السلام عليكم ورحمة الله وبركاته


أولا أنا عارفة إن موضوعى ده المفروض يكون مكانه النافذة الاجتماعية مش هنا
بس أنا حبيت أكتبه هنا
لانى عايزة الحل اللى يرضى ربنا والحل الدينى مش الحل الاجتماعى

أنا عايزة أتكلم كتير أوى
وأحيانا الكلام بيهرب منّى وأحيانا باحس إنى عايزة أتكلم مع أى حد فى الشارع وأخرّج اللى جوايا



أنا مابقتش باحس بأى حاجة فى الدنيا
لا فرحة ولا دهشة ولا حب ولا أى حاجة
فقدت معنى الحاجات

أنا اتظلمت كتير جدا من ناس كنت فاكراهم اقرب الناس ليا
وبقيت باتعب لمجرد إنى أفتكرهم
خصوصا أصحابى اللى كنت باعاملهم وكأنهم اخواتى
اتظلمت كتير بجد وكان بإيدى إنى أرد الظلم
بس احتسبت عند ربنا كل اللى حصل لى
وقلت هادعى ربنا ياخدلى حقى منهم فى الآخرة
وأكيد ده هايكون أصعب وأكبر
مع إنى ماانكرش إنى نفسى أشوفهم بيتعذبوا فى الدنيا

مثلا من الناس اللى ظلمونى حد اتقدملى ولما صليت استخارة وقعدت معاه
لقيته بنى آدم هاندم عمرى كله لو ارتبطت بيه
ورفضته بكل ذوق
وكان أى حد يسألنى عن سبب الرفض
كنت أقول كل حاجة قسمة ونصيب
وأهلى كانوا زعلوا منّى جامد علشان رفضته
وبعد فترة سمعنا إنه وأهله بيقولوا فى حقى وفى حق أهلى كلام صعب جدا
وكلام جارح بطريقة صعبة
واتمنيت إن ربنا ياخدلى حقى فى الآخرة
بس فى نفس الوقت نفسى أشوفه تعبان فى حياته جزاء اللى عمله وقاله عنّى
وكل ذنبى فى الموضوع انى ماارتحتش
وإنى ماجرحتش فيه أدام الناس يوم مارفضته

أنا كده ابقى وحشة ويبقى حرام عليا إنى أتمناله الشر؟؟؟؟؟
أنا غصب عنّى باحس بكده
أنا مش ملاك علشان أتمنى له حياة سعيدة
ولا مثالية للدرجة اللى تخلينى اسامح
ده جرح فى بنت من غير اى تعذيب ضمير

ده موقف من مواقف الظلم اللى حسيت بيها
ونفسى اعرف حرام عليا إنى أتمنى الشر لحد ولا لأ؟؟؟

فيه حاجات تانية باحسها ودى متأكدة انها حرام
يعنى مثلا لما بادعى ربنا كتير انه يحققلى حاجة
ولما مش تحصل
باقول خلاص أنا هابطّل أدعى لانها كده كده مش بتتحقق
انا عارفة إن ده سبب من اسباب ان الدعوة ماتتحققش
بس الشيطان هو اللى بيخلينى اقول كده
مش مبرر حكاية الشيطان دى مش كده؟؟؟
الواحد كتير بيغلط وبيقول الشيطان هو اللى خلانى أعمل كده علشان يلاقى لنفسه مبرر
وانا عارفة ان الدعوة ربنا بيحققها فى الدنيا او بيبعد عن الانسان شرها او بيحققهاله فى الاخرة
وإن ربنا لما بيأخر تحقيق الدعوة بيكون بيحب يسمع صوت العبد وهو بيدعيه
بس أنا باتعب اوى اوى اوى
وباحس ان ربنا لما مابيحققليش دعوة بيكون غضبان عليا ساعتها
وده بيخلينى أكره نفسى أوى

كمان القرآن بدأت أحفظه من فترة
شوية اتحمس وشوية أكسل
وده كمان حاسة إنه غضب من ربنا عليا

