انا ابغي البس الاسدال لكن سني صغير جدا عارفين كام 12 وما احد يقول صغيرة ومش عارفة ايه انا عارفة اننا صغيرة بس انا ماعندي حدا اسألة غيركم وبصراحة بعتبركم اخواتي وامهاتي انا ماعندي اخوات وماما كل ما بسألها تقولى( يا بت انت صغيرة امال امتى بقة هاتلبسي ) عفوا (انا مصريه)
بس من ناحيه اخري البرامج الاسلاميه تقول كذا كذا وكذا وطبعا عارفين بيقولوا ايه (خاص بالحجاب)
بس انا برضة يعني مش عايزة البسه اولاكن بفكران ربنا هايزعل مني وسمعت عمرو خالد مرة بيقول ان الحجاب مش لازم يكون اسدال لازم يكون بشروط معينة من فيكم ترجح ان البس الاسدال ولا لا
وانا هاسمع كلامك لان كلكم خواتي وبصراحة انا زهقت ومش قادرة افكر

حبيبتى شيماء
انت جميله قوى
يا رب بنوتى تبقى ذيك لما تكبر
ربنا يخليكى لمامتك يا رب
ويبارك لها فيك

السلام عليكم
أختي شيماء انا زيك مصرية ولبست الحجاب وأنا في رابعة أبتدائي ولبس الخمار وأنا في تانية إعدادي والحمد لله لبست النقاب وأنا في أولى جامعة والحمد لله أنا متزوجة دلوقتي وحامل والحمد لله إيه المانع أنك تلبسيه فحياء المراة في لبسها وقربها من ربنا لا تترددي وألبسيه بس حافظي على شكلك وانت لبساه يعني لازم يكون شكلك يدل على أنك بنت ملتزمة وواظبي حفظ القران وهناك هتلاقي إخوات زيك يعينوكي على طاعة الله وربنا يجعلك من عبادة الصالحين ويا ريت كل البنات تبقى زيك ما تهتميش بالناس اللي تتريق عليكي لأن كل مؤمن مبتلى ولزم كل واحدة ملتزمة تتعرض لفتن كتيرة وأنتي لو إيمانك قوي ربنا هيثبتك بالا أستعيني بالله وأدعي ربنا يثبتك في صلاتك وإن شااء الله هتلاقي كل الناس فرحانة بيكي وأي سؤال أنا تحت أمرك يا جمييييييل ربي إهدي كل بنات وفتيات المسلمين

السلام عليكم و رحمة الله و بركاته
غاليتي شيماء ،
يسعدني جداً ما أرى فيك من حب لدينك و حرص على تعاليمه ، أسأل الله تعالى أن يبارك فيك و يثبتك و يجعلك خير داعية لدينه العزيز ..
و جزى الله والدتك كل خير ، فلا بد أن تربيتها الصالحة هي التي غرست فيك بذور الخير و حب الدين، و جعلتك متميزة عن بنات جيلك ..
أوليس من حق هذه الأم يا شيماء أن تسمعي كلامها قبل غيرها ، طالما أنها لا تأمرك بمعصية الله ؟
أولم يوصينا رسولنا الكريم بالأم و طاعتها و الحرص على رضاها لكي يرضى عنا الله تعالى ؟

حسب ما فهمت من كلامك ، والدتك لا تعارض الحجاب ، بل تعارض "الإسدال". طيب يا شيماء يا غالية ، الموضوع بسيط و لا داعي للحيرة أبداً
إرتدي الحجاب مع لباس عادي بالمواصفات التي أمر بها رسولنا صلى الله عليه و سلم ، أي فضفاض لا يصف و لا يشف و لا يلفت الأنظار .
أما الإسدال نفسه ، فهو نوع من أنواع اللباس الشرعي ، و لكنه ليس النوع الوحيد ، و لا داعي لتقييد نفسك به .
حجاب الفتاة المسلمة ليس له زي معين ، بل له مواصفات معينة ، إن تحققت في أي لباس ، أصبح هذا اللباس شرعيا .
لذلك حبيبتي ، استخدمي ذكاءك لتكسبي رضا ربك و والدتك في آن
إن كان لا يرضيها الإسدال ، فارتدي أي رداء آخر تتوافر فيه شروط الزي الإسلامي ، و ربنا مش حيزعل منك إن شاء الله ، بل حيرضى عنك لأنك أطعتيه في أمرين : اللباس الشرعي + إرضاء الأم .

وفقكِ الله يا شيماء لما يحب و يرضى ..