> تخيل يحبك الملك < ؟؟

ياسلاااااام .. كان تحس انك أسعد واحد ..
أي شي تبيه حاضر !!
يحق لك .. معك عدم تعرض ..
أي واحد يحاول يغثك الله يعينه تبي تبهذله بهذلة .. صح ؟؟

بس المشكلة إن الملك يمكن ينساك بأي وقت !!
يمكن تتغير بعينه !!
يمكن أحد يكرهه إياك !!
يمكن يموت.. يمكن .....

لأن الملك أصلا لو تفكر فيها تلقاه مخلوق .. مثلك بالضبط ،
وضعيف محتاج إلى أحد ،
فما يمكن يسوي شي لحاله ،
وحتى محبته محدودة بزمن لو مات أو مت خلاص انتهى كل شي ..

لكن اللي ودي أوصل له بهالمثل ..
إني أقول وش رايك ؟!
لو أحبك ملك الملوك سبحانه ..
وش تكون حياتك ؟
بيعني يحبك يحبك !
ياســـــــلااااااام ،،،
أي سعادة ؟ وأي وناسة ؟
وأي طمأنينة وراحة تبي تحصل لك ؟
تبي تلقا لك أكبر معين ..
يدافع عنك .. ينصرك ..
وش رايك لو أحد يعاديك ..
يرووووح فيها ..
{إن الله يدافع عن اللذين آمنوا}

هذي من مراتب الولاية ..

وترا تحصيل محبة الله أسهل مايكون ، وأصعب مايكون ..
سهلة على الصادق المخلص اللي يعرف وش معنى إن الله يحبك ..
صعبه على العجاز اللي يبي الله يحبه وهو نايم على الفراش ..

المحبة مرتبة عظيمة قليل من يحصلها ..
تخيل نفسك من اللي يقول فيهم { فسوف يأت الله بقوم يحبهم ويحبونه } ..

اللـــــــه أكبـــــــر ..
ماتستغرب من كونهم يحبونه
لأننا كلنا ندعي هذا .. بس تستغرب كيف الله يحبهم ؟!!
مع إنه هو اللي خلقهم ورزقهم ونعمه لاتحصى عليهم !!

يـــــحـــــبـــــهـــــم ! ! !

كيف يحصل هذا ؟؟
هل هم مخلوقين من نور ؟
هل لهم قدرات خارقة غيرنا ؟

أبدا أبدا ..
لكن هذولا عرفوا ليش مخلوقين وتعرفوا على الله حق المعرفة ، فلما عرفوه أحبوه
حق المحبة .. (مهوب مثل حبنا)
وصار بينهم وبينه علاقة ..
حتى أحــبهم ..

فهذي بعض الأسباب اللي تعينك على هذه الغاية العالية والله المستعان ..

¤ الأسباب الجالبة لمحبة الله ¤

1_ تفريغ القلب لله تعالى :
فلا يمكن شغل القلب بمحبة اللــــه والشوق إلى لقائه إلا بتفريغه من تعلقــــه بغيره .


2_ معرفة الله تعالى :
بأسمــــائه وصفــــاته ،
قال عتبة الغلام : من عرف الله تعالى أحبه .


3_ معرفة نعمه على عباده :
ومشاهدة بره وإحسانه وآلائه ونعمه الباطنة والظاهرة ، فإنها داعية إلى محبته ، فإن القلوب جبلت على محبة من أحسن إليها، ولا أحد أعظم إحسانا من الله تعالى
.


4_ كثرة ذكره تعالى مع حضور القلب :
فالذكر من أعظم ماتستجلب به محبة الله ؛ فالذكر باب المحبة .


5_ معاملة الله بالصدق والإخلاص ، ومخالفة الهوى :
قال فتح الموصلي: من أدام النظر بقلبه أورثه ذلك الفرح بالمحبوب ، ومن آثره على هواه أورثه ذلك حبه إياه ،
ومن اشتاق إليه زهده فيما سواه ، ورعى حقه، ومن خافه بالغيب أورثه ذلك النظر إلى وجهه الكريم .


6_ تلاوة القرآن بالتدبر والتفكر:
ولا سيما الآيات المتضمنة للأسماء والصفات والأفعال الباهرات ، ومحبة ذلك يستوجب به العبد محبــــة اللــــه ،
ومحبــــة اللــــه لــــه .


7_ تذكر مافي القرآن والسنة من رؤية أهل الجنة لربهم :
وزيارتهم له واجتماعهم يوم المزيد ، فإن ذلك يستجلب المحبــــة الخاصــــة .


8_ العفاف وأخذ الكفاف :
قال الحواري للداراني : بم نال أهل المحبة المحبة من الله عز وجــــل ؟
قال : بالعفاف وأخذ الكفاف .


9_ موالاة أولياء الله_عزوجل_ ومعاداة أعدائه :
وأصل ذلك الموافقة .


10_ إيثار محابه على محاب العبد عند غلبة الهوى :
وعلامة الإيثار:
أ. فعل مايحب الله إذا كانت النفس تكرهه وتهرب منه.

ب. ترك مايكرهه إذا كانت النفس تحبه وتهواه .


* أسأل الله _ عز وجل _ أن يرزقنا محبته والشوق إليه ،
ولن نتوصل إلى تحقيق هذه الأسباب إلا بالصدق والإخلاص والجدية .

وشكرا لك أخي على المساهمة بنشرها مجانا .
$$ انشر تؤجر $$
تراها ببلاش بس حرك اصبعك وساهم بنشرها ..
ترا والله ماتدري .!
يمكن واحد داشر صايع يقراها ويتأثر ويكون من أولياء الله
والسبب انت فيكون بميزانك ..

فالله الله بالخير..
وجزاك الله خير ..