السلام عليكِ ورحمة الله وبركاته
عليكِ أنتِ حبيبتي في الله
أنت أختي وحبيبتي اللي بتقري الموضوع دلوقتي
أنا جاية النهاردة أحكيلك حكايتي وأدخل معاكي في حوار طويــــــــــل
أنا زيك بالضبط حبيبتي زي أي بنت بتحلم بالسعادة
اكتئبت كتير وبكيت كتير ودورت علي السعادة في كل حاجة
في الخروجات والأغاني والموضة
وكل ده كان بيزود حزني..
لحد ماعرفت الطريق الصح وعرفت معنى السعادة الحقيقية
عرفتها يوم ما عرفت ربي حبيبي و أطعت كلام أكتر حد حبني على وجه الأرض حبيبي صلى الله عليه و سلم

أنا باكلمك أنتِ حبيبتي اللي رافضة النقاب وشايفاه مش من الإسلام أو عادة جاهلية
وشايفاكي وأنتِ عايزة تقفلي الصفحة
على فكرة أنا كنت في يوم من الأيام زيك بس ربنا منعليه وفهمت عشان كده مش قادرة أسيبك من غير ما افهمك وتحسي بالسعادة الليأنا عايشاها

وبا كلكمك أنتِ حبيبتي اللي لسه مترددة وواقفة في النص
عايزة النقاب ونفسك فيه ، لكن برضه بتفكري في أهلك وصحابك ودراستك وشغلك... و .. و.. و..
أنا قعدت فمرحلتك بردو كتيــــــــر وندمت علي كل لحظة ضيعتها
وعارفة إحساس التوهان والحيرة اللي أنت فيه وبمدلك إيدي عشان أساعدك
حتقبليها ؟؟

وباكلم أختي الملكة اللي ربنا اصطفاها بنعمة النقاب
ودلوقتي... شكلها وحشها من غير نقاب...
نسيتي أول يوم نقاب ؟؟
نسيتي إحساسك.. نسيتي فرحتك.. نسيتي إحساسك برضي ربنا عنك وفرحته بيكي...
طيب تعالي معايا نشيل أثر الشبهات اللي وصلتك لكده

تابعيني بالله عليكي
وأوعي تقفلي الصفحة )
القضية مش موضوع هتقريه أو مش هتكمليه ولا حملة وهتخلص
الموضوع قضية حياة قضية روح حتكون نهايتها رضا خالقها أو سخطه أو حسرتها علي ما ضيعت من إرتقاء درجات في الجنان
فلا تستهوني حبيبتي وتابعيني

ولحد مارجعلك تاني هاسيبك تشوفي الفيديو دة

حلا شيحة ملكة

بس بشرط ... تشوفيه بقلبك

اجزل الله لك العطاء......بارك الله بك.....ونفع بك

[B]

حبيبتي في الله

رجعت لك تاني
وعارفة إنك أكيد مستنياني

[/B]

أختي وحبيبتي الغير منتقبة

كثير الأخت لما تنتقب تسمع سؤال :

" ليه لبستي النقاب؟ "ودلوقتي

أنا عايزة أسألك حبيبتي :

"ليه ما تلبسيش النقاب؟"

مممم هتقولي دي مسالة خلافية وفي فقهاء أجازوا كشف الوجه

طيب حسألك سؤال أنتِ بتحبي ربنا ؟؟

طيب عايزة ترضي حبيبك ؟؟

عايزة تقربي منه سبحانه وتعالي ؟؟

طيب ليه ماتخرجيش من الخلاف ده ؟؟

فإن كان فرض تكوني قمتِ بيه وأطعتِ أمر ربك

وإن كان سنة أو فضل زي ما بيقول البعض تكوني فزتي بالأجر برضه

فهو على كل حال طاعة لله جل وعلا

بتقولي : أنا لسه صغيرة وبعد الزواج هالبسه

أنتي فاكرة إنك لما تطيعي ربنا هيحجب عنك رزقه ؟!

لا والله

طاعتك لله عز وجل تجلب لك الخير والبركة في كل شيء في حياتك

وزوجك اللي هيتزوجك لدينك هو اللي هيحبك ويحافظ عليكي ويحسن إليكي لأنه هيتقى الله فيكي

ممم بتقولي أهلى رافضين وموش هيقبلوا

أقول لك
جاهدتي قبل كده قد إيه عشان معاصي ؟؟

طيب متيجي تجاهدي بقي عشان ربنا

ألا تجاهدين لطاعة الله ؟؟

حاولى وجاهدى بالرفق واللين

بالإحسان والبر

واصدقى الله يصدقك

حبيبتي

نقاب الفتاة المؤمنة هو تاجها

فيه عزها وعفتها وشرفها ورفعتها فى الدنيا و الآخرة

ولكنك حبيبتي محرومة..متزعليش مني بس دي الحقيقة..