كمان من كتر مااتجرحت من الناس بقيت مش باحب أعاتب حد لما يجرحنى
باتعامل معاه عادى
لانى لو عاتبت يبقى عندى استعداد أسامح
وأنا بجد فقدت القدرة إنى اسامح
لانى ياااااااااااااامااااااااااااااا سامحت وربنا يعلم
وفى الآخر الناس بتفكر ده سذاجة وبتتمادى معتمدة فى كده إنى دايما باسامح
يبقى ناس زى دول يستاهلوا انى اسامحهم؟؟؟
انا عايزة أعرف أنا كده يبقى اسمى منافقة
لانى بقيت باتعامل مع الناس عادى مع انى من جوايا مجروحة منهم بس مابقتش قادرة أعاتبهم؟؟؟؟؟
ده حرام؟؟؟وربنا هايحاسبنى على كده؟؟؟
طيب لو ده حرام يبقى ايه الحل؟؟؟؟
انى اواجههم واعاتبهم؟؟؟؟
ماهو حل من الاتنين
يااما هايكون مطلوب منّى أسامح بعد كده وانا بجد غصب عنى مابقتش قادرة
يااما هابعد عنهم تماما لما مااقبلش عذرهم وكده هاعيش من غير ناس
طب أعمل ايه؟؟؟؟

كمان مش بقيت باحس بحاجة
يعنى لما باسمع خبر حلو مابقتش اعرف افرح اوى زى ماكنت زمان
ولو سمعت خبر وحش مابقتش ازعل اوى زى زمان
ولو حصل لى حاجة المفروض انها تصدمنى
مابقتش اتصدم زى زمان ولا أستغرب
بقى كل حاجة فى حياتى عادى
ممكن حد يفكر ان دى حاجة كويسة
علشان على الاقل لااتصدم ولا أزعل
بس الاحساس ده مموتنى
حاسة انى مابقتش باحس
حاسة ان فيه حاجة جوايا ماتت

انا علاقتى بربنا الحمد لله حاسة انها كويسة إلى حد ما
يعنى هاقول لكم علاقتى بيه عاملة ازاى علشان انا والله العظيم بجد عايزة اعرف
اللى انا فيه ده غضب من ربنا ولا ايه بالظبط

انا الحمد لله باحافظ على صلاة الفجر يوميا
والسنن بدات أحافظ عليها من فترة طويلة
وباصوم يوم الاتنين والخميس من كل أسبوع طول السنة
وباصوم ايام 13 و 14 و 15 من كل شهر هجرى
وباحب أدعى ربنا فى الاوقات المحبب فيها الدعاء
وباقرأ القرآن يوميا من فترة

بس حاسة إنى مخنوقة اوى من الدنيا ومن كل حاجة
وباحب أقعد لوحدى اكتر من إنى أقعد مع حد

نفسى حد يقول لى شوية أدعية اقولها دايما علشان ارتاح
نفسى ارتاح بجد
نفسى ارجع أحس تانى.... أعمل ايه؟؟؟؟
نفسى ربنا يرضى عنى

ده حتى الأذكار مابقتش منتظمة فيها وكمان القرآن اللى كنت متحمسة جدا فى بدابة حفظه مايقاش عندى نفس الحماس


أنا خلّصت دراستى السنة دى
وده سبّب لى شوية اكتئاب
لانى بعدت عن صاحباتى
مش بس بسبب اننا بعدنا عن بعض
لكن لانى بقيت متأكدة ان اى حاجة حلوة او اى حد كويس لااااااااااااازم بيكون لوجوده فى حياتنا نهاية
انا خلاص متأكدة ان الفراق ده هو نهاية اى حاجة واى حد

أنا نفسى أرجع طفلة من تانى
طفلة صغيرة أوى
وأبدأ أقرّب من ربنا اوى اوى اوى
وتبقى العبادات دى فى دمى
مش حاجات ممكن اكسل عنها
الصلاة دى حاجة اساسية عندى
من 11 سنة تقريبا وانا محافظة عليها
يعنى من وانا سنّى 10 سنين تقريبا ويمكن اصغر
لكن احيانا باحس انى باصلّى علشان الأذان اذّن والمفروض أصلّى
مش بحُب (أستغفر الله العظيم)
نفسى أستنى الصلاة اوى وأفرح وانا رايحة اصلى
نفسى بجد فى كده اوى
قولولى أعمل ايه؟؟؟؟

