السلام عليكم

عندي استفسار بسيط ياجماعه وودي احد يساعدني فيه

ناويين نروح هالاجازه لماليزيا انشاء الله لأول مره
وعلى اساس نحجز ومعتمدين علي

بس احنا تقريبا عائله كبيره عددنا 15 ....مشاء الله
ابغى اعرف ايش هي الخطوط الأرخص لاننا بناخذ نص الطياره
سمعت ان الخطوط الاماراتيه ارخص من السعوديه
وسمعت كمان ان الخطوط السرلنكيه هي الارخص

حاولت ادور عن الأسعار عن طريق الانترنت بس ماعرفت ابدا
فياريت اللي يعرف منكم يفيدني بأسرع وقت
وشكرا

من الافضل لكم انكم تنسقون مع مكتب سياحي يحجزلكم لان في الفنادق ممكن يقولون ان الغرف كلها مليانة و بعدين تتورطونو حتى حجوزات الطيارات راح يعطيكم افضل الحلول و بين لكم افضل الاسعار على حسب ميزانيتكم
الاماراتية نفس سعر السعودية و السرلانكية خدماتها سيئة للغاية
و لاتطلعو على القطرية لان معاملتهم مرة سيئة مع العرب و المسلمين لان اغلب الطاقم هندوس او بوذيين و اكلهم ما يتبلع
الماليزية حلوة بس اسعارها زي السعودية و امكن اغلى شوية
بس ما اعرف اكثر من كده

يقولون ان ارخص طيران هو الخطوط القطرية و الإتحاد

و رحلة موفقة
استمتعي في ماليزيا بلد الجمال

الافضل تسألين مكاتب الطيران وهم بقولولك
سويلهم تيلفون ما يحتاج انك تروحين
واستفسري عند مكاتب السياحة عن العروض اللي يسونها
يكون عروضهم وايد زينه شاملة التذاكر والسكن

ما في احسن من الخطوط القطريه والله يوفقكم