أنتى فعلا محرومة

اتحرمتى من شيء يقربك إلى الله عز وجل

وأي حرمان أشد من دة ؟؟؟

موش ممكن تفضلي كدة محرومة

هيا حبيبتي

هيا إلى مرضاة ربك

عجلي وسارعي

العمر أنفاس معدودة

والموت يأتي دون استئذان

ومفيش بعد الموت غير الندم على ما فات

فهيا كي لا تندمي يوما

إنتي موش هتندمي أبدا على أنك لبستي النقاب

لكن أكيد هتندمي لو موش لبستيه لما تشوفي اللي سبقوك إلى الرحمن في درجات في الجنة أعلى منك

موش عايزة صحبة الحبيب صلى الله عليه وسلم ؟

موش بتتمني تترمي يوم في حضن أمك خديجة رضي الله عنها ؟

موش نفسك في حديث مع أمك عائشة رضي الله عنها ؟

يلا

إمشي زي ما مشيوا

توصلي للي وصلوا هما ليه

أسرعي إلى ربك

وماتخافيش أي شيء أبدا مهما كان

فربك بيده أمر كل شئ

وإليه يرد كل شئ

نقاب الفتاة المؤمنة هو تاجها



فيه عزها وعفتها وشرفها ورفعتها فى الدنيا و الآخرة

بارك الله فيك كلام رائع وفي الصميم أسأل الله أن يهدي به جميع الاخوات للاراتداء النقاب

جزاك الله خير الجنان

[CENTER]ها .. ايه الأخبار ؟؟
عارفة انه كلامي أثر فيكي
بس شكلك لسة مترددة
طب ركزي معايا

[[FONT=Times New Roman]SIZE="4"]حبيبتي المترددة إليكِ هذا الحوار الأخير بيني وبين نفسي :
أنا ونفسي والشيطان
حوار ثلاثي الابعاد
أنا: إية يا نفس مش عايزة تلبسي النقاب ليه ؟؟
نفسي : لا عايزة البسه
أنا: بجد ؟؟
نفسي : بجد
شيطان : ما تكلميش كلام أنتي مش هتقدري علية وخليكي واقعية
أنا: اسكت أنت يا بتاع ما تكلمش النهاردة تعالي يا نفسي نتفاهم
أنا: تعالي أنت مش عايزة تلبسيه ليه
نفسي : أنتي ما بتفهميش بقولك عايزة ألبسه بس أبوكي مش موافق
أنا: طيب اصبري ما أنا عارفة بس إيه يعني
الشيطان : إيه يعني إيه إنتي عارفة أنه مش ممكن يوافق
أنا : أنا مش قلتلك اسكت انت واقعد على جنب
الشيطان : هسكت بس ابقي قابليني إن وافق
نفسي : أنا عايزة ألبسه بس حليلي مشكلة أبوكي
أنا : بصي يا نفسي أبوكي آخره هيعمل إيه ؟؟
الشيطان : هيقتلك.
أنا : يا بتاع أنت اسكت يقتلني إيه أنا فرخة وبعدين ما احنا كدا كدا ميتين
نفسي : لا هيضربك علقة جااااااااااااااامداااااااااااااا
أنا : وإيه يعني أنتي مش اضربتي قبل كدة
نفسي :كتيررررررررررر وكمان علي حاجات عبيطة وساعات ظلما
أنا: إيه يعني لو علقة لله
نفسي : حلوة علقة لله :علقة لله:علقة لله طعمها حلو
أنا: هتصبري ؟؟
نفسي : حسب نيتك وعزيمتك
أنا : بس كدة
نفسي :والإستعانة بالله أولا طبعاااااااااااا
أنا : طب ليه مش قلتيها في الأول
نفسي: جهل
أنا : يبقي إستعانة بالله وصدق نية

[B]ها وأنتي... عايزة النقاب بجد ؟؟[/B]
طيب هتفضلي مترددة لحد إمتي ؟؟
هتفضلي مذبذبة لا مع دول ولا مع دول لحد إمتي
طيب لو ملبستيهوش مش كدة في مخاطرة وإحتمال الخسارة ؟؟
طيب ولو لبستيه هتخسري إيه ؟؟
تفتكري ربك حبيبك العدل مش هيجازيكي عليه
مش عايزة عمل كبير يغسلك من كل ذنوبك

[B]أحسبيها صح حبيبتي
وبشرينا بقرارك[/B]
وأي مشكلة بتواجهك في لبسه أي استفسار لسه موقفك
لو محتاجة حتي صحبة تثبتك

إن شاء الله شوف يرزقك الله اياها أن صدقتى...........

