السلام عليكم ورحمة الله
أقدم لكم اليوم رحلة (دودي وبس) الى الطائف وأعتذر عن تأخري في وضع الرحله وذلك لظروف خاصه
كتبت بواسطة دودي وبس
بسم الله الرحمن الرحيم
السلام عليكم ورحمة الله وبركاته
نبــــــدأ رحلتنا من بيتنا
بعد مشاورات ومناوشات قررنا إننا نروووح للطااايف ..وتخطيطنا كان نحنا وبيت أخووي وبيت أختي وبناااتنا ماشاء الله كثيير يعني لمممه ووناااسه
تغييير جوو
المهم .. جهزنا شنطنا وركبنا السيااارت
وأتجهنا للطايف .. الطريق كان دافي ..
فهي تبعد عن جده مسافة أقل من 200 كيلو حوالي ساعتين ..
ساعه ونصف الطريق ونصف ساعه للعقبه ..
وهذه بعض الصور من العقبه .. تمشي والسحاب يمشي جمبك
طبعاً أول مانطلع العقبه يتغير الجوو 180 درجه
يعني من حراره لبرووده حلوووه
أول ماسويناه جلسنا ندووووور على سكن نرتاااااح فيه .. بعد البحث الذي دااام 4 ساعات لقينا خييييمه صغيييره تلمنا من عنااء الطريييق << ولا حق اللفلفه
وعلى طوول والله ماطالعت الطريق ولا شكل الخييمه ولااا شي من هذا حطيت رااسي ع الأرض ونمممممممت صحوني ع الفطوور وفطرنااا
وبعدها راحوا الرجال يدوروون لبيت نسكن فيه ولقووو السكن في درة الشفا المكون من غرفتين وحوووش وحمامين ومطبخ " أحلى مافي البيت الحوووش "
خاارج النص >>>
ومن الأشياء اللي تتميز فيها الشفا .. البرشومي " التين الشوكي .
فهو موجود بكثره وموسمه في الصيف .. وأيضاً يكثر الرمان في أواخر الصيف فيهاا ..
وطلعنا للشفا " منتجع سياحي على ضواحي الطايف " ويكون أبرد من الطايف وروووعه الجلسه فيه ..
فهوو يتميز بالهدووووء والجوو الخيااال .. " اللي يحب الحرركه يسكن بالطايف واللي يحب الهدوووء يسكن بالشفااا
وسعرها 400 ريال لليله وحده " درة الشفاا "
بعد ما أسترحنا بعد العصر تغدينا في البيت ..
وقبل المغرب على طووووول على السياااره
وأتجهنا من الشفا للطايف .. وصلينا المغرب في مسجد كبيير " عبدالله بن العبااس " وأنتظرنا في المسجد وراحو الرجال يكملواا أغرااض الرحله وصلينا العشا فنفس المسجد ..
وبعد ماصلينا العشا توجهنا لمنتزه " الردف " قريب من الطايف مررره .. فيه جلساات ودبابات وخيوول وجماال << أنوااع الإزعااج
وأخذنا السحلب والبطاطس وجلسنا أحلى جلسه بس المزعج أصواااات الدبابات ..
وبعد طلعنا على السكن من الردف للشفااااا .. وطبعاً طووووول الطريق الجو بااااااارد ومنعش
دخلنا البيت سمرناااا للسااعه وحد ونص
وفي اليوم التالي من الصباااااااح بعد صلاة الفجر نزلنا الحووووش في البررررد والبنااات كللهم .. واللي شرب شااي واللي شرب نسكافييه ..ومسكنا المجلااات << جلسه ثقافيه
وكان نفسنا نطلع نلعب في المراجيح بس ممنووع من سلووومي
وطبعاً لا يخفى عليكم جو الصباااح والشروووق إش يسوي
وفطرنا وتغدينا بالبييت بس كاانت أرووع جلسه في الجوووو ..
