عايزة تقومي الليل تعالي أقولك (طريقتي في قيام الليل )

[bero333]

ازيك يا بنات
كل عام و انتم بخير

انا النهاردة جبت لكم طريقتي في قيام الليل ياااااااااااااااااااارب تنفع اي حد
طبعا الطريقة مش في الصلاة نفسها بس هي خطوات انا بأعملها عشان أقدر أحافظ علي قيام الليل وناخد أجره و ثوابه
ياللا مش هأطول في المقدمة
ندخل في الموضوع علي طوووووووووووووول
بسم الله الرحمن الرحيم

أول حاجة بقي يا بنات بأبدأ من الصبح
ايوة من بالنهار
مش انتي لما يكون عندك ميعاد بالليل او ضيوف او حفل زفاف او حتي هروجة بتجهزي لها من الصبح؟
طيب ده أحلي ميعاد في الدنيا
طيب بأعمل ايه بقي؟
أول حاجة يا ستي انتي و هي
أخد معايا موبايلي او لاب توبي مكاننا المفضل ( المطبخ طبعا ) و هوووووووووووووووب علي اليوتيوب
و أسمع محاضرات دينية عن كذا حاجة تحرك القلب كده و تخليني اشتاق بس بصراحة عن حاجات تعلي الهمة
يعني حسن الخاتمة
علي خطي الحبيب للدكتور عمرو خالد اسمع كل يوم حلقة او اكتر طبعا سيرة الرسول عليه أفضل الصلاة و السلام بتهز اي قلب
ممكن قرآن
ممكن اسمع تفسير سورة معينة من شيخ أحب طريقته و تكون هي دي اللي اقوم بيها الليل
و ممكن و اا قاعدة مع مؤمن بيعمل الواجب اقرا انا في كتاب حلو زي
روائع التابعين او حسن الخاتمة

خلاص ده بالنهار
نيجي بقي لوقت اللقاء نفسه
ساعات بأكون صاحية اساسامع كتاكيتي و ساعات بأكون نمت
عموما بأبدأ قبل الفجر بساعة
أعمل ايه بقي؟
ركزي كده بقي

أول حاجة اروح علي المطبخ أعمل ماج النيسكافيه المحترم عشان ابقي فايقة كده مش منعوسة و بأنام علي روحي
, انا بأعمل ده بأشغل بردو اليوتيوب علي محاضرات قصيرة مقتطفات يعني عن قيام الليل عشان اشحن بطارية همتي



ازازة مية حلوة كده

مصحفي و سبحتي

و المصحف يا بنات بقي عندي شوية كلام عليه
ده أغلي كتاب عندنا
شوفي بقي خلي مصحف للقيام قصدي تصلي بيه و انتي ماسكاه ادهنيه شوية عطر بتحبيه مسك او حتي برفانك اللي بتحبيه و جلديه ايوة فيه جلاد جديد شفاف بيحافظ عليه
و السبحة كمان حطي نقطة عطر في ايدك و ادهنيها بيها
بعد كده جهزي بقي مكان صلاتك
سجادتك مغسولة زي الفل و معطرة طبعا بعطر هادي رقيق


طيب خلاص كده؟ تمام
روحي بقي علي التواليت
ايوة ما تبصيليش كده هههههههههههههههههههه عشان مفيش حاجة تقاطعك و انتي بتصلي
مش قبل ما تخرجي بتحرصي انك تدخلي التواليت؟ طيب بتبصي لي كده ليه بقي هههههههههههه
المهم
تغسلي وشك باللوشن بتاعك و سنانك بالفرشاة و المعجون أو السواك براحتك
انتي متفاجئة ليه؟
انتي رايحة تقفي بين ايدين ملك الملوك و الملائكة هتكون حواليكي
ياللا بقي اتوضي بمية ساقعة


ايوة عشان تفوقي كده و تنعنشي
و روحي بقي البسي اسدالك النضيف انا بأخلي واحد مخصوص للقيام اصل ده لقاء غير عادي

و حطي شوية برفان بقي كده و سمي الله و ابداي بالصلاة
اختاري سور تكوني بتحبيها
ولو عايزة مني اقتراحات
سور
مريم
يوسف
يس
النجم
القمر
المدثر
المزمل