أتأخرت عليكي
كنت سيبكي مع نفسك شويه

ها لسه مترددة
وأنتِ هلك مش مفقين واتخنقوا معاكي

طيب تعالي معايا نشوف قصص البنات دول
يمكن تلاقي نفسك فيهم



قصص بنات وجدوا السعادة يلا نتعلم منهم
تحكي حكايتها تقول : منذ لبسي للخمار كنت أريد لبس النقاب..
وأخبرت أمي وأبي ولكن لم ألقي منهما اعتراض اكثر من هذا اليوم... كنت أحب أي واحدة ترتدي النقاب كنت اذهب لها وأصحابها ...

ظللت ثلاثة سنوات في مشاكل مع اهلي قرأت كثيرا وسمعت لشيوخنا الكرام جميعهم أن النقاب فرض فضلا عن اقتناعي بهذا ... قرات وسمعت كثيرا في هذا المجال ظللت اقنع فيهم بكل الطرق وكنت اعلم أنني مسموح لي ان ارتديه بدون موافقتهم ولكن كنت لا أريد مشاكل وأريد رضاؤهم عني... كان رفضهم فقط لمجرد الخوف من مشاكل الكلية ...

عشت ثلاث سنوات في حزن وانا أدعو الله أن يوافقوا كي نكون جميعا في راحة و اشتد اصراري السنة الماضية وجعلت أبي يشتري لي النقاب وظللت طوال السنة الماضية ألبس النقاب وأمشي به في البيت.
وعند ظهور نتيجة الامتحانات لسنة أولى كلية طلبت هديتي وهي كلمة (آه)..
وقالتها أمي وقالها أبي ولا ادري ماذا حصل في ذلك اليوم لم أكن اشعر بسعادة مثل هذه من قبل...

بت طوال الليل يقول لي الشيطان (خلاص ألبسيه بعدين مش هما وافقوا خلاص طيب لما تقولي لصحابك)...

لم أنم دقيقة واحدة وأنا أقول سوف أخرج به غدا... كنت ذاهبة للكلية للتدريب الصيفي... استيقظت ارتديت كل شيء...
خرجت إلى الشارع لم أكن أشعر بأي شيء إلا سعادة مفرطة واشعر بفخر أن الله من عليا بهذا الحجاب الشرعي ...

من يومها إلى الآن مرت ستة أشهر أشعر أن حياتي تغيرت تماما ولله الفضل والمنة...

وادعو الله في كل وقت ان ترتدي جميع بنات المسلمين النقاب ليكون لهم عفة و وقار...

آسفة للإطالة ولكني كنت في غاية الشوق إلى أن أشارك معكن...

أسال الله أن ينفع بنا وأن يستخدمنا ولا يستبدلنا




وتقول أخري : حكاية نقابى كانت غريبة و مفاجأة للجميع . . و حتى لى أنا

أنا لبست الحجاب فى أخر سنة فى الجامعة . . و بعد سنتين لبست العباية . . و دى كانت اخر حاجة ممكن اوصل لها !


أنا ماكونتش بحب النقاب خالص . . لا أنا ولا والدى !

معظم النساء فى عائلة والدى منتقبات . . بفضل الله . . و كنا بنتريأ عليهم . . ( للأسف )

ذهبت للحج مع أخى من ثلاث سنوات . . و فى ليلة وقفة عرفات . . شيخ المجموعة تكلم عن التوبة لمدة ساعتين و أكثر . .
و بكيت طوال وقت الدرس . .
وأثناء الدرس . . قلت يا رب . . لو النقاب فرض . . ماتنزلنيش مصر إلا وانا لبساه !!! و ذهلت من اللى قلته !!! و قلت فى بالى . . اسأل الشيوخ . . و إن شاء الله هايكون مش فرض!!!!

