السلام عليكم ورحمة الله وبركاته

كان عندى سؤال اذا تكرمتو اللى يعرف الحكم الشرعى يقولى عليه

هل الدعاء على انسان هو مسلم ولكن بالاسم فقط ممكن تقولو عليه من المفسدين فى الارض اللى مايعرف ربنا ابدا ولا يتقى الله ولا يراعى الله فى تعاملاته مع الناس

ممكن يعمل اى حاجة يسب يشتم يضرب يهين يظلم ياذى اى حد واقرب الناس ليه لمجرد انه ينتقم من شخص بيكرهه

الشخص ده ممكن تقولو عليه كل الصفات الدنيئة والسيئة كلها تنطبق عليه

انا مش هقدر اوصف الشخص ده لانى مهما قلت لا يمكن هقدر اوصف اخلاقه او شخصيته انسان مايجيش من وراه الا المشاكل والمصايب والغيبة والنميمة والتوقيع بين الناس وكل حاجة وحشة وقذرة وحقيرة

انا اسفة انى بقول الكلام ده لكنه لا يقال عليه انسان اصلا

هل بقى كره شخص بالمواصفات دى حرام او الدعاء عليه بالموت حرام لان بصراحة ماحدش قادر يقول ربنا يهديه مش قادرة تطلع خالص

وجزاكم الله خيرا وكفاكم الله شر امثال هذا الشخص

وعليكم السلام ورحمة الله وبركاته

أختي ايمان حفظك الله ووفقك لما فيه خير وصلاح

صحيح تأتي علينا لحظات ندعوا فيها على من ظلمنا غفر الله لنا

ولكن أن ندعوا له بالهداية مع الصبر على الاذى أفضل

قال الله تعالى (فمن عفا وأصلح فأجره على الله)

ألا تحبين غاليتي أن يجزيك الله من عنده على صبرك

ولنتذكر أخيتي فضل الصفح والعفو، وقد قال الفاروق

ـ رضي الله عنه ـ أدركنا خير عيشنا بالصبر، ذكره البخاري
ولنستحضر مواقف نبي الله صلى الله عليه وسلم ،
حيث لم ينتقم لنفسه قط، كمافي فتح مكة، وقصة غورث، والأعرابي بسيفه، وغيرها كثيرٌ

اختى عزيزة باسلامى

جزاكى الله خيرا على مرورك وردك لكن انا مش قادرة بجد مش قادرة اسامح الانسن ده

لانه انسان بشع

هل ممكن تتخيلى واحدة فيه واحد بيهدد اعز الناس ليها بالقتل هل تتخيلى ممكن انى اسامح واحد يضيع منى احلى حاجة فى حياتى وياخدها منى بكل بساطة من غير اى ذنب

والله العظيم من غير اى ذنب لمجرد انه يتدخل للصلح وماصدرش منه اى اذى

لا يمكن اقدر اسامحه مش قادرة ييجى على لسانى الا الدعاء عليه امال يعنى اسيبه يهدد بالقتل لاعز ماليا وممكن ينفذ كمان واقعد انا ادعيله بالهداية ولا اسامحه

بجد انا اسفة انى بقول كدة بس انا حالتى لا يرثى لها وبدعى ربنا ليل نهار انه يعديها على خير

شكرا على الموضوع يا ابلة ايمان

ربنا يصبرك

ادعى له بالهداية وان يصرفه الله عنكم وخلى دعائك فى قيام الليل
لأن لكل انسان أجل فمها دعوتى عليه بالموت فلن يموت حتى يوفى اجله
ولا تاخذى وزر على دعواتك
بل قول حسبنا الله ونعم الوكيل فيه
كلمات تهز جبال وبهذا تكونى وكلتى امره على الله رب العالمين
فهو جاهل بامور الخير
وقالها الانبياء من قبل على قومهم انهم لايعلمون
ودعوا لقومهم بالهداية
صبرك الله وفرج كربكم

قولي حسبي الله يا ايمان
احسن من اى حاجه
وربنا كفيل بالظالم

صدقيني يا حبيبتي000

ادعي الله تعالي ان يهدية حتي يكون ذلك في موازين حسناتك

هو يسء وانتي تدعي بالهداية

والله اعلم قد يهدية الله لكم ويصبح ولي حميم كما قال الله تعالي

وقولي دائما :
انا لله وانا الية راجعون 000 اللهم اجرني في مصيبتي واخلف لي خيرا منها
حسبي الله ونعم الوكيل

الله يفرج همك ويوسع صدرك

اسكندرانية بجد
نشيد الاناشيد
عهد الامانى
شذى العود

جزاكم الله خيرا ربنا يبارك فيكم

الحمد لله هديت شوية بعد ماربنا اصلح الاحوال وخلصنا من الشخص ده على خير الحمد لله

وبدات ايات ربنا تنزل عليه جزاء لما كان يعمل واللهم لا شماتة ولكن الدائرة تدور عليه وكما تدين تدان

وهو الان يعتبر عبرة لمن يعتبر

وبقول لكل اى بيظلم او ياذى غيره احذر من عقاب الله فهو يمهل ولا يهمل واذا جاء امره فيقول له كن فيكون وستكون انت الخاسر فى النهاية

حفظنا الله واياكم وكفانا شر الظالمين