طبعا كل الاخوة والاخوات عرفوا اسم الموضوع وهو ( ياترى اية هديتكم الى الله ورسولة يلا ادخلوا سجلوا هديتكم بسرعة )


طيب ياترى انا اقصد اية من العنوان دة
اقولكم
طبعا انا مش محتاجة اقولكم على نعم ربنا على كل واحد فينا وانه اد اية كريم وغفور وحليم ووووووو
وكلنا عارفين ان نعمه علينا لا تعد ولا تحصى ولا بنقدر نقدرها بثمن ولا بكل كنوز الدنيا
وبردوا كلنا عارفين اد اية الرسول صلى الله عليه وسلم تعب وجاهد وبذل الكثير من اجل نشر رسالة الاسلام ولكى يجعلنا مسلمين وتعرض للاذى وتحمل الكثير من اجلنا
طيب بذمتك لو واحد عمل معاك حاجة حتى لو حاجة بسيطة مش بتردهالة بهدية
طيب تخيل بقى ان ربنا ورسوله عملوا معانا كل دة واكتر تتخيل بقى احنا المفروض نقدم اية
اقولكم على حاجة كمان
طبعا كلنا بنخطئ وبنرتكب ذنوب لان ربنا سبحانه وتعالى قال كل بنى أدم خطاء وخير الخطائون التوابون
يعنى مفيش حد مننا مش بيعمل خطا سواء كان كبير او صغير لكن المهم اننا نتوب على طول وبسرعة وتكون توبة نصوحة
طيب ما تيجوا نتوب بشكل تانى وجديد بس الاول نعمل شروط التوبة اللى كلنا عارفينها الندم على فعل الخطا وان اوقف الذنب وان اعزم على عدم العودة
طيب اية الشكل التانى والجديد دة
بجانب التوبة دى واللى لازم طبعا نعملها نقدم هدية بسيطة الى الله والى الرسول تعبيرا عن الاعتراف بالخطا والحب والشكر


طيب اقولكم مثال يخلينا نتحمس اكتر ويوضح عندكم الفكرة اكتر شوية ويحمسكم تقدموا احلى واكبر هدية
لو حد عزمك على عيد ميلاد او فرح وقالك لازم تيجى طبعا انت اول حاجة هتفكر فيها غير انك تلبس اية وتروح امتى وازاى وكل التفاصيل دى اهم حاجة هتفكر فيها ( هتجيب هدية اية )
وطبعا اهم حاجة فى الهدية دى انها تكون فخمة اوى وكبيرة وغالية ويكون كمان كل اللى يهمك ازاى تجيب اغلى هدية والناس كلها يقولوا انك جبت هدية غالية اوى وكبيرة وفخمة
تخيل بقى انى بقولك تقدم هدية الى الله وهدية الى الرسول هتقدم اية
اتمنى انى اكون قدرت اوضح للجميع فكرتى بشكل واضح وسلس
واتمنى الاقى القبول من الاخوة والاخوات الافاضل
مستنية مشاركاتكم وهداياكم
بس بشرط مهم اوى
اللى يكتب هديتة لازم يكون قادر على انة يقدمها ميبقاش كلاااااااام وبس وتكون الهدية على قدر المحبة ليهم والاعتراف بالجميل والشكر



منقول

أنا سأبدأ بتقديم الهدايا
يارب تقبل
يا رب تقبل
يارب تقبل

هديتى الى الله

أن أجعل لسانى رطبا بذكره دوما ان شاء الله
ان أحفظ كتابه الكريم و ان شاء الله بى يوفقنى و اتمم حفظه باسرع وقت
أعقد النيه على ان أكون معلمه للقران بعون الله
ادرس التجويد و ن شاء الله ربي ينولنى الاجازة
اخشع في صلاتى قدر استطاعتى
احافظ على الصلاة في اوقاتها
اللهم تقبل فان كل هذا قليل مقابل نعمه واحده من نعمك علينا يارب العالمين
الحمد لله

هديتى للرسول_صلى الله عليه و سلم:

اولا اقوم الليل اقتداء به
اصوم اثنين و خميس و ثلاثه ايام من كل شهر ان شاء الله
احفظ اسمه كاملا ان شاء الله و هذا أقل شىء لانه حبيبنا
وهل يعقل ان لا يعرف احد اسم حبيبه
اتعرف على سنه ان شاء الله و أحاول الاقتداء به
اقرأالقران اقتداء به
اخيرا أصلى عليه دوما ان شاء الله


في انتظار هداياكم

بارك الله فيكى و نفع بك و تقبل هديتك

موضوع قوى و محتاج تفكير