تانى يوم . . فى الوقفة . . كنت بدعى لكل اللى طلبوا منى الدعاء و اللى ماطلبوش . . كنت كاتبه ورق كتير . . و كنت مأجله ورقتى أنا فى الآخر . . و طبعا ماكنش فيها أى حاجة ليها صلة بالنقاب . . كنت مركزة أوى فى الدعاء للآخرين . . و اللى قلته إمبارح مافكرتش فيه خالص !!
و سبحان الله . . فجأة قلت . . يا رب نويت ألبس النقاب بعد ما أفك الإحرام !!!! ( كنت بسمع أن المحرمة لا تنتقب . . كدليل على عدم فرضيته !! ) . . و بكيت بكاء شديد . . و كنت خايفة جدا من
المسئولية..
و مافكرتش فى أى حد أو أى حاجة . . ولا حتى والدى . . أخذت القرار . . و مش هارجع فيه . .
خلاص . . حسيت إن ربنا بيقول لى إنه فرض . . و دخل جوايا إقتناع شديد إنه فرض . . من غير ماعرف أى دليل !!!!
الحمد لله . . ماذال عندى نفس الشعور . . لثلاث سنوات

طبعا كانت حرب مع والدى . . لخمس شهور !!

الحرب انتهت بفضل الله . .

و إقتناعى و سعادتى و حبى للنقاب يزيد يوم بعد يوم

اسفة جدا للإطالة . .

ربنا يثبتنا



وتقول أخري : بدأت أحضر دروس في المسجد

وربنا ييسر أنه يتواجد فيه كم من الاخوات المنتقبات لم رهن من قبل
ووالله إن إبتسامة إحداهن في وجهي كانت كافية لأن تقول لي أن الخير في هذا الزي الشرعي

بدأت أسألهن واستفسر منهن عن النقاب وحكمه ونصحوني -جزاهن الله خيرا- بالاستماع لشيوخنا الكرام وقراءة فتاوى المرأة المسلمة لمجموعة من كبار العلماء وهكذا بدأت أبحث حتى وفقني الله للحق.
وبعد شهر من لبسي الاسدال لبست النقاب ورجعت الكلية في عامي الجديد منتقبة
فكان أعظم احتفال شهدته في حياتي كان في ذاك اليوم
وكنت اشعر وكأنه يوم ولادتي من جديد

تعرفوا يا بنات أنا اول يوم نزلت فيه بالنقاب والله العظيم فعلا شعرت أني كنت عارية وقد سترني الله عز وجل
فكنت اتعجب من حالي كيف كانت لي الجرأة التى يجعلني أنزل سافرة عن وجهي هكذا

فعلا أنه فضل الله عليَّ
وكانت صحبة الاخوات الغاليات اغلى صحبة وأطيب صحبة

و بعدين أى كلام بيدور فى موضوع النقاب لازم تعرفى أن هدفه شىء واحد بس هو ان كل منتقبة بتحب نقابها أوى و فعلا حست بحاجات عايزة كل مسلمة تشعر بيها عشان كدة بنتمنى إن كل أخت مسلمة تلبس النقاب

حتى لو النقاب مش فرض و لا سنة و لا أى حاجة

بذمتك و أنتى ماشية فى الشارع فى وقتنا هذا و بالملحفة و محترمة جدا و حاطة وشك فى الأرض و مفيش فيكى أى شىء ملفت مبتسمعيش كلمة باخية من إنسان ربنا يهديه يارب

أنا كنت بسمع كتير و كنت ساعات بعيط كمان

لو واقفة و بتكلمى دكتور فى الجامعة و يحتم ذلك إنه ينظرلك و الله ساعات كنت بحس أن النظرات ديه بتقتلنى

أما تقفى قدام أخ ملتزم و يخشى الفتنة و يدير بوجهه عنكى
و الله الموقف حصل و كنت فى غاية الاحراج

و عمرى ما فكرت أن موقفه ده غلط بالعكس ده الصح و أنا اللى كنت غلط

الدنيا دلوقتى فى معانى كتير قلت فيها أو قد تكون انعدمت
الحياء من المعانى ديه
مفيش انسان بيستحى و تلاقيه و هو بيكلمك يغض بصره عنك

حبيبتى النقاب ستر و عفة و شىء جميل أوى
و فعلا أنا بتمناكى أنتِ أيوة أنتى عشان انا حبيتك فى الله فعلا بتمنى ربنا يرزقك النقاب و ساعاتها و الله هتحسى أنك طايرة من الفرح و عايزة تقولى لكل واحدة ماشية فى الشارع انتقبى ده شىء جميل و تتباهى بيه.......

أسأل الله العظيم ان يرزقكى و بنات المسلمين جميعا النقاااااااااااااااااب



وتحكي أخري : أنا كنت أقرا فى سورة الشعراء و كانت بدايه إلتزامى و كنت يادووووب بلبس عبايات ملونة و كده و كانت معايا صاحبتى فى كل حاجة اتحجبنا فى نفس اليوم

ارجع لسورة الشعراء ....