كمان لما حد من اهلى يوجّه لى أى كلمة
بقيت باخدها بحساسية أوى
وباتعصّب كتيييييييييييير جدا
ومااسيبش الموقف ينتهى غير وانا حاسة انى انا اللى انتصرت بعصبيتى
وباسيب المكان بسرعة بعد ماالموقف يخلص
وحتى لو قدرت اقنع اللى ادّامى انه غلطان
باجرى بسرعة على اى مكان واقعد لوحدى اعيّط اوىىىىىىىىى
وأستغفر ربنا كتير وأستعيذ بالله من الشيطان
وباعيط بانهيار
لانى مش ببقى عارفة بجد مين الغلطان
انا ولا همّا؟؟؟
وانا اتعصبت لانى على حق ولا علشان موقفى ضعيف ولازم ابيّن قوتى بالصوت العالى؟؟؟؟

انا حياتى مش ثابتة وحاسة إن كان عندى مبادئ وأفكار وحاجات ثابتة فجأة كلها اتغيرت
كلها ضاعت
كلها ماتت

إنى أعيط واقعد لوحدى وأكتب فى دفتر مذكراتى هى دى متعتى الوحيدة فى الدنيا

مابقتش باحب أقابل الناس ولا أقعد مع حد ولا اتكلّم

مابقتش احب أواجه ولا أعاتب

مابقاش فارق معايا حد يجرحنى او لأ
لانى عندى يقين ان حتى اللى ماجرحنيش فهو من جوّاه نفسه يجرحنى بس مش لاقى الفرصة لكده
شايفة كل الناس وحشة
علشان كنت شايفاهم كلهم ملايكة وثبت العكس

انا ماليش غير ربنا
قولولى اعمل إيه؟؟؟؟؟؟؟؟؟

كل واحد فى دنيتى بيلاقى متعة غريبة فى جرحى وفى انه يطلّعنى غلطانة
ومع انى بإيدى أكون زيّهم وده سهل اوىىىىىىىىىىىىىىىىىىىىىى
بس فيه حاجة جوايا رافضة إنى أبقى زيّهم
مش معقول أقدر أجرح حد وأتسبب له فى أى جرح لإن اللى جرّب يتجرح بيلاقى
إنه حرام اوى اوى اوى اوى اوى اوى انه يحسس حد بالجرح زى ماهو حاسُّه
وكمان لانى لو جرحت حد ازاى بعد كده هازعل لما أتجرح؟؟؟؟
طب ماانا ساعتها اصلا هاكون استاهل الجرح ده طالما جرحت


انا عارفة ان كل حاجة حلوة سببها ربنا
وكل حاجة وحشة سببها البعد عن ربنا او اختبار من ربنا

انا نفسى أصحى الصبح وأنا باضحك مش أصحى وانا بافتكر كل حاجة وحشة
نفسى أصلّى وانا فرحانة
نفسى ماابعدش ابدا عن القرآن
نفسى ارتاح

ارجوكم حد يقول لى مجموعة ادعية وخطوات امشى عليها
قولولى حاجات اعملها علشان ربنا يحبنى
قولولى حاجات أعملها علشان أبقى حد كويس
( انا والله ياقول الحقيقة علشان نفسى حد يلاقي لى حل فى نفسى)

وانا باشكركم مقدما على اى نصيحة هاتقولوهالى

إيمان حياك الله في روضة السعداء
ومتنفس الصعداء

أختي انت تحدثت عن أمرو كثيرة ضايقتك
منها الإحساس بالظلم
فقدك للفرح في هذه الحياة
شعورك بالتقصير في القرآن والأذكار
تعجيلك لإجابة الدعاء


إيمان كما فهمت منك أنك تخرجت هذه السنة
ستشعرين أنك انتقلت من عالم الدراسة إلى عالم جديد
ستحسين أنك أفقت على الحياة وستبدأين باكتساب الخبرات في المعاملات

أختي ... لم تحاسبين الناس على ما يقولون ؟؟
دعيهم يقولون ما يشاؤن ولا تكترثي لهم !!
واتركي عنك وساسو الشيطان التي تدعوك للإنتقام أو تمني الشر لهم
أنت لست خير من عائشة رضي الله عنها حين اتهموها بعرضها فديتها بروحي
تحدثوا عنها بأبشع جريمة وهي زوجة الحبيب المصطفى

