حبيبتى ام مرام جزاك الله خيرا
و رزقك الاولاد الصالحين الباريين ان شاء الله قريبا
شوفى حبيبتى
حاولى تجاهدى نفسك شوية
انا الحمد لله لما وصلت للمرحلة دي بدأت افكر
لانى فعلا حاسة ان النية لوحدها مش كفايه
لازم ننوى و نعمل حاجة
انا بدأت وعملت حدول
اقولك لعلى اقدر افيدك زي ما اصحابى في المنتدى ساعدونى
الجدول ده عبارة عن الاشياء اللى المفروض اعملها في اليوم
ومش قادرة اقولك كميه السعادة اللى بكون فيها لما اعلم عليها و اكون خلصتها كلها
عملت ورد مراجعة للسور اللى حافظاها و قسمتها تقريبا على اسبوعين
تقريبا كل يوم ربعين مراجعة للحفظ القديم
و ثانى حاجه بحفظ تحفة الاطفال
برضه في جزء مراجعه و جزء حفظ الجديد حسب المقدرة و التركيز
ثالث حاجة بحفظ الجزء ال 28 و ال 29
ال28 لوحدى و احيانا اسمع بالكتابة و احيانا امى تسمعلى
و ال 29 مع المحفظة سورة في الاسبوع
و رابع حاجه بقرأ جزء من كتاب سيرة الرسول
حتى اكمله ان شاء الله
و صدقينى استفدت منه كتير
على الاقل حفظ اسمه اللى اكثرنا مش حافظه
و معرفة سيرته
و كل ما اقرأ عنه اكثر احبه اكثر و اقتدى بسنته اكثر
يعنى طلب للعلم
و منها معرفة الرسول
حتى اسطيع الرد على اي احد يقول حاجة عن الرسول
و كمان لما اعرف حاجة جديدة احيانا احكيها لامى او لزوجى
و كمان بحاول احفظ متن الجزريه مع الكتور ايمن السويد و هو الان بيبدا في ثانى حلقة يوم السبت ان شاء الله
الساعة الثامنة بتوقيت القاهرة
على قناة اقرأ أعتقد
و خامس حاجة بحاول اصوم اثنين و خميس
و احاول انتظم قدر المستطاع في قيام الليل و صلاة الضحى
ولما ربنا يفتحي اي باب خير بحاول مقفلهوش ابدا بعون الله
و كمان بحاول افكر زوجى بالله و الصلاة
و اسأله صليت الصبح الظهر .... العشاء
ولو قالى لأ اعد احسسه بالدنب
و ليه و حرام عليك مش عايز ربنا يوفقنا ....
و أخيرا لما اعد مع اقاربي و فتحو أي موضوع عن الدين و أعرف أتكلم في بتكلم
و أحاول انصحهم و كدلك اصحابى بس بجيبها بهزار طبعا
بس للاسف نادرا لما يتقبلوا
و أخيرا أكتب في المنتديات على النت
و دي اسهل حاجة و كمان مسليه
بس المهم النية الصادقة انك بتكتبى للنصح
و الارشاد للخير
و انت تعلمى الدال على الخير كفاعله
حبيبتى ارجو ان اكون نفعتك بشئ
و لو عندك شئ نقدر نساعد و نعين بعضنا
الله يتقبل منا ان شاء الله
و يجعل اعمالنا خالصة لوجهه الكريم
و يبعد عنا شر النفاق و الياء و الكسل
دعواتكم الله يوفقنى في زواجى و يتمه على خير
لو فيه خير لينا
و يرزقنا الاطفال الصالحين
و يعلمنا ما لا نعلم
و يرزقنى النقاب عاجلا غير اجلا
و جزاكن الله خير الجزاء
الروابط المفضلة