كنت بصلى بيها فى يوم و قرأت عن السحرة و كيف خروا ساجدين و كيف قال لهم فرعون لأقتلنكم و لأصلبنكم و لأقطع أيديكم و أرجلكم من خلاف و هما كان ردهم لا ضييييييير
" قَالوا لا ضَيرَ إِنَّا إِلَى رَبِّنَا منقَلِبونَ إِنَّا نَطمَع أَن يَغفِرَ لَنَا رَبّنَا خَطَايَانَا أَن كنَّا أَوَّلَ المؤمِنِينَ"
سبحان الله توقفت كثييييييييرا عند هذا المعنى..

احنا قدمنا ايه لدين الله و بما سنقابل الله

بصراحه فكرت فى أحلى حاجة بحبها و هو وشى و شكلى و كده
و قلت حاغطيه لله

و قلت لو فرض فامش حاسيبه و لو مش فرض فأكيد هو نعمه كبيييرة و تقرب الى الله

و من تقرب إلى شبرا تقربت إليه باعا

بس روحت فى منتهى السعاده "البريئه " و اشتريت نقاب و دخلت غرفتى و لبسته و طلعت لبابا و ماما

و كانت... طبعا مفقوش الأول خادونى على قد عقلى و لما لقونى بتكلم بجد رفضوا بشدة و كانت نفس الحجج..

إن فيه منتقبات وحشين و أنهم حيتلموا حواليكى و يبوظوا دماغك لأنك ما تعرفيش حاجة فى الدين

لا حول و لا قوه الا بالله

عامة..... قالى بابا اتعلمى الدين الاول كويس علشان لو حد حاول "يبوظلك " دماغك تبقى عارفه "الصح و الغلط" و عنها ..... قررت اتعلم

و حكيت لواحده صاحبتى "اول منتقبه عرفتها" قالتلى :

رفض والدك ده علشان انتى لسه مش قد النقاب وربنا بيغليه فى عنيكى علشان لو جه سهل كان ممكن يتقلع بسهوله "و فعلا عندها حق"

و قالتلى
"اصدقى الله يصدقك "

بس و فضلت أروح دروس و أحاول أعرف دينى كويس و لبست الملحفه الحمد لله برضه مع صاحبتى اللى اتحجبت معايا

و بعد سنة طلعنا عمره و كانت اكتر دعوة طبعااااا "يا رب انعم على بلبس النقاب " أنا و كام واحدة كده من صحابى كنا مع بعض فى الموضوع ده دائما

و كلمت باب فى العمره قلت دى فترة إيمانية و مكان و زمان رااااااائع

و سبحان الله فى يوم لما رجعنا بقوله :"بابا أنا مش حالبس النقاب بقى مش عايزه اروح الكلية من غيره "

قالى : ماشى !!!!

قلتله : ايهههههههههه بجد و الله

قالى : ارجع فى كلامى يعنى؟؟؟؟

قلتله : لااااااااا طبعا و لبسته و نزلت فى الحااااااااااااااال قبل ما يغير رأيه

و استغربت قوى دانا كنت محضرة عرييييييييييييييضة و كلام و آيات و احاديث

بس ربى الكريييييييييييييييييم هدى قلب أبى و لله الحمد

أنا عارفه انى رغايه قوى معلش
بس كنت نفسى أنقل الحكاية دى لكل واحدة نفسها تلبس النقاب



وتحكي أخري : بينى بينكو أنا لو كنت فعلا اقتنعت أن النقاب فرض كنت لبستو من لحظتها .

بس هيهات ... كنت باسمع الشيخ حسان و محمود المصرى و يعقوب بس بصراحة كنت بأقول دى مغالاة و تشدد...
دا طبعا الشيطان الرجيم

و كنت باقول أن النقاب دا ليس به شياكة و الناس تعرف بعضها إزاى..

و كمان خانقة و حر و كآبة و حزن و غيره....

لكن الفكرة دي تغيرت

فهو أشيك لبس و أجمل ستر للمرأة و مريح جدا و منتهى الحرية.

حتى أتى رمضان ، و حسيت أن عباداتى مش زى زمان و الخشوع مرة فووق مرة تحت

و فضلت أبكى لربنا و أقول يار ب إيه الحل ؟ فيه إيه؟ أنا إيه مشكلتى؟
يمكن أكون مش راضية عن حالى؟ ولا باعمل ذنوب فظيعة و مش واخدة بالى؟

عدى رمضان وللاسف كنت حزينة و ندمانة أشد الندم أنى لم أعبد الله حق عبادته..