وهذه طبيعة المجتمعات دوما الحديث الكاذب والإشاعات
هم قالوا وقالوا!
وهل ما قالوه صحيح ؟؟
إذن اضربي به عرض الحائط ولا تكترثي
فكلنا قد تحدثوا عنا بما لم نقل ولم نفعل كلنا نتعرض لذلك

تذكري نعم الله عليك انت بنت رائعة أكرمك الله
بأداء الصلوات والصيام وهذا توفيق من الله

وكل ما يصيبك لهو من هم الشيطان ليحزنك ويزيد من همك
تعوذي بالله منه
وثقي بنفسك جيدا وعيشي مع الآخرين كما أمرنا ديننا
ولو تتبعت السنة لوجدت الكثير من الأحاديث التي تحث على حسن الخلق
والإحسان إلى الآخرين دون انتظار مقابل منهم
واحتساب ذلك كله لله

أتريدين أن ينشرح خاطرك وتسكن روحك ؟؟
يقول تعالى ( الذين آمنوا وتطمئن قلوبهم بذكر الله ألا بذكر الله تطمئن القلوب )
هذا وعد من الله لنــــــــا

ايمان في الأخير أحييك على قلبك النابض وروحك التي تتطلع للمعالي
أسعدك الله ووفقك ورزقك زوجا صالحا

جزاكِ الله كل خير ياأخت آمال غير
انا عارفة ان صعب عليا إنى أحاسب الناس على اللى بيقولوه
لكن انا بشر ومش باقدر لما اقعد لوحدى ماافتكرش كل حاجة وحشة اتقالت فى حقى

جزاك الله كل خير تانى ياحبيبتى
وشكر لاهتمامك
وادعيلى

وعليكم السلام و رحمه الله و يركاته

اختي الغاليه ايمان ......

يضهر انك حساسه كثير و قلبك طيب كثير كثير حبيبتي لا تفكري ولا تتعبي

روحك الدنيا فيها الناس الوحشين و الناس الطيبين وانتي لسى في اول

الطريق رح يمر عليك اشكال و الوان من البشر منهم الطيب و منهم الخبيث

اذا فضلتي على هذه الطريقه رح تتعبي روحك ..... لذالك لاتهتمي ابدا لما

يقول الناس وا عملي الي بريحك ولا تحملي نفسك اكثر من طاقتك

خذي الامور بيبساطه اذا اي شيئ ازعجك لا تجلسي تفكري فيه طول النهار

حاولي تتناسي و تشغلي تفكيرك بشيئ مفيد مثلا بقراءه القران و مراجعه

ما حفظتي ..... وهاكذا حبيبتي اوصيك بدوام الدعاء و الاستغفار

و اكثري من لا حول ولا قوه الا با الله العلي العظيم

وحطي في بالك ان الدنيا ما تستاهل انك تزعلي نفسك وتتكدري وتلومي نفسك

على كل كبيره و صغيره ...... انتي انسانه رايعه جدا و طيوبه كمان

اتمنا لك حياه سعيده كلها فرح و مسرات

في امان الله يا الغاليه .

الصراحه اخواتي في الله ما قصرووو وكلامهم صح الغاليهـ،،،

ربي يفرج عليكي ويفرحك،،، الانسان الحساس يعاني كثيررر فحياته،، لذا دعي الخلق للخالق،، ولا تحملي نفسك مالا تطيقـــ

ادخلي عهالموضوع وإن شاء الله تلاقين اللي فيه سلوى لخاطرك،،،

http://www.lakii.com/vb/showthread.php?t=459821

ربي يسعدك،، ولك دعوات في ظهر الغيب إن شاء الله

دهوبة
ربنا يخليكى ياحبيبتى انتى كلامك مريح جدا وجميل جدا
وان شاء الله هاعمل زى مانصحتينى وهاشغل وقتى بحفظ القرآن ومراجعته بإذن الله


أحبك ياالله
موضوعك اللى فى الرابط رائع بجد
وشكرا ياحبيبتى على ذوقك واهتمامك

وعليكم السلام ورحمة الله وبركاته
كيف حالك اموووونة
راح ابدأ معك بالعبارة هذه

أنا خلّصت دراستى السنة دى
وده سبّب لى شوية اكتئاب
لانى بعدت عن صاحباتى
مش بس بسبب اننا بعدنا عن بعض
لكن لانى بقيت متأكدة ان اى حاجة حلوة او اى حد كويس لااااااااااااازم بيكون لوجوده فى حياتنا نهاية
انا خلاص متأكدة ان الفراق ده هو نهاية اى حاجة واى حد

