السلام عليكم ورحمة الله وبركاته
..


قبل ماتبدأ تقرأ أحب أشكرك جدّا
إنك دخلت الموضوع
اصل في ناس كتيييير لما تشوف منتدى ملتزم شوية وحاطط حاجة عن 2013 او رأس السنة الجديدة
يقولولك بسسس
دول أكيد بيجروا رجلنا عشان ندخل نقرأ وأكيد حلاقيهم كاتبيييين أعياد الكفااااار وحراااام ولايجوز
وبصراحة ياعم الدين لله والوطن للجميع
ومفيهاش حاااجة بقا لما اقول لصاحبي كل سنة وانت طيب
ماانا بكون من جوايا أكيييد بنكر اللي هو بيعمله وغيور على ديني

والله انا مش عارف اكتب إيه بعد اللي انت قلته دا
بس انا بصراحة مش هو دا بالضبط اللي جاي أقوله
دا ممكن اكون حقوله في مشاركات تانية داخل الموضوع
بس انا برده مش بجر رجلك
انا لما قولتلك تعالى ندردش عن 2013 مضحكتش عليك
بص ياسيدي انا دخلت الفيس بوك من شوية
ولقيت عم سيد بدأ يظهر
ميييين عم سيييد ؟؟
دا الراجل اللي بيقول حسبي الله ونعم الوكيييل
اللي هما في بداية كل سنة لازم ينزلولك صورته او يجبولك الفيلم

عامة كل واحد ميعرفش عم سيد كوويس جدًا جدًااااا
اللي عارفين عم سيد بقا وهي دي الناس اللي بيقولوا انتوا بتجروا رجليناا
يركزوا معايا شوية

الحاجة الغريبة اللي لفتت نظري ان كل واحد في وداع 2012
بيفتكر ايه الحاجات الحلوة اللي عملها فيها وايه الحاجات الوحشة اللي عملها برده فيها
كل واحد بيفتكر احبابه اللي ماتوا وبيدعيلهم
وكل واحد بيعاهد نفسه انه يخلي 2013 احلى من 2012

برده انت عايز ايييه
ماهي الناس زي الفل اهه ومبيعملوش حاجة غلط
طيب ثانية هو من شهر واحد بس كاااان في رأس سنة هجرية جديدة دخلت عليناااا
افتكرت حضرتك فيها إييييييييه؟؟
افتكرت ان دا موسم ولازم تروح لخطيبتك ولا لزوجتك
وانتي افتكرتي حتشتريله ايه في الموسم !!
وانت منستش وانت مروح بيتك تدخل على عيالك بالحلاوة وبالعروسة الحلاوة
وانتي جمعتي العلية وعملتي أحلى بطاااية

ماشي كل دي عادات حلوة بغض النظر إنك تروح لخطيبتك وتجيب هدية دا موضوع تاااني
مهم بس نتكلم فيه مرة تانية
بس بالله عليييييييييييييك
قارن انت بين موقفك هنا وهنااا
واحنا ليه كدااا
؟؟؟
مش حقولك انت مقصر ووحش لالالا
حقول جايز لأن دا العرف او لأن الناس متعودة في رأس السنة الهجرية ان دا موسم وبتنشغل
وفي رأس السنة الميلادية بنكون فاضييين مش بنعمل موسم فبنقعد
نقلب المواااجع ونفتكر القديم والجديد ونحاسب نفسنا!!!!