بعدها جت حادثة قتل بنت فنانة مشهورة

و من يومها الدنيا اتشالت من قلبى

حسيت أن الموت قريب أوى ، و أنى لازم أقرب من ربنا أكتر و أنى خايفةمن عذاب جهنم .. و هكذا ..

و بعدين جه ذو الحجة و اكرمنى الله في أيام ذى الحجة بنعيم القرب منه

كل دا و انا مش عارفة إيه مش مظبوط فى حياتى ..

لحاد ما دخلت ( أحد المواقع ) و سمعت دروس الشيخ هانى ،

غيرتنى كتيييييييييير ، و حسيت أنى راضية عن حالى أكتر من الأول

بس بردو لبسى مش عاجبنى ، مش عايزة حد يبصلى و يعاكسنى وخصوصا أنى باخرج كتير وقعدت افتح كذا درس عن النقاب و خصوصا درس الشيخ يعقوب اسمه : يا بختك يا منتقبة.
http://www.way2allah.com/modules.php...ailes&khid=493

و كمان أحداث غزة و الحرب ، كانت خلتنى فعلا عايزة اغير من نفسى

عشان أنا مش هاقدر اروح أجاهد و كدا ...

فققرت أعمل طاعة لله و فى نفس الوقت تكون بنية أن ربنا ينصرنا فى غزة .

طبعا كل دا مافيش مخلوق يعرف اللى أنا بافكر فيه

وبعت رسالة للشيخ هانى و شجعنى جدا و قالى على بركة الله

رغم أنى لسة مش مظبطة صلاة الفجر ، بس الحمد لله ربنا اكرمنى بعد النقاب و باظبط فيها...


نزلت اشتريت النقاب و حجزت الاسدال.

وحاولت افتح الموضوع مع بابا و ماما
لكن كانوا فاكرينى باهزر ..لكن أنا عارفة أنهم طيبين و أكيد حايفرحوا لما يعرفوا أنى سعيدة و فرحانة.

هما صحيح غلسو على أول كام يوم )
بس كلو بيعدى

وبالفعل لست النقاب و اتصلت بماما عند خالتى و

قلتلها : باركيلى يا ماما أنا لبست نقاب

قفلت فى وشى السكة ، و بابا زعل منى و زعل علىّ !

بس طبعا الآن هما الحمد لله بدأوا يرضوا.

و الحمد لله ، ربنا انعم على بنعم كتيييييير

و كفاية أن الواحد ينام راضى عن نفسو ، ويمشي فى الشارع حاسس بمنتهى الحرية و الآمان ... اللهم لك الحمد.

و طبعا رحمات كتييييير بتنزل على الواحدة بعد النقاب ..

بس المهم إخلاص النية طبعاااااااااااااا..

بس ادعولى بئة بالثبات و الهداية.



مخلصتش قصص قلوب لقت السعادة الحقيقية
وكل يوم في قصص جديدة

إنتِ إمتي بقي حتحكيلنا قصتك ؟؟
حسيبك مع نفسك شوية وأرجعلك تاني
وشوفي المقطع ده علي ماجيلك
قصص تُسكب العبرات فى انتقاب الأخوات
http://drop.io/4uelbms/asset/kayf-anz3oh-3-wma

يا رب يسر لنا ولكل من لا يلبسه لبسه اميييييييييييييييين

إنا النهارده جاية أحكيلك إحساسي وإحساس كل منتقبة

هحكيلك عن إحساسي أول يوم

إحساس أول يوم ستر ....... أول يوم في عمري......

إحساس ستر ربنا علي
أول يوم نزلت فيه بالنقاب شعرت أني كنت عارية وقد سترني الله عز وجل
فعلا أنه فضل الله عليَّ

كنت ولازلت أشعر بسعادة مفرطة وأشعر بفخر أن الله من عليَّ بهذه النعمة

إحساس بالعفة و الوقار

إحاس بالعزة

وأني غالية وأد إية الإسلام حافظ عليا

لما أشوف غير المسلمين أو المسلمين بس غير محجبين وأد إية الشباب بيضايقوهم إما بكلمة أو تصرف أو نظرة وكأنها بضاعة وبدون ثمن
مجانيا للجميع...

نظام خد فكرة واشتري بكرة
بس طبعا ما حد بيشتري بضاعة مجانية ومرمية في الشارع لكل من هب ودب



لكن إحساسي بالنقاب أني اختلف
وأني أمة الستار

احساسي إن ربي راضي عن لبسي

سواء كان فرض أو سنة لم افكر في الأمر وقتها

لو فرض فلله الحمد ولو سنة فلله الحمد برضو
يعني لو مش احنا اللي اتبعنا السنة هنسبها لمين يتبعها ؟!



