الله يبارك فيك مشكورة علي الهدرزه الحلوه وانشاالله معارف خير وانا واخيتك في حب الاكل الزمني عندي رشته حاره خير من كل شي واللوسه خليها برواحها بصراحعزوزتي ديما ثبعتلي فيها وانشوفك مرة ثانيه علي خيره بارك فيها
علي ا لعموم البلاد اللي انا لقيت فلفل احمر مبلبل يابس بس مرحي وكذلك البصل ونبي نعرف شنو صار معك سسسسسسسسسسسسسلام

السلام عليكم ورحمة الله وبركاته

كيف حالك اليوم ؟ أهو جيت أمس درت دورة وطلعت ما وليتش

وتسألى يا حلوة إلا الموضوع عجبنى ونص ، وحكاية الفلفل الأحمر

خليتهالنا فى الرقبة ؟؟؟؟؟؟؟؟؟؟؟

غر شن صار ؟ ذكرتينا فى المسلسلات زمان أيام الله لا يردها

أما حكاية الأسعار خليها ف سرك الفلفل نار ومسمار والله خاطرى

نشرى خضيرة ونشم صنتها لا صنة ولا بنة كله مجمد وحتى الطازة

يا ودى ما ريتله ، يقولوا طازة وهما جايبينه قداش ليه

الحمدلله على كل حال

هيا تعالى وكملى شن طلع الفلفل فلفل ولا ؟؟؟؟؟؟؟؟؟؟؟

إيمان صار طلعتى طرابلسية بالولادة حتى أنى زيك من مواليد طرابلس

حقه نسيت يا رواد أنى ما نعرفش ندير اللوسة وخاطرى بنتعلمها فهل تعلميننى يا أستاذة ؟

أم عمر كيف حالك وينك مش باينة تعالينا الملف يبى مشجعين نستناك يا حلوة

السلام عليكم و رحمة الله و بركاته

الاخ الفاضل سمو المجد ...شكرا لتفضلك بارتياد الموضوع ...

ليبيا تعتبر بلدا مصدرا للنفط , و تعتمد اعتمادا يكاد يكون كليا عليه ,
فهى ليست بلدا سياحيا . و من هنا يأتى السبب فى ان الكثيرين جدا لا يعرفونه.

حيث ان البلدان السياحيه , كمصر و المغرب و تونس , معروفة من خلال التعريف الدعائى بها. فالسياحة تمثل دخل قومى لهذه البلدان.

و لهذا لا استغرب ان ان يربط الكثيرين ليبيا بشريط (عمر المختار) الذى يمثل جزءا بسيطا
من تاريخ الجهاد الليبى ,
الذى افنيت فيه مدن بكاملها قبل ان يطأ الاستعمار الايطالى اراضيها.

شريط عمر المختار كان –تقريبا- العمل العربى الوحيد الذى قدم ليبيا الى العالم.
لهذا السبب ارتبط اسم ليبيا به بدلا ان يكون العكس.


ويجب ا لا ننسى هنا (الفن) ,الذى قدم بلدانا كثيرة للعالم – كمصر و تونس مثلا.

و لان ليبيا بلدا تغلب عليها مظاهر التدين و المحافظة ,

( فالليبيون ينظرون نظرة استهجان شديدة لهذا القطاع . و بل و للاعلاميين ايضا)

.فتجد ان ليبيا بلدا يفتقر لهذه النشاطات و الحمد لله.


سازور موضوعك قريبا .. و ستكون زيارتى مفيدة ان شاء الله.... فقط اعطنى الوقت الكافى.

شكرا مرة اخرى على تشريفك .. و عاودها مرة تانية.
و فى الختام اود ان اذكرك بان اسمى ....رواد ,, و ليس روان ,

السلام عليكم و رحمة الله و بركاته

وينك يارواد معادش رديتي علينا والله شكله زاي مقالت مغتربة تبي اديري زاي الاذاعة الليبيه ايام زمان تبعي فيها المسلسل وبعدين يخلوك تفكري زعم شني النهايه وانتي يامغتربة تقولي وينك انا خشيت عندك قبل مانجي هنا غير شورك صايمه ودايخا شفتي هنا وماشفتيش ملفك اصلا اول مانخش موقع لك نمشي طول ليك وندير دورة اصلا مانستغنوش عليكي يامغتربة توا درت يدي مع يدك علي خاطر اوخيتنا الحبوبه رواد اللي بصراحه خلتنا متشوقين زعما صار منها اللوسه والا هي تطلع تحلم ربي يستر وانشاالله نعرفوا النهايه من اختنا رواد

السلام عليكم و رحمة الله و بركاته

كيف حالك يا ام بلال ... بصراحة اول ما حطيت الموضوع فكرت فيك .

انى نعتبر فيك نصف ليبيه راهو ..

تعرفى .. انى لى صديقة فلسطينية تقيم هى و عائلتها فى ليبيا من زمن طويل ..

