سؤال يحيرني كثير ليه صرنا نخاف من الناس ونحسب لهم ألف حساب أكثر من أننا نخاف من الله عز وجل، ليه تغيرنا ؟؟
ماأدري ليه الخوف من الله قل بقلوب الناس لا صغير ولا كبير (إلا من رحم ربي)، يخاف لايشوفه أحد إذا بيسوي شئ غلط، ولا يخاف من اللي خلق الناس.
أذكر يوم كنا صغار يدرسون بمادة التوحيد منهج ديني عظيم وهو(أنك تعبد الله كأنك تراه فأن لم تكن تراه فأنه يراك)، كنا نحفظها عن ظهر قلب ، بس الحين ماأدري أش صار بالدنيا ، أش صار بالناس ، ليش خوفها من الناس أعمى عيونهم وقلوبهم عن الخوف من الله ،والله مالقيت تفسير للي يصير في هاالوقت ؟؟
يمكن محبتي وخوفي عليكم هو اللي خلاني اكتب وأنبه عن الغلط الكبير اللي تسونه بحق أنفسكم وبحق عيالكم، أهلنا علمونا أن قبل ما نسوي أي شئ نشوف إذا ربي بيرضى علينا أو راح يكون سبب لغضبه وعقوبته.
بس اللي حاصل الحين أن الواحد يراعي أنه مايشوفه أحد من الخلق إذا بيعصي ربي ،وبعد بعضهم مايهمه إذا شافه أحد أو ماشافه يسويها ولا فباله أهم شئ وناسته.
ماأدري التفكير الغبي هذا متى يتغير ، يعني إذا ماشافك أحد ربي ماشافك، والله شئ يضحك.
ليه مانحط حدود على المعاصي وعلى الأمور اللي تغضب ربي وربك ، علشان مانقربها.ليه مانزرع الخوف من الله بقلوبنا وبقلوب اللي حولنا ، ليه مانربي أطفالنا أنهم يخافون من الله قبل كل شئ.
بكتب عن بعض اللي أشوفه وأنتم أحكموا وأضيفوا أفعال قد أنساها ،وذلك لننبه الناس وترجع قلوبنا تحياء بمراقبة الله لنا في كل أحوالنا.
· لايشوفك ويتعرف عليك أحد وأنت متلثمة أو متبرقعه وداخله على الفيس بوك وجالسه تستعرضين جسمك.
· لايشوفك أحد وأنت تتفرج على مواقع إباحية.
· لايشوفك أبوك وأنت ترجع للبيت سكران وتتحرش بالخدامه وتعتدي عليها.
· لايشوفك أحد وأنت تسرق من محل أو من السوبرماركت أو من أي مكان.
· لايشوفك أحد وأنت تسرق من أمك أو أختك ساعه أو ذهب علشان تبيعه وتشتري فيه البلاوي اللي تأخذها.
· لايشوفك أحد وأنت تتزينين علشان تروحين السوق وتغازلين .
· لايشوفك أخوك أو أمك وأنتي تكلمين شاب.
· لايشوفك أحد وأنت تواعدين واحد وتطلعين معه.
· لايشوفك أحد وأنت تأخذ بطاقة الصراف وتسحب من رصيد أبوك أو أمك.
· لايشوفك أحد وأنت تسرق سيارة علشان تفحط فيها .
· لايشوفك أحد وأنت تكتب على الجدران وترسم عليها وتخربها.
· لايشوفك أبو الجيران وأنت تطل على بيته وتشوف بناته.
هذا اللي تذكرته، يله كل واحد فيكم يشوف أش ناقص ويزيد من عنده.
وآخر كلامي ليه مانراقب أفعالنا قبل مايحاسبنا رب العالمين
" اللهم اغفر لي وأعفو عني وعن والدي والمؤمنين والمؤمنات الأحياء منهم والأموات"
"اللهم اجعل كاتبتها ووالديها وقارئها ومرسلها من أهل الفردوس الأعلى ياحي ياقيوم ياذا الجلال والإكرام"
أرجو نشرها حتى نصحو من غفلتنا
لايشوفك أحد
رد مع الاستدلال
الروابط المفضلة