و طبعا تغيري بقي كل يوم و طبعا مش هتصلي بكلهم

انا عارفة اني رغيت كتير بس كل ده مش هياخد غير ربع ساعة
المهم
تعبتي بقي و عايزة ترتاحي بين الركعات ؟
حلو اوي
سبحتك جنبك اهي
هاتيها و ابدأي باذكار جديدة يعني غير اللي بنقولها بعد الصلاة
سبحان الله و الحمد لله و لا اله الا الله و الله أكبر
قولي بقي انتي
لا حول و لا قوة الا بالله
لا اله الا انت سبحانك اني كنت من الظالمين
سبحان الله و بحمده سبحان الله العظيم

و هكذا عشان تلاقي في كتابك يوم القيامة باذن الله كل أنواع الاذكار

المهم أذن الفجر ؟
ياللا صلاة الفجر و ما تنسيش ركعتي الفجر


و الفجر طبعا (اضافة جامدة صح؟ هههههههههههههههههههههههه)
طيب خلصتي
تعبتي؟
هتنامي ؟
حلو علي السرير يا بطة و قولي اذكار الصباح و نااااااااامي نوم العافية يا جميلة

انتي بقي ما تعبتيش و النسكافيه عمل عمايله و صاحية و فايقة شطورة
تعالي اقولك نعمل ايه
حاجة من اتنين :
يا تقري قرآن و تذكري ربنا
يا تقومي زي القمر كده علي المطبخ و تجهزي للغدا لأن حضرتك هتنامي الضهر طبعا
و انتي طبعا شاطرة هتقضي الوقت في المطبخ بقي استغفار و ذكر


ولو طلعت عليكي الشمس بقي ما تنسيش ركعتي الضحي و تبقي بكده أخدتي أجر حجة و عمرة تامة



و كده خلاااااااااااااااااااااااص
أتمني تكون طريقتي عجبتكم و يا رب تنفع اي حد و انشروها في اي منتدي زي ما انتم عايزين يمكن حد يستفاد منها





لا تنسووووووووني من دعائكم

[bero333]

[DAHUBA14]

ما شاء الله تبارك الله
طريقة ولا اروع ربي يجزاك الخير و يجعل ما كتبت يمينك في موازين اعمالك الصالحة
اللهم امين .

[bero333]

ما شاء الله تبارك الله
طريقة ولا اروع ربي يجزاك الخير و يجعل ما كتبت يمينك في موازين اعمالك الصالحة
اللهم امين .

اللهم امين
ربنا يخليكي يا دهيبة و ما يحرمنيش منك ابدااااااااااااا

[* أم الأميرة *]

ماشاء الله عليكِ بيرو
طريقة فعلا حلوة ومنعشة وبتصحصح الواحد
الله يجزيكِ الخير ويكتب لنا أجر القيام يا رب العالمين

[{ أم أنـــس }]

السلام عليكم
طريقة جميلة اكيييد واهم ما فيها انك عملتي حساب كل شيء وحضرتي للقاء لا يوجد اروع منه
بارك الله فيك عبير

[احلى من الشهد]

ما شاء الله تبارك الرحمن

ربنا يوفقك غاليتي

دمتي في حفظ المولى

[ام هذال]

بسم الله ماااااااااشاء الله عليك ياعبير
ويجعل ماكتبتيه في موازين حسناتك يااااااااااااااااااار ب
صراحه كلام جميل ويدخل القلب على طول
ربنا يبارك فيك ويتقبل منى منك ياااااااااااارب

[شهد الغالية]

ما شاء الله عليك الله يجزيك الخير يا رب والله كلام بيشجع طيب واللي بتنام عالساعة 2 شو أعمل بكون حيلي مهدود من العيال الصغار شو أعمل شو اقتراحك؟

[bero333]

ماشاء الله عليكِ بيرو
طريقة فعلا حلوة ومنعشة وبتصحصح الواحد
الله يجزيكِ الخير ويكتب لنا أجر القيام يا رب العالمين

اللهم امين تسلمي يا مرااااااااااااام ربنا ما يحرمني منك يا قمر انتي

السلام عليكم
طريقة جميلة اكيييد واهم ما فيها انك عملتي حساب كل شيء وحضرتي للقاء لا يوجد اروع منه
بارك الله فيك عبير

تسلمي يا قلبي و ربنا ما يحرمني منك يا ام انس

ما شاء الله تبارك الرحمن

ربنا يوفقك غاليتي

دمتي في حفظ المولى

تسلمي يا شهودة يا قمر

بسم الله ماااااااااشاء الله عليك ياعبير
ويجعل ماكتبتيه في موازين حسناتك يااااااااااااااااااار ب
صراحه كلام جميل ويدخل القلب على طول
ربنا يبارك فيك ويتقبل منى منك ياااااااااااارب

اللهم امين
تسلمي يا قلبي انتي و ربن ما يحرمني منك