مفيش كلام ممكن يعبر عن إحساسي


و إقتناعى و سعادتى و حبى للنقاب يزيد يوم بعد يوم

بس ملخص الإحساس أني ماشية ملكة متوجة في نقابي
بمشي وأنا حاسة بمنتهي الحرية والأمان
إحساس بالنصر والعزة والستر والعفاف
إحساس الخلوة بالله وحدة والأنس به وحده
إحساس إن ربنا رااااااااااااااضي وفرحان بيه



بتخيل أمهات المؤمنين واخدني فحضنهم يوم القيامة وبيقولولي
متزعليش من أي أذية اتأذتيها بتمسكك بنقابك في الدنيا
أنتي اتشبهتي بينا حبيبتي واليوم إنتي معانا
ياااااااااااااااااه أي سعادة زائلة تساوي سعادتي وقتها



بحب أوي اللحظة اللي بحط فيها نقابي علي وشي قبل ما أنزل من البيت
وأقول يارب راضي ؟؟
يارب بتحبني ؟؟
يارب أنا حب شيء عندي وجهي
غطيته عشانك
يارب أقابل الرسول عليه الصلاة والسلام عند الحوض وهو فخور بيا
يارب أغفرلي كل اللي فات وارضي عني

ربنا يديم عليّ نعمة الستر
ويرزقها لكل بنات المسلمين يارب



حبيبتى النقاب ستر و عفة و شىء جميل أوى و فعلا بتمنى ربنا يرزقك بيه
وساعاتها و الله هتحسى أنك طايرة من الفرح وعايزة تقولى لكل واحدة ماشية فى الشارع
انتقبى ده شىء جميل أوووووووووووي
و تتباهى بيه

وحتقولي زيي
فليقولوا عن حجابي

فــــلــيقولوا عن حجابي انـه يـفـني شـبـابـي

ولـيـغالـوا فـي عـتــابـــي إن لـلـديـن انـتـسـابــــــي

لا وربــي لـن أبـالـي هـــمـتي مــثــل الجـــبــال
أي معـنى للجـمـــال إن غــدا ســهــل الــمـــــنال

حاولوا أن يخدعوني صحت فيهم أن دعوني
سوف أبقى في حصوني لست أرضى بالمجـــون

لـــن يـــنـالـوا مـن إبـــائـي إنـــني رمــز الـنـقـاء
سرت والـتـقـوى ضـيـائـي خـلـف خـير الأنبيـاء

إن لـــــي نـفســا أبـــية إنــهــا تـأبــى الـدنـيـة
إن دربـــي يـــــا أخــيــه قــدوتـــي فـيـه سـمـــيـة

من هدى الدين اغترافي نبعنا أختاه صافي
دربــنــا درب الـعـفـاف فاسلكيه لا تـــــــخـافـي

ديننا دين الــفــضـيـلـة لـيـس يــرضـى بـالـرذيـلـة
يــا ابـنـة الـديـن الـجـلـيـلـة أنـت لـلـعـلـيـا سليـلة

باحتجابي باحتشامي أفرض الآن احترامي
ســـوف امــضــي لــلأمـــام لا أبـــالـــي بــالــمــلام

أختــاه يا صاحبة النقاب تمسكى

♥ يا من بعت الدنيا و اشتريت الجنة...
♥ يا من حفظت جسدك من كل عين...
♥ وحفظت رجال المسلمين من أن يفتنوا بك...
♥ يا من اخترت طريق الله..

قال تعالى :{ وَإِن تُطِعْ أَكْثَرَ مَن فِي الأَرْضِ يُضِلُّوكَ عَن سَبِيلِ اللّهِ إِن يَتَّبِعُونَ إِلاَّ الظَّنَّ وَإِنْ هُمْ إِلاَّ يَخْرُصُونَ } الأنعام116

وقال جل وعلا :: { أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ } سورة العنكبوت

وقال رسول الله صلى الله عليه وسلم فى سلسة الأحاديث الصحيحة - المجلد الثاني - 957 ( الصحيحة ) " يأتي على أمتي زمان الصابر فيهم على دينه كالقابض على الجمر " .

