السلام عليكم ورحمة الله وبركاته
اكيد في منكم مستغرب من العنوان
هقولكم المعنى إللي اقصده
النبي صلى الله عليه وسلم مر بسعد وهو يتوضأ فقال : ما هذا السرف يا سعد قال أفي الوضوء سرف قال نعم وإن كنت على نهر جار
صحيح - مسند أحمد
من هذا الحديث نتعلم انه لا يجب علينا الإسراف في إستعمال المياه أثناء الوضوء
طيب احنا نضبط الكمية إزاي علشان منسرفش في الاستخدام
اقولكم بقى وطولوا بالكم معايا شوية
اول حاجة بتقولي " بسم الله "
تفتحي الحنفيه وتغسلي ايدك ثلاث مرات وبعدين تتمضمضي ثلاث مرات وبعدين تستنشقي ثلاث مرات وبعدين تغسلي وشك ثلاث مرات وبعدين تغسلي ذراعك للمرفق ثلاث مرات ( كل ده والحنفيه مفتوحة اوك )
طيب بعد كده هنبلل إيدينا ونقفل الحنفيه ( كده اول مرة )
هنمسح على راسنا وبعدين الاذنين ( كل ده والحنفيه مقفوله )
بعد كده هنطلع الرجل اليمين على الحوض ونفتح الحنفيه
لحد ما نخلص الرجل اليمين هنقفل الحنفيه ( تاني مرة )
وننزل رجلينا اليمين وبعدين نطلع رجلينا الشمال
بعد كده هنفتح الحنفيه ونغسل رجلينا
وبعده كده نقفل الحنفيه ( تالت مرة ) وننزل رجلينا
شوفتوا بقى قدرنا نوفر إزاي في كمية الميه
واتبعنا هدي النبي صلى الله عليه وسلم حتى لا نكون من المسرفين
يارب اكون افدتكم بموضوعي الحصري
ولا تنسوني من دعائكم
الروابط المفضلة