان نشوف اللى ورانا ووحاولى اخر النهر اول الليل ماتنامش خالص لان ده بيفوقها باقى الليل وشوفى موضوع الاستحمام بيعمل ايه معاها اولدى وهم صغيرين فيه منهم بعد الحمام يهدو وينامو وفيه منهم يفوق ويلعب وترتبى لها وجبة عشاء وتنام باذن الله

جزاكم الله خيرا اخوتي ... أشهد الله أني دعوت لكل من طلب ومن لم يطلب .. معلومات مفيدة فعلا وخصوصا موضوع عصير البرتقال المخفف ده جديد عليا
أسأل الله العظيم رب العرش العظيم أن يبارك لكل اخوتي في أولادهم و أن يقر أعينكم ببرهم وأن يرزقهم جمال الخلق والخلق وأن يجعلهم من حفظة كتاب الله وايااي ...امين

سيبيها تنام ومتصحيهاش
وظبطي انتي مواعيدك عليها
ومعلش احتسبي الاجر من الله واصبري
الجنه تحت اقدام الامهات
وان شاء الله هي هتتظبط مواعيدها لوحده

اعتقد بنوتك توها صغيرها ويمكن تعاني من شي انتى مو حاسه فيه على كلن خليها على راحتها وتاكدى من داخلك انها فترة بسيطه وتعدى . وشي ثاني لا تهملى تغذية وعنايتك بالبنت ولاحظيها ولاحظى البامبرز يمكن من البلل ما تبي تنام وهيئي لها الجو من كل نواحي واقى عليها قران وانفثى عليها وابتسمي لها .. حتى لو تنشدي لها حتى تعوديها على الروقان والهدوء وبأذن الله هى مسألة وقت وخلاص يرجع كل شي لطبيعته ؟