وبعد العصر توجهنا لحديقة الحيوااان .. شفنا الحيوانات كللللهااا سبحاان الله ..
وفيها صراااحه تطووور وإهتمااام وتقدم في الخدماات .. وفيها عرووض الثعابين .. وعالم الديناصورات .. وعروض الأقزام ..
بس خيرونا بين عروض الثعابين وعالم الديناصورات .. وأختلفنا أحد يبا هذا وأحد يبا ذاااك .. بس أتفقواا على عالم الديناصورات ..
كان عبارة عن صااله كبيييره مجهزه بشااشة عرض سنمائي يبين لك مراحل وحياة الديناصورات .. كان العرض جداً رااائع ومتعوب علييه ..
وبعد ماخلص العرض رحنا للصاله الثانيه فيها مجسمات لديناصورات كبيييييره وقدام كل مجسم عرض مفصل عنه .. صورت لكم بعض منها ..
وبعد صلاة العشا بدأت رحله العووده للبيت .. <<< كانت ممتعه للغااايه
وسمرنا ذييك الليله على قصه أختي حكتنا هي كانت روووعه ونمنااااا
واليوم الثالث صحينا الصباح بعد الفجر وكالعاااده ع الحووووش
وفطرنا وبعد صلاة الظهر طلعنا من الشفااا للطااايف وتغدينا فحديقة الرمااانه من مطعم " بيت الطيباات " << تغدينا منه يوميين أكله لزييييز
وبعد ماصلينا المغرب مشينا بالسيااره للسووووق " تغيرت الأسوااااق عندهم كثيييييييييييير .. صارت عندهم ماركاات وحركااات ...
وصلينا العشاا ورحنااا منطقه وااااااااسعه وظلللللمه بس فيها ضووو القمررر <<< أم الرومنسيييه
ومشيييييييييينا ع ضوو القمررر
ورجعنا البيييت نمناااا ..
واليووم الرااابع .. بعد الفجر كاااان الجووو خياااااااااااااااااااااااال
اللي كااان صااحي أخذه أخوووي وطلعووا للطااايف فطرووا فمطعم " القرمووشي " فوول ومعصووب وتميييز يممممممممم " << طبعاً أناا معااهم
ونحنا راجعيين مريينا ع السوووق شرينا شوووزي
ورجعنا للبيت نمنااااا ..
بعد الظهر تغدينا بالبيييت .. وتتخلله أعماال نظاافه في البييت ..
وبعد العصر رحناااااا اااااااه .. الملاااااااااااااااهييي
حديقة الملك فهد .. لعبا لماااااا شبعنااا مرررررررررررره كاان وناااسه ..
وكان عندهم مهرجان التسووق مشاركه فيه .. سوريا وباكسان والصين ودوله رابع ناسيتهم .. مررره عجبني ..
عجبني أكثر اللبس الصيييني ..
ولعبنا في الكبييييره اللي تدوووور تشوفي منها الملااهي كلللها << قلة ولف بعيد عنكم
وقعدنا فيها لمااا بعد صلاة العشااا .. أخذنا عشانا من عندهم " فطااير "
وطلعناااا للبييييت ..
واليوم الخاامس صحيينا جهزنا أغراااضنا ونظفنااااه أحسن من مادلخنا علييه .. وصلينا الظهر وسلمنا البييت لصااحبه وسريييينااااا
لمنتزه السواااط وركبناا العرباات المعلقه على الطااايف تغدينا فحديقة الرماانه ..
واتجهنااا على جـــــــــده
ووصلنا البييييت الحمد لله على سلامتنا
كانت مدة الرحله خمسة أيام .. صح قلييله لكن إستمتعنا في كثييييير
ااااااه تعبت ياااويلكم لو ماتفوزووني اتمنى تعجبكم الرحله وان شاء الله نشوفك يادودي معانا هنا لتشاهدي رحلتك
الروابط المفضلة