حبيبتي امونة كل اللي بيحصل لكِ شيء طبيعي بما انه حصل لك الان نقلة نوعية مختلفة جدا عن ما كنتِ تعيشيه في اجواء الجامعة
والصحبة الصالحة
ثم اجواء عادية وبيت وناس لم تعتادي الاحتكاك بهم
نوعية مختلفة جدا عما كنت تعيشين معهم
الجامعة واختيارك لصحبة والله اعلم كانت من الصالحات اللاتي يذكرنك بالاخرة
والهم واحد نجاح وتفوق واذكار وصلاة وعبادات
الى حياة عادية ودنيا واهل
هذا اللذي سبب لك كل الامور النفسية اللتي تعاني منها حبيبتي
هذا بحاجة منك الى صبر وتهويد النفس ولو بطء على التكيف على الحياة الجديدة وكيفية المعايشة معها الان
فانتِ شي طبيعي انك تلجأين للبكاء والكتابة
امونة كانك كنتي معي حين افترقت عن اخواتي بالجامعة
هذه المعاناة يا غالية بحاجة منك الان الى مواجهة الواقع وعدم الهروب منه
بالبكاء او الجلوس لوحدك
كيف الان ان اكسب او اعمل صحبة مع حياة جديدة
ناس غير همهم الدنيا مثلا
كيف اكون معهم صحبة
حبيبتي الان انت اصبح عليك هم وثقل جديدين
وهو كيث نؤثري بغيرك بالخير
ولا ان تتاثري الا باهل الخير واهل الايمان
ان وجدتِ فيهم شي هناك النصيحة بالحسنى وبالاسلوب الحسن
عندك الان علم تعلمتيه حاولي تنشري ما تعلمتي ان كان هناك حديث
او اية تعلمتي تفسيرها
علميها لغيرك وتكسبي اجر تعلمك وتعليمك
لا اعرف طبيعة دراستك امونة
لكن كل العلم خير ان كان لله عز وجل
ووظفتيه لله
بارك الله بك امونة
واسال الله لك الثبات على الايمان
ومثل ما نصحوكي الاخوات ما قروا برضو
والله يعينك يالغلا

كتبت بواسطة eman_for_allah

أنا مابقتش باحس بأى حاجة فى الدنيا
لا فرحة ولا دهشة ولا حب ولا أى حاجة
فقدت معنى الحاجات

كتبت بواسطة eman_for_allah

فيه حاجات تانية باحسها ودى متأكدة انها حرام
يعنى مثلا لما بادعى ربنا كتير انه يحققلى حاجة
ولما مش تحصل
باقول خلاص أنا هابطّل أدعى لانها كده كده مش بتتحقق
انا عارفة إن ده سبب من اسباب ان الدعوة ماتتحققش
بس الشيطان هو اللى بيخلينى اقول كده
مش مبرر حكاية الشيطان دى مش كده؟؟؟
الواحد كتير بيغلط وبيقول الشيطان هو اللى خلانى أعمل كده علشان يلاقى لنفسه مبرر
وانا عارفة ان الدعوة ربنا بيحققها فى الدنيا او بيبعد عن الانسان شرها او بيحققهاله فى الاخرة
وإن ربنا لما بيأخر تحقيق الدعوة بيكون بيحب يسمع صوت العبد وهو بيدعيه
بس أنا باتعب اوى اوى اوى
وباحس ان ربنا لما مابيحققليش دعوة بيكون غضبان عليا ساعتها
وده بيخلينى أكره نفسى أوى

