بسم الله الرحمن الرحيم
يا بنات عندي لكم موضوع حلو
وهو التوفير طوال السنة عشان السفر بالصيف انا طرت على بالي الفكرة
يوم قلت لزوجي خلنا نسافر السنة لأن لنا خمس سنين ما سافرنا
وكان ردة كالعادة ميزانيتنا ما تسمح
السفر يبيلة مصاريف والغلا في كل مكان
وهذا يعني ان صيفنا راح يكون ببيتنا sid
اكيد الحين ودكم تعرفون وشي الفكرة
الفكرة اني قررت اسوي حصالة وجبت كرتون صغيرون وغلفتة وزينتة وسويت فية فتحة صغيرونة وقررت اني من يومها كل ما فكرت اشتري شيء من الكماليات ويكون مهوب ضروري احط قيمتة بالحصالة واتفقت مع زوجي انة يسوي نفس الشيء وضحك علي
وقالي اجل كل يوم بيدخل بالحصالة ريالين واحد بالظهر والثاني بالليل
قلتلة ليش قال حقت البيبسي الي اشربة اما الباقي فأنا ما اشتري الا الأشياء الضرورية...قلت بنفسي ما يخالف بشوف يمكن انا اكون مسرفة وانا ما ادري وبيني وبينكم اول مبلغ دخل الحصالة مني كان الف ريال
كنت بشتري فية فستان لعرس وقلت ما يحتاج البس احد فساتيني اللي عندي والله يسهل زوجي استانس مني واجد
ووعدني ان كل شهر بيحط 500 ريال يوم شاف اني جادة
والحين المشروع في بدايتة وش رائيكم بالفكرة راح تستمر وتكون ناجحة بأذن الله والا عندكم رأي ثاني ياليت تشاركوني وخصوصا ان كثير من زميلاتي يعانون من نفس المشكلة وهي الميزانية لا تسمح .
طبعا حنا اتفقنا ان الميزانية اخر السنة تحدد المكان الي نروحلة وانا ما نفتح الصندوق ابدا الا في حالة طارئة لا سمح الله .....واحب ابشركم ان زوجي الحين تحمس اكثر مني للموضوع......
في امان الكريم حبيباتي جعل ايامكم كلها سعادة وهناء.
اختكم شقراوية
الروابط المفضلة