بسم الله الرحمن الرحيم
السلام عليكم ورحمه الله وبركاته
انا ناويه اروح للامارات انشاء الله الاسبوع الجاي
بنات ابي مساعدتكم
في الاشياء الحلوه في دبي والشارقه عن كل شي منتزهات اسواق مطاعم
وانا سمعت انوعندكم دزني لاند وين موجوده
للبحث في شبكة لكِ النسائية:
|
بسم الله الرحمن الرحيم
السلام عليكم ورحمه الله وبركاته
انا ناويه اروح للامارات انشاء الله الاسبوع الجاي
بنات ابي مساعدتكم
في الاشياء الحلوه في دبي والشارقه عن كل شي منتزهات اسواق مطاعم
وانا سمعت انوعندكم دزني لاند وين موجوده
هلا حبيبتي الورده الصغيره معاج أختج أم عقصين من الامارات من امارة دبي آمرررررررري الغاليه تبين اعددلج المولات اللي عدنا ماشاء الله وايد الله يحفظ بلادنا وبلادكم وبلاد أخوانا المسلمين قولي آمييييييييين عندنا ياطويلة العمر* مول الامارات *أبن بطوطه مول*مركز برجمان*مركز وافي *ستي سنتر*مركز ميركاتو*مركز أب تاون *دبي فيستفال ستي هذا مول*سنشري مول*الريف مول *مركز الغرير *حمرعين سنتر*مركز البستان*مركز الملابلازا *مركز أبوهيل للعبايات والشيل*سوق مرشد* سوق نايف*أخر سوقين الي ذكرتهم لج اللي هم سوق مرشد ونايف هاذيل مثل ماتقولين شبه أسواق شعبيه بس بتحصلين حاجات كثيره حلوه مره جنب سوق نايف في مركز أسمه مركز المنال *أوت لايت مول * الكوفي شوبس طبعا متوفره في جميع المولات أما بالنسبه للشارقه فيها صحارى مول هذا المركز جريب وايد من دبي* ميغا مول *مركز التعاون*شارع الوحده مشهور بالمحلات* هذا والسموحه اذا نسيت شي أهلا وسهلا فيج ياختيه في بلادج الثانيه دولة الامارات العربيه المتحده
آخر مرة عدل بواسطة أم عقصين : 11-03-2008 في 12:08 AM
الله يعطيك العافيه اختي وتسلمين
ماشاء الله يابيلها شهر مب اسبوع ياالله يمدي
سمعت عندكم القريه العالميه الى الحين فاتحه وصحيح الاسعار ارتفعت يعني نار والله يعطيك العافيه ويجزاك بالجنه
37 قراءه ولا فيه الارد واحد
الله يسلم ام عقصين
وينكم بنات
مساء الخير عزيزتي الورده الصغيره السموحه تأخرنا عليج بالرد بالنسبه للقريه العالميه بندت يعني أنتظري لين السنه الجايه ان شاء الله ان الله أحيانا قبل أسبوع اغلقت أبواب القريه العالميه يتم افتتاح القريه العالميه قبل مهرجان دبي للتسوق بحوالي شهرين أواكثر بشوي الصراحه فيها اشياء كثيره حلوه مررررررره أجنحه من جميع أنحاء العالم فيها المطاعم المشهوره العالميه فيها الالعاب الترفيهيه فيها بالنسبه للاسعار طبعا كل دول العالم تعاني من زياده في الاسعار كل شي في تزايد وارتفاع والله المستعان انتي زوري بلادنا وان شاء الله مابتصرفين وايد ترى لايفوتك دبي حلوه مرررررررره هذا والسلام ياعزيزتي تشرفي وتنوري بلدك الثاني دبي
السلام عليكم .................
حياك الله في دبي والامارات عموما.
بلادنا ماشاءالله عليها حلوة وأكثر شيء فيها المولات والمطاعم خاصة دبي ، والشارقة حلوة أيضا هذا بالنسبة للتسوق ، أما بالنسبة للرحلات أنصحج بالفجيرة وخورفكان ودبا مناطق جبلية حلوة وجوها حلو ولايفوتج!
الصراحة في مشروع في دبي عن الالعاب بس بعده ماكتمل ، ولكن في ويندر لاند في دبي بجانب قرية البوم السياحية وانشاءالله يعجبكم !
حبيبتي إنت تعالي دبي وكل شي بيكون سهل
في فنادق مافيها خمور ، اللي أعرفه فندق تاج بالاس
وسمعت عن فنادق اخرى يمكن الاخوات يعرفونها
مول الامارات اكبر مول وفي ناس تنزل في الفندق التابع له
وتكتفي بالتسوق منه فقط ، وهو كبير وكل شي فيه وفيه التزحلق على الجليد بعد
بس اذا جاية اول مرة لا تنزلين فيه لانه بعيد عن بقية المولات
من المولات الجديدة فستفال ستي ، حلو كثير وخفيف عالقلب
الستي سنتر كبير وحلو بس الماركات مش متوفرة فيه ، برجمان فيه ماركات كثير
المهم ما في داعي تسئلين ، إنت تعالي وكل شي سهل وأكثر من السهل
وعن الغلا فهو عالمي ومو بس في دبي ، لانه حتى الماركات كلها ارتفع سعرها
أهلا وسهلا بج ، ومرحبا ملايييييييييييييييييييين
بس أمانة ، ادعي لدبي وأهل دبي ، ترى دبي غير ، وأهلها غير .
تسلمون حبيباتي الله يعطيكم العافيه وماقصرتم الله يجزاكم خير ويجزاكم ربي بالجنه
حياج الله الورده الصغيره في بلدج الثانية.
انا متأكده انج بتحبين الامارات وااااايد وين مارحتي فيها سواء دبي بوظبي الشارجة ...الخ
بس اكثر امارة سياحية أكييييد دبي لتعدد أماكنها ومعظم الاماكن فيها مراكز تجارية طبعا
بس أنصحج اتيين بسرعة لأن الجو الحين لطيف وشكله ولله العلم أن بندخل بالحر قريييب.
فالافضل اتيين الحين وتستمتعين بالجو لان اكيد بتغيرون وبتقعدون يوم برا مو كله داخل السناتر.
بس لازم تمرين على العاصمة الجميلة بوظبي.
والاماكن المتوفرة في بوظبي : المارينا مول، أبوظبي مول، الوحده مول، الخالدية مول وهذا أحدث السانتر في بوظبي. ولاتنسين كورنيش بوظبي الجميل .
أتمنى لج إقامة سعيده حبيبتي واي استفسار نحن حاضرين
الروابط المفضلة