حتى انهم يتكلموا و ياكلوا ليبي فى ليبى .. كانت تشتغل معى فى ليبيا ,

و بعد ان تزوجت ذهبت الى امريكا و عائلتها بعد ذلك بكم سنة رجعوا لفلسطين .

مرة و انا اكلمها (انا من بريطانيا و هى من امريكا) قالتلى امى حابة تحكى معاك .

مسكينة قعدت المرا تبكى و تذكر فى السنوات اللى عاشتها فى ليبيا و الجيران و الشوارع .

. تصورى بكتنى معاها .. مع انها اول مرة نتكلموا مع بعض.

الحقيقة .. واجهتنى مشكلة .. و هى ان انسب المنتديات للموضوع هو منتدى الاخاء و الترحيب.

لكن اغلب الاعضاء (و انا منهم ) يعتبروا ان هذا النتدى متخصص ى الترحيب بالاعضاء الجدد و الالعاب .

المشكلة ان الموضوع ضاع فى الكم الهائل من الالعاب و المنتسبين الجدد للمنتدى ما شاء الله .

و لكن ساحاول جاهدة ان استمر فيه , او اجد مخرجا لطيفا .

هيا السلام عليكم توا

السلام عليكم و رحمة الله و بركاته

كيف حالك يا مغتربة .. منورة زى العادة ..

بالله بنسالك على ام دنو .. زعما وين مغطسة ؟ ان شاء الله المانع خير.

هيا تعالى وكملى شن طلع الفلفل فلفل ولا ؟؟؟؟؟؟؟؟؟؟؟

صبرك بالله .. ان شاء الله باقى القصة فى الطريق.

حقه نسيت يا رواد أنى ما نعرفش ندير اللوسة وخاطرى بنتعلمها فهل تعلميننى يا أستاذة

يا ستى شكرا .. خليتينى استاذة مرة واحدة .. ؟؟؟؟؟؟؟؟؟؟؟؟؟

على فكرة الغرض من القصة هى التشويق و الاثارة و بعدين طريقة اللوسة فى الاخير.

باهى توا ؟ خليتينى كشفت السر ؟؟؟؟؟؟؟؟

غير تابعى الموضوع و ما تلقى الا اللىيسرك بأذن الله تعالى

السلام عليكم

و فى الختام اود ان اذكرك بان اسمى ....رواد ,, و ليس روان ,

لاحول ولا قوة الا بالله العلي العظيم ... جل من لا يسهى

معذرة كل المعذرة
(السيدة رواد)
أخيك

السلام عليكم و رحمة الله و بركاته
كيف حالك يا ام عمر .. و كيف حال عمر و ابوه .. و العويله كلهم . ان شاء الله بخير.
يا وخيتى انى قاعدة .. غير ما نقدرش انرد على الكل مرة واحدة . يا وخيتى عندى صغارى صغيرين .
ما نقدرش اندير حاجة متواصلة ابدا . الا اذا رقدوا او ابوهم موجود ايرد باله منهم.
هذا علاش انعطل شوية .
لكن زى ما قلت للمغتربة .....ان شاء الله انواصل الموضوع .
شكرا لتشجيعك و ديما طلى علينا خلى انهذرزوا و نوسعوا خواطرنا.
هيا السلام عليكم

كتبت بواسطة RAWAD

السلام عليكم و رحمة الله و بركاته
كيف حالك يا مغتربة .. منورة زى العادة ..
بالله بنسالك على ام دنو .. زعما وين مغطسة ؟ ان شاء الله المانع خير.


صبرك بالله .. ان شاء الله باقى القصة فى الطريق.

يا ستى شكرا .. خليتينى استاذة مرة واحدة .. ؟؟؟؟؟؟؟؟؟؟؟؟؟
على فكرة الغرض من القصة هى التشويق و الاثارة و بعدين طريقة اللوسة فى الاخير.
باهى توا ؟ خليتينى كشفت السر ؟؟؟؟؟؟؟؟
غير تابعى الموضوع و ما تلقى الا اللىيسرك بأذن الله تعالى
السلام عليكم

وعليكم السلام ورحمة الله وبركاته

أهلين إنت اللى منورة ، أم دنو مخلية مكانها بس عندى إحساس يقولى إنها ما تبيش تدخل النت فى الفترى هذه

الصراحة حتى انى بنوض توا ياسر شكلى عطلت لازم نرقدوا توا باش نصحوا بكرى

وأهو نستنوا فى الحكاية غضوة إن شاءالله تعالى نشوفك

مع السلامة

السلام عليكم و رحمة الله و بركاته ..
انتى هنى و انى انرد عليك فى موضوعك غادى .
شوفى توارد الخواطر

الصراحة حتى انى بنوض توا ياسر شكلى عطلت لازم نرقدوا توا باش نصحوا بكرى

صحه ليكم ترقدوا بكرى
انى نرقد الساعة واحد و نصف كل يوم و انوض الساعة اربعة للقيام ان شاء الله .
و تصورى .. ما نحصلش غفضة نوم فى وسط النهار.. الحمد لله