وقال تعالى :: {يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ } سورة محمد

** ويكفينا حديث النبى ( من تشبّه بقوم فهو منهم ) صحيح..
ونحن بارتدائنا النقاب نتشبّه بأمهات المؤمنين رضى الله عنهم ...



أختاه ..
الله يمتحن ثباتك فماذا أنت فاعله ؟
الآن الدنيا كلها واقفة ضدك ، حتستسلمي ، حتجزعي ، ولا ربنا سيسمع تضرعك ؟؟؟
" فلولا إذ جاءهم بأسنا تضرعوا " .
ولا ربنا سيسمعك أنينك وبكائك وأنين المذنبين أحب إليه من زجل المسبحين ،
ولا ربنا سيرى شجاعتك كما وقف سحرة فرعون يقولون : " فاقض ما أنت قاض إنما تقضي هذه الحياة الدنيا "

ولا ربنا سيرى رضاك فأحبه إليه أحبه إليَّ .

حتعرفي مع البلاء أنت مين ؟ أصل كتير مننا مغرور بظاهر ولا بشوية أعمال ، وناسي حقيقة أمره ..
فمن أنت يا أختاه ؟



هناك إحدي الأخوات عندما سألت عن ثباتها علي نقابها قالت :
‏أنا على ثغره من ثغور الإسلام، آآتركها لأعداء الاسلام

وأنتِ ما جوابك ؟؟



حبيبتي ماذا تعرفين عن اليقين والصبر ؟
كان النبي صلى الله عليه وسلم يقول في دعائه : " ومن اليقين ما تهون به علينا مصائب الدنيا "نعم فالله يبتلينا ليداوينا فهل تفهمين ؟



يقول ابن القيم في إغاثة اللهفان : " إنَّ ابتلاء المؤمن كالدواء له يستخرج منه الأدواء التي لو بقيت فيه أهلكته أو نقصت ثوابه وأنزلت درجته فيستخرج الابتلاء والامتحان منه تلك الأدواء "

يمكن جواك آفات عمرك ما حتعرفي تطهري منها إلا بالابتلاء ، فمن رحمته انه يبتليك علشان وقفتك المرة ده تبقى أكبر شافع بين يديه فيغفر لك ويكفر عنك ويزيدك إيمانا .

يذكر ابن القيم في المدارج أنه حكي عن امرأة من العابدات أنها عثرت ، فانقطع أصبعها فضحكت
فقال لها بعض من معها : أتضحكين وقد انقطع أصبعك ؟
فقالت : حلاوة أجرها أنستني مرارة ذكرها .



توكلي على ربك حبيبتي وارم الحمل عليه .
قال جل وعلا : " وتوكل على الحي الذي لا يموت وسبح بحمده "

لو تعاملنا بهذا القلب لن تعصف بنا رياح الفتن .

شوفي توكل أخت أخري ويقينها وهي بتقول : ‏ معقولة تكوني عايزه ربنا و ربنا يضيعيك، هو ربنا بيضيع اولياءه

و واحدة حسبتها صح قالت : كده كده النقاب هينتشر فخلينا احنا السابقون الاولون.



همسة أخيرة للجميع
بنت من حبيباتنا متابعة معانا الحملة قررت تبقي ملكة وخدت القرار
وحترتديه بأذن الله يوم الأحد

ياتري إيه أول حاجة خطرت علي بالك دلوقتي ؟؟
قلتي يابختها ؟؟
دعتلها ربنا ييسرلها أمرها ويثبتها ؟؟

وأنتِ حتاغدي قرارك وتحكيلنا قصتك إمتي ؟؟
طب مش غيرانة من كل اللي سبقوكي دول ؟؟

حبيبتي الأمر يتطلب منك زيادة جرعة الحب لله ورسوله فيكون
" أحبهما إليه أحبهما إليكِ "

فمن كان الله فى قلبها أحب مما سواه ومن كان النبى قدوتها فى كل شىء لن تفكر فى أى شىء لترتدى النقاب
بل سيكون لسان حالها :
" لن يسبقنى إلى الله أحد "

لماذا سبقتك حبيبتنا وأخذت القرار وستتحبب إلى الله به وأنت لا ؟!

فأبدا لن تفكرى فى النقاب ولا غيره من الطاعات
ولكن ستنفذى الأمر ولو كان سنة ولو كان مستحب
وأذكر فى ذلك قصة سيدنا عبد الله بن رواحة عندما كان داخلا إلى المسجد وسمع النبى صلى الله عليه وسلم يقول لصحابته إجلسوا فجلس هو خارج المسجد لمجرد أن سمع كلمة اجلسوا من النبى صلي الله عليه وسلم
لم يفكر هل هى سنة أم فرض أم مستحب

وكما قال القائل :

أحبها وتحبنى وتحب ناقتها بعيرى





يحبها لدرجة أن الناقة أحبت البعير



فكيف بحبك للنبى ألا تتشبهى بنسائه وبناته وبما يحب ؟؟
مستنية إجابتك