السلام عليكم ورحمه الله وبركاته
بنات انا محتجاكم الله يبارك لكم
انا بضيع انا بنهار بخسر دنيتى واخرتى
انا يا بنات والحمد لله بتقى الله جدا جدا خايفه من الموت الحمد لله مش بغتاب حد بحاول اتبع كل الفروض والسنن
بتقى الله والله فى كل شئ عملى وجوزى
بس ينقصنى اهم شئ واقوى شئ عماد الدين ينقصنى الصلاه انا مش بصلى ايام اصلى فيها واقول انا خلاص مش هقطع الصلاه تانى
وايام تانيه اسمع الاذان وقلبى يتقطع نفسى اقوم اصلى ومعرفش ايه يبعدنى
بنات عاوزة منكم 3 طلبات للى بجد عايزة تساعدنى وتدخل الجنه بى اكيد لها اجرها عند لله
اول طلب الدعاء لى بظهر الغيب وبنيه صافيه ان يهدينى الله ويردنى اليه ردا عزيزا حميدا
ثانى طلب انكم تساعدونى بس ياريت مش بالكلام لانى معنديش شك فى اهميه الصلاه بس عايزة المساعده تكون اقوى من كده عشان فعلا مسبش الصلاه ابدا
ثالث طلب لو فى دروس مؤثره جدا عن الصلاه ياريت تبعتوها لى كنت سمعت عن دروس للشيخ حازم شومان عن الصلاه عرفت انها قويه جدا
جعلها الله فى ميزان حسناتكم جميعا
منتظره من القلوب العامره بحب الله ان يساعدوننى
الروابط المفضلة