اهلين بنات كيفكم
انا كنت مشاركه قبل كذا عن مشوره ان اخذ بنتي معي ولا لأ
و الكل رد علي بالرفض اني اخذها معي ومع كذا استخرت وسويت قرعة وكلها جت معي برضو اني ما اخذها
لكن الحين خلاص قررت اخذها
والحين الله يخليكم اللي عندها خبره في المعامله مع الاطفال في السفر عمر سنه ونص و ايش الاغراض اللي اخذها معي لان البلد شوي باردة
وشكرا

السلام عليكم

اخيتي جوجو اولا ان شاء الله تروحوا و تردوا بالسلامه

عمر سنه و نص الله يعينك عليه اذا كانت رحلتكم طويلة

طيب نجي للمهم
شو بتاخذي وياك للطايره
غيارين او ثلاثه داخليه و بدلتين او ثلاثه خارجيه
و اكيييد دام البلاد اللي رايحه لها بارده اذا اكيييد ملابس داخليه ثقيلة و فوقها جاكيت طبعا اثنين يكون افضل لزوم الزنقه و حركات العيال هههههه
اكييييد شراريب سميكه شوييتين و جواتي بتكون اكبر عن مقاسها العادي
انا في هالحالات اخذ وياي بيجامه لاجل اذا قرب وقت النوم اغير ملابسهم و يناموا مرتاحيين خصوصا في الرحلات الطويله.
بامبرز كثر ماتقدري (حطي في بالج اسوء الاحتمالات)
مناديل معطره عاديه و لتغيير الحفاض تكرمي شي احجام صغيره للسفر
صديريات2 لزوم الاكل و العفيسه
اكييييد عصير و حليب ووجبات للاطفال خفيفه بسكوتات وماشابه

قصه تقرينها لها او كتاب تلوين و لعبه او لعبتين علشان تخلي بنوتتك ما تمل من الطايره و تخليها مشغوووله اطول فترة ممكنه علشان ما تخليك
طيب نزلتوا من الطايره شو بتحتاجي؟
طبعا عربانه لانها بتتعب من المشي و انتو بتتعبوا من حملها
غطا للراس
الجاكيتات اللي اخذتها وياك جا دورها الحين و الملابس السميكه بس ها تعالي بقولج شي مهم
ترى احيانا يكون الجو متقلب في البلاد البارده يعني شوي دافي و شوي بارد انتبهي لهالنقطه يعني خذي ملابس نص نص بعد للاحتياط
بعد خذي ماعرف شو اسمه بس اللي تربطي الطفل به يعني تربطينه بايدك و يد الطفل علشان اذا ملت من العربانه و تبى تركض ما تروح بعيد عنكم
اكيد الوجبات الغذائيه و العصاير مهمه لها في الطلعات و ـاكدي من انها خذت قسط من النوم كافي لانها اذا ما رقدت عدل راح تحوووووس قشكم حووووس ما بعده
ترى الصعار الله يحفظهم ما يهمهم كبير ولا صغير اذا كانوا جواعا ولا مو نايمين عدل و الله الصووووت وانتو بكبفكم عاد هههههههههه

نعم يا غاليه بعد خذي ادويه بسيطه يعني
خافض للحراره و دوا للسعال و مقياس حراره تحاميل للحرارة تكرمي
واذا البلاد تحتاج تطعيم بعد لا تنسونه
فازلين و كريم للحفاض تكرمي

هذا الذي يحضرني حاليا و اذا تذكرت شي ثاني ان شاء الله بقولك عليه


تعالي
اكيييييييييييييييييييييييييد لا تنسوا كاميرة الفيديو لانها راح تصور لكم ذكريات ما تنسى يا غاليه.
و سفرة موفقه كلها فايده و متعه ان شاء الله.

الف الف الف شكر يا اختي بنت العمودي على النصائح اللي عطيتينياها
والله يعينني عليها لانها عنيده شوي

السلام عليكم


الشكر لله يا اختي و بارك الله فيك

يعني استخرت واقترعت وسألت وكلش يقول ما تخذينها وفي النهاية القرار يكون انك تاخذيها !!!

صدق من قال حريم

المهم يا ستي رحلة سعيدة ولا تنسي التقرير هذا اهم شي

اما بالنسبة لايش تاخذي معك فـالاخت بنت العمودي جزاها الله خير ماقصرت ،، اما انا فالخبرة معدومة كما تعرفين لكن اتمنى لك رحلة سعيدة ونزهة ممتعة




ّ