السلام عليكم ورحمة الله و بركاته
كيف حالكم يا أخوات؟؟
النهاردة أنا جايبالكم مفاجأة بس مفاجأة من نوع خاص
الأول عاوزة أسألكم سؤال
إيه رأيكم فى مشايخ السلف؟؟
للأسف فى ناس بتقول عليهم متشددين
وفى نس بتقول هما مش عايشين واقعنا فمش بيتكلموا لغتنا (يعنى لغة الشباب)
وحاجات كدة كتير
سبحان الله العظيم
أنا من سنة تقريبا جالى ايميل عن الاستعداد لرمضان و فى شيخ عامل رسائل يومية للشحن الإيمانى
ودخلت على الموقع بتاعه وووالله كان فتح من الله عظيم عليا
هذا الشيخ هو ما أقصده بالمفاجأة
ليه بأة؟؟؟
لأنه ما شاء الله اللهم بارك فيه و احفظه يارب
كأنه يعلم تماما ما يدور فى عقول الشباب سواء البنات أو الرجال
كلامه رقيق جدا
هو متخصص فى القلوب و ترقيقها
وتحبيب الناس فى الله عزوجل
هو دائما يدعو اللهم اجعلنى سببا فى تحبيب القلوب لك
اسلوبه سهل جدا... عملى جدا
مفيش درس أو محاضرة إلا و لازم فى الآخر واجب عملى
ومتابعة على الموقع الخاص به للطلبة المجتهدين ....ومشاريع إيمانية..... و دروس خاصة للأخوات..... و دروس للمقبلين على الزواج ووووووو...........
ما شاء الله اللهم بارك
معلش طولت عليكوا بس فعلا والله مفيش أحد أعرفه سمع له إلا و انبهر لأنه جمع بين الأثنين منهج أهل السنة و الجماعة و مخاطبة الشباب فى نفس الوقت
آه نسيت أقول لكم اسم الشيخ
اسمه الشيخ هانى حلمى حفظه الله
بالمناسبة هو يبقى زوج بنت الشيخ محمد حسين يعقوب بارك الله فيه
أنا للأسف مش حقدر أكتب لكم موقع الشيخ احتراما لقوانين المنتدى
بس اسمحولى انقل لكم بعض محاضرات الشيخ و مشاريعه الإيمانية و رسائله للأستعداد لأعظم أيام الدهر المقبلة و هى أول أيام من ذى الحجة
وأسأل الله أن يبارك فى الشيخ وفيكم
ومعذرة على الإطالة
السلام عليكم ورحمة الله و بركاته
رد مع الاستدلال
الروابط المفضلة