بس ممكن يكون في ناس عندها خلل ومش عارفة
وسواء كانت مشغولة او لأ فهي على طول كدا!!
واخوااااتنا دول حنعرفهم في المشاركات الجاية حكم الكريسماس والحاجات دي كلها

طيب ماشاء الله دا الموضوع خلص اهوه
لالالالا
انا جاي اقولك ان اللي عاجبني فكرة ان السنة خلصت فقعدت احاسب نفسي
ايه رأيك في نهاية كل شهر هجري نحاسب نفسنا ونشوفها اتقدمت ولارجعت لورا

هااا إيه رأيك؟؟؟
تعرف ان شهر محرم خلص
اه والله
روح كدا بص في النتيجة وتعالى ...>>>!
شفت بقا
صمت فيه كام يوم ؟؟ اصل الشهر دا كان الصيام فيه ربنا يحبه جدًا من عبده؟؟
مصمتش بصراحة اصلي كان عندي امتحانات وانا لو صحيت الصبح مشربتش نسكافيه بضيييييع!!
معلش
طيب عملت اي قربة تقربك من ربنا؟؟
لأ بصراحة اصلي والله طول الليل بذاكر او بنام عشان اصحى للشغل.. مش دي عبادة برده !!!!
طيب معلش
طيب قولي وانت رايح الصبح شغلك بتاخد نوايا وبتنوي كل يوم الصبح انك
خارج في سبيل الله عشاااان ربنا يرضى وعشان ...............
لأ أصلي...........

لالالالالالالالالالا
لاأصلي ولاتقليد

طيب وبعدين ؟؟؟
افرض جينا السنة الجاية وكنت انت من الناس اللي صحابك بيدعولك وانت ميت
وبيقولوا الله يرحمه كان راجل طيب
؟؟؟
انا عارف انك عارف انك مقصر طب وبعديييييين؟؟

ماانا قلتلك الحل >> اقعد مع نفسك
في نهاية كل شهر
اعمل تذكير على موبايلك يفكرك ان اخر الشهر فاضل عليه يومين وياسلام بقا
لو كان بكرة الخميس ولا الاثنين وتصوم
وتختم شهرك بصيام يوم لله تصومه بجد
تصوم فيه عن كل معصية
تصوم بقلب خاشع
تصوم كأنك بتصوم أول يوم رمضان
رمضضضضضضضضان ياااااااااااااااااااااااااااااااااااااااااااااااه
فاكر اول يوم صيام في رمضان بيكون عامل ازاي؟؟
لو حد شتمك>> اللهم إني صائم
لو حد ضايقك>> تصفي قلبك بسرعة
لو ساعة ضاعت منك>> تقعد بتأنب نفسك وتجتهد اكتر
لو مقرأتش الورد بتاع النهاااردة>> يانهار أبيض والله ماحنام إلا لما حخلصه

ممكن ولا لأ؟؟
تصوم يوم وتجعل في اليوم دا ساعة بلا ذنب
بس اوعى تدخل تنام في الساعة دي
اجتهد وحاول
عارف لو صمت اليوم دا
حتصحى في تاني يوم لسة في أثر لليوم دا في قلبك ومش عايز تقل في مستواك
ع الاقل حتقعد لنص الشهر قلبك فيه خير
وياسلام بقا لو صمت في النص التاني من الشهر كمان يوم عشان يكون في وقود يبقى خيير وبركة

الشاهد منكل دا
الطريق لربنا واضح
بس الفرق بين كل واحد فينا
ان واحد
ربنا اول حد في حياته ودايمًا حاسس بوجود ربنا في حياته
وواحد
ربنا اول واحد في حياته بس الدنيا سحراه وشغلاه وكل شوية يتعثر
وحياته تضيق عشان يرجع وبيرجع شوية ويقع ويفضل كدا على طول ومش بياخد خطوة انه يثبت
وواحد
بيحب ربنا بالفطرة .. بيحب ربنا بس هو مخلي علاقته بربنا صلاة وفرائض وبس مفيش حب
مفيش مناجاة مع الله مفيش اي حااجة بس قلبه فيه خييير بس ودا حياته حلوة بس عايز أقوله
انها حتبقى احلى لو قربت

عشان كدا تعالوا كلنا نقرّب
ابدأ بأبسط حاجة وداوم عليها
وخلي عندك طموح انك تعلى وترقى
لأن انت دلوقتي لو كويس كأنك واقف على السلم مبتتحركش من على الدرجة دي
بس ممكن في اي لحظة تقع
لو وقعت حترجع للسلمة اللي كنت عليها قبل ماتقرب من ربنا
لكن لو كنت على سلمة عالية ووقعت
فأنت حتقع على سلمة برده عالية
حتقع على السلمة اللي كنت فيها كووويس

