بسم الله الرحمن الرحيم
السلام عليكم ورحمة الله وبركاته
انا الحمد لله رب العالمين متجوزة وعندي بنوتة وعايشةفي المانيا جوزي مولود ومتربي في المانيا ومبيتكلشي عربي وحلمه يدرس عربي هو الحمد لله بيقرأ ويكتب عربي وبيحضر دروس تجويد بس ده مش.كفاية عشان كده هو ان شاء الله عاوز يروح يدرس بالقاهرة بمركز فجر بمدينة نصر احنا الحمد لله كلمناهم وكتير بينصحونا بالمركز
انا عاوزاكم تساعدوني بس لوممكن بالنسبة للسكن عاوزة اعرف اثمنة الشقق المفروشة بمدينة نصر غرفتين
وحال المعيشة بالقاهرة يعني في الشهر يكفيني كام
على فكرة انا دارسة لغة عربية فصحة ومتقنة لها بس مولودةومتربية في سويسرا

حبيبتي كان نفسي اساعدك بس انا مش من القاهره ان شاء الله البنات يساعدوكي

وعليكم السلام ورحمة الله وبركاته
حبيبتى توصلوا بالسلامه ان شاء الله
عموما انا لى اخت تسكن فى مدينة نصر وشقتها غرفتين وصاله وبتدفع إيجار 1000جنيه فى الشهر
وعلى فكره مش هتلاقى اسعار اقل من 1000
بس شقتها مش مفروشه ومساحتها 80 متر
بس المفروش اكيد مش هايقل عن 2000 جنيه
وبالنسبه للمصاريف دى بقى بترجع لمستوى المعيشه ومتطلباتكم
يارب اكون افدتك

مشكورة الاخت يارا على المساعدة

الله يخليك

تنوري مصر
وبالنسبة لمدينة نصر يوجد شقة 3 غرف نوم و3 ريسبشن مستواها ممتاز( تشطيب لوكس) ب 3000 جنية بالشهر- شارع النزهة مفروشة مش عارفة ان كان ممكن تتفوضي مع صاحب الشقة لخفض الإيجار ام لا
العمارة بها 2 اسانسير
ولو عايزة تفاصيل اكتر من كدة ممكن اسألك لأن أختي ساكنة بنفس العمارة

وهذه صورة للمكان من الدور التاسع
لكن الشقة بالدور الثالث او الخامس لا اتذكر ايهما



الشارع من الجهة الأخرى

اختYARA
اخت وردة تونس
اختrhalam
اختroza1
بارك الله فيكن على الاهتمام والمساعدة
اختroza1وyara ممكن كل وحدة تسأل اختها عن شقق مفروشة هناك احنا حدنا ندفع2000جنيه والشقة تتراوح بين40ل50متر بس على قدنا والأتاث عادي يعني بس اللي نحتاجو

ان شاء الله هاسأل واقولك
طيب انتى هاتنزلى مصر امتى لأنى انا نازله ان شاء الله فى يناير وابقى اشوفلك
وللا نازله قبل كده
بس لو انتى عايزه فعلا المساحه دى 40 او50 متر يبقى هتلاقيها ارخص من 2000 بكتير ان شاء الله
مستنيه ردك

ربنا يبارك فيك وتروحي وترجعي بألف سلامة احنا ان شاء الله نزلين في يوليوز