يلا نخلى السنة كلها رمضان
كل سنة وانتم طيبين والى الله اقرب وعن النار ابعد وعلى الطاعة ادوم
تقبل الله منا ومنكم وبلغنا رمضان السنة القادمة باذن الله
اكيد كلنا اجتهدنا فى رمضان وحسينا بلذة وطعم تانى للعبادة طب ايه رايكم مانضيعش اللذة دى بعد رمضان ونفضل عايشين بيها طول عمرنا
الرسول عليه الصلاة والسلام قال لو علمت امتى ما فى رمضان من الخير لتمنت ان يكون العام كله
واحنا مش عاوزين نبقى عباد موسميين مابنعبدش ربنا ولا نجتهد فى العبادة غير فى رمضان بس
لا احنا عاوزين نكون عباد لله فعلا عمرنا كله وخير الاعمال ادومها وان قل فايه رايكم نتفق على شوية حاجات نعملها ونحافظ عليها السنة كلها
وعلامة تقبل رمضان هى الثبات بعد رمضان ان شاء الله ربنا هيتقبل مننا
دى حاجات هنعملها ونحافظ عليها لان المفروض اننا بنزود العبادات بعد رمضان لكن اصلها موجود فى غير رمضان وبتزيد فيه ماشى يا قمرات
يلا نبدا
اولا الصلاة
طبعا غير الفروض النوافل نحافظ على 12 ركعة فى اليوم نافلة وهما 2 قبل الفجر و 4 قبل الظهر و 2 بعده و 2 بعد المغرب و 2 بعد العشاء
وكمان فيه 4 قبل العصر هى سنة غير مؤكدة بس برده نصليها يا حبايبى ماشى
وكمان صلاة الضحى عشان ربنا ينورلنا يومنا ويبارك فيه
ثانيا القران
طبعا القران ده حياتنا ومنهجنا وثواب قراءته عظيم جدا فعاوزين نختمه على الاقل مرة كل شهر وطبعا لو زودتى يبقى جزاكى الله خيرا وكمان عاوزين نحفظه عشان نبقى مع السفرة الكرام البررة ونحفظه بالتجويد كما انزل على سيدنا محمد عليه الصلاة والسلام لانه فرض علينا قراءته الصحيحة كما انزل
ثالثا قيام الليل
هو داخل تحت الصلاة بس لاهميته انا فردته لوحده لانه شرف المؤمن اوعى تسيبى قيام الليل ربنا عز وجل يتنزل فى الثلث الاخير من الليل يقول هل من مشتغفر فاغفر له هل من تائب فاتوب عليه هل من سائل فاعطيه مش معقولة ربنا يتنزل عشاننا واحنا نايمين او غافلين عن نداؤه فعاوزين نحافظ على قيام الليل نصحى قبل الفجر بنص ساعة نصلى فيها
رابعا اذكار الصباح والمساء
فيها ادعية جميلة ودى نقولها بعد صلاة الفجر والعصر
كل ده طبعا غير اننا مانزعلش حد ونسامح اللى زعلنا عشان ربنا يسامحنا وصلة الرحم والامر بالمعروف والنهى عن المنكر وبر الوالدين
وربنا يتقبل منا ومنكم وارجو نشرة عشان كلنا نستفيد
احبكم فى الله واستودعكم الله الذى لا تضيع ودائعه
رد مع الاستدلال
كتبت بواسطة النائيه
الروابط المفضلة