تقوم رايح على هناك ، مين ده ؟ +مشاهدة مباشرة للدكتور محمد الغليظ


https://www.facebook.com/kaaba1/videos/472427759594188/

تقوم رايح على هناك ، مين ده ؟
ده النبى "صلى الله عليه وسلم "
ترى النبى "صلى الله عليه وسلم " تشوفه كده
والناس متجمعة حواليه وتمسك إيده وتقبلها و تمسك رجله و تقبلها
وتحضنه وتقوله أنا بحبك
انك تشوفه "صلى الله عليه وسلم " قدامك وتقوله
أنا بحبك أوى ، بحبك أوى
وتقبل إيده وتقبل قدمه ، بجد يا رسول الله انا كنت بحبك أوى
أنا كنت بحبك اوى، انا كنت مقصر أه ف سنتك بس كنت بحبك اوى ، أنا ما كنتش بعمل زيك بس أقسم بالله كنت بحبك أوى
كان نفسى ان انا احشر معاك كان نفسى انى اكون معاك ف المنزلة
كنت بسمع ربيعة وهو بيقول "أسألك مرافقتك ف الجنة"
مكنتش أعرف ان هييجى اليوم اللى اشوفك فيه
ونبقى واقفين احنا الاتنين ف الجنة ف مكان واحد ، وتاخده بالحضن كده ، وتقعد تتكلم معاه ، تمسكه تمشى بيه تقوله عايز أتمشى معاك ، قولى قولى حاجة احكيلى عن أي حاجة
نفسى اسمع صوتك ، ممكن تصلى بينا طيب
سمعنى القرآن ، إعمل أى حاجة ، أنا بحبك
بالله عليك مش مشتاق لمشهد زى ده ، انك تتكلم مع النبى " صلي الله عليه وسلم " وتقوله كده يارسول الله احكيلى غزوة بدر
بلاش بدر بلاش بدر ، احكيلى عن صحبة أبو بكر ليك ونصرته ليك
يقولك انت شوفته
- لالا انا شوفت عمر الفاروق يااااه
- يا أبو بكر تعالي
ييجى سيدنا أبو بكر الصديق وييجى يقعد
آآآه"" ثَانِيَ اثْنَيْنِ إِذْ هُمَا فِي الْغَارِ"""
- بالله عليكم احكولى ايه اللى حصل ف اليوم ده
والنبى بقى يحكيلك "صلى الله عليه وسلم " و هما ماشيين والناس بيطاردوهم وطلعوا الغار وقعدوا وأبو بكر الصديق "رضى الله عنه " بيقطع هدومه عشان خاطر يسد الجحور اللى موجوده ف الغار، خايف ع النبى "صلى الله عليه وسلم "يتأذى
وهو ف ابهى حلة و ف اجمل حلة
وهو ف الدنيا كان بيقطع نفسه عشان النبى "صلى الله عليه وسلم "
فربنا ابدله خير لما عرف ونعرف ان ربنا لا يضيع أجر من أحسن عملا أبدا أبدا
وتفضل تتكلم معاه وإيه اللى حصل وتتكلم مع النبى "صلي الله عليه وسلم " وتقوله كان المفروض أعمل إيه يا رسول الله اما اكون ماشى ف الدنيا وفيه فتن وفيه مشاكل وفيه بنات متبرجات
- أعمل إيه ؟؟
هيقولك كان لازم تغض بصرك ، كان لازم تقف رقفة رجالة كان لازم تنصر دينى كان لازم تنصرني وتنصر شرعى ، كان لازم تنصر الرسالة اللي انا جيت بيها
إوعى تكون قصرت
ف توطي كده وتقول "قصرت ، قصرت"
بس خلاص أنا دخلت الجنة يعنى
سبحان الله
عليكم مشهد زي ده ما يستحقش ان احنا نشد على نفسنا شوية
ما يستحقش ان احنا نقطع نفسينا عشان ندخل الجنة
عشان تقعد تتكلم مع أبو بكر وعثمان وعلي وعمر
مع سيدنا موسى وسيدنا عيسى وسيدنا محمد "صلى الله علية وسلم "
عشان تقف ع المنبر وتكلم ربنا وتسمعه ويسمعك
ما يستحقش بالله عليكم
عايزين نتغير ياشباب عايزين نمشى للجنة أسرع
للمزيد
https://www.youtube.com/user/amoona4eslam/playlists وهنا أيضا https://archive.org/details/@way_twba