البداية ممكن تكون
بـ
نية كل يوم بتاخدها قبل أي عمل أو نية تحطها في بداية كل يوم

البداية ممكن تكون
بـ
بأذكار الصباح والمساء اللي كل يوم بتقولها بقلبك وانت قلبك راضي عن ربنا
وبتقول يارب انا راضي انت ارضى عني ياربي
البداية ممكن تكون
بـ
ببرك لأهلك عشان ربنا يرضى

البداية بتبدأ لما تكون شايف ربنا في كل تصرفاتك ودايمًا
عارف ان ربنا معاك ومطلع عليك ومش بتحاول تغضبه منك

البدايةمن نفسكـ من قلبكـ من ضميـركـ
واتفضل ياعم مقطع جاااامد جدًا للشيخ هاني حلمي
حياخد بس من وقت حضرتك دقائق معدودة



انا لسة في 2013
تعالوا نعرف ايه حكاية 2013
و
Happy New Year
و
الحاجات دي كلها ونعرف هو احنا لو احتفلنا بالحاجات دي
ربنا حيرضى ولا لأ

احنا اتفقنااااا
ان الفرق بين الواحد اللي انت شايفه مقفل كل حاجة ومتشدد وبيقول حرام
ان عايش حياته وقبل كل خطوة بيشوف هو ربنا حيزعل مني لو عملت كدا؟؟
انت كمان خليك زيه
و شوووف
متمشيش ورا كلام الناس وتقول وفيها إيه ما كل الناس كدا؟؟؟

تمام دلوقتي خلصنا الدردشة بتاعتنااااا
طيب ممكن اسأل سؤال
انا خلاص ححاسب نفسي دايمًا وكل الكلام اللي اتقال قبل كدا إن شاء الله حظبطه
بس هو ينفع اقول لأخويا المسيحي كل سنة وانت طيب وبعودة للأيام ؟؟
طيب ينفع اجيب بلوناااااات وانوار جميلة وازين البيت عندنا انا بحتفل بالسنة الجديدة ماالسنة دي داخلة علينا كلنا؟؟
طيب هو ينفع اشتري بابا نويل ولا حتى الشجرة دي؟؟؟ عشان بس افرح الاطفال؟؟
طيب لو انا بشتغل بائع ينفع اجيب شجرة عيد الميلاد وبابا نويل وابيعهم؟؟
اسئلة كتيييييييييييييييير

تابعونا هنا في ملف يارب تلاقوا فيه كل سؤال ممكن يدور ببالكم
عن مووضوع رأس السنة ونهنئهم بأعيادهم أم لا نهنئهم !!!
وحاجات تانية كتيييرة والملف دا لكل واحد
اللي يعرف يقرأ وينصح اللي ميعرفش
واللي ميعرفش يتفضل يعرف
بس المرة دي جرب وانت بتقرأ متقرأش كأنه مفروض عليك إنك تقرأ
متقرأش وانت متأزم وزعلان انك مش حتحتفل
جرب المرة دي تقرأ وانت كل حاجة شاغلاك بجد
بس هو يرضى
انا عايز اعرف حبيبي بيحب ايه عشان اعمله على طول مش عايز اعمل حاجة ممكن تزعل ربنا
وانا معرفش انها بتزعله..
اتفضل
هل نهنئهم....؟؟||ملف شامل||

لاتنسونا من صالح الدعاء
والسلام عليكم ورحمة الله وبركاته
..((: تعـالوا ندردش شوية عن 2013 ونعرف شوية حـاجـات بتدور في بال كل واحد )

كلام جميل وياليت من يقرأ يستفيد
جزاك الله خيرا

بارك الله بك
كلامك حكم
جزاك الله كل خير