كتبت بواسطة eman_for_allah

كمان من كتر مااتجرحت من الناس بقيت مش باحب أعاتب حد لما يجرحنى
باتعامل معاه عادى
لانى لو عاتبت يبقى عندى استعداد أسامح
وأنا بجد فقدت القدرة إنى اسامح
لانى ياااااااااااااامااااااااااااااا سامحت وربنا يعلم
وفى الآخر الناس بتفكر ده سذاجة وبتتمادى معتمدة فى كده إنى دايما باسامح
يبقى ناس زى دول يستاهلوا انى اسامحهم؟؟؟
انا عايزة أعرف أنا كده يبقى اسمى منافقة
لانى بقيت باتعامل مع الناس عادى مع انى من جوايا مجروحة منهم بس مابقتش قادرة أعاتبهم؟؟؟؟؟
ده حرام؟؟؟وربنا هايحاسبنى على كده؟؟؟
طيب لو ده حرام يبقى ايه الحل؟؟؟؟
انى اواجههم واعاتبهم؟؟؟؟
ماهو حل من الاتنين
يااما هايكون مطلوب منّى أسامح بعد كده وانا بجد غصب عنى مابقتش قادرة
يااما هابعد عنهم تماما لما مااقبلش عذرهم وكده هاعيش من غير ناس
طب أعمل ايه؟؟؟؟

كتبت بواسطة eman_for_allah

كمان مش بقيت باحس بحاجة
يعنى لما باسمع خبر حلو مابقتش اعرف افرح اوى زى ماكنت زمان
ولو سمعت خبر وحش مابقتش ازعل اوى زى زمان
ولو حصل لى حاجة المفروض انها تصدمنى
مابقتش اتصدم زى زمان ولا أستغرب
بقى كل حاجة فى حياتى عادى
ممكن حد يفكر ان دى حاجة كويسة
علشان على الاقل لااتصدم ولا أزعل
بس الاحساس ده مموتنى
حاسة انى مابقتش باحس
حاسة ان فيه حاجة جوايا ماتت

كتبت بواسطة eman_for_allah

بس حاسة إنى مخنوقة اوى من الدنيا ومن كل حاجة
وباحب أقعد لوحدى اكتر من إنى أقعد مع حد

نفسى حد يقول لى شوية أدعية اقولها دايما علشان ارتاح
نفسى ارتاح بجد
نفسى ارجع أحس تانى.... أعمل ايه؟؟؟؟
نفسى ربنا يرضى عنى

quote=eman_for_allah;6335692]

لكن لانى بقيت متأكدة ان اى حاجة حلوة او اى حد كويس لااااااااااااازم بيكون لوجوده فى حياتنا نهاية
انا خلاص متأكدة ان الفراق ده هو نهاية اى حاجة واى حد

[/quote]

كتبت بواسطة eman_for_allah

لكن احيانا باحس انى باصلّى علشان الأذان اذّن والمفروض أصلّى
مش بحُب (أستغفر الله العظيم)
نفسى أستنى الصلاة اوى وأفرح وانا رايحة اصلى
نفسى بجد فى كده اوى
قولولى أعمل ايه؟؟؟؟

كتبت بواسطة eman_for_allah

مابقتش باحب أقابل الناس ولا أقعد مع حد ولا اتكلّم

مابقتش احب أواجه ولا أعاتب

مابقاش فارق معايا حد يجرحنى او لأ

[ quote=eman_for_allah;6335692]

انا عارفة ان كل حاجة حلوة سببها ربنا
وكل حاجة وحشة سببها البعد عن ربنا او اختبار من ربنا

انا نفسى أصحى الصبح وأنا باضحك مش أصحى وانا بافتكر كل حاجة وحشة
نفسى أصلّى وانا فرحانة
نفسى ماابعدش ابدا عن القرآن
نفسى ارتاح

[/quote]

تصدقي يا ايمان
انا نقلت الكلام اللي حسيت اني بمر فيه حاليا ومسبب لي أزمة نفسية وحاسة اني كده جاني اكتئاب
هذا بالاضافة الي مشاكلي الصحية اللى لا تنتهي والحمد لله
وتحولي إلى عاطلة عن العمل منذ شهور والفارق هنا اني انهيت دراستي الجامعية من 6 سنوات
بالإضافة إلى أحوال بلدنا السياسية والاجتماعية والاقتصادية والمشاكل الداخلية الحزبية اللي بتأثر علينا بشكل مباشر!!
انتي بجد فتحتي عليا جروح ونبهتيني لحاجات فيا ما كنتش ماخدة بالي منها انها مأثرة عليا كده لاني اصلا مش بحكي مع حد في